مرقس 13:33 - ثريفيث 2020

³³ حْضَام يخْف نْوم، إِڒِيم عْلَابَال ڒَاحقَّاش وَار ثسِّينم شَا مڒْمِي د غَا ثَاس ڒْوقْث نِّي.

مرقس 13:33 Խաչաձեւ Հղումներ

أيث-ؤفسوس 6:18

مَارَّا ظُّرُوْف إِي ذِي ثدْجَام تَّارم إِ أَربِّـي خَاسن س أَرُّوْح يقدّْسن س مَارَّا لْأَنْوَاع ن ثْࢲَادْجِيث ذ دُّعَاء. سْخذْمم ڒَعْقڒ نْوم ذِي مَانَايَا، أَرّم-د ڒْبَاڒ نْوم س يِجّن ن صّْبَر، تَّارم خ مَارَّا صَّالِحِين.

لوقا 12:40

سْوجْذم يخف نْوم مِينْزِي مِّيس ن بْنَاذم اَذ د يَاس ذݣ يِجّن ن ثْسَعَّات وَار ث تْرِيجِيم شَا."

لواحي ن يوحنا 16:15

("صنّْطث، قَا نش اَذ د اَسغ اَم د يُوْسَا يج وشفَّار. سَّعْذ ن ونِّي إِي غَا يِيڒِين عْلَابَال اَذ يحْضَا اَرُّوْض نّس حمَا وَار يݣُّوْر شَا ذ اَعرْيَان اَذ ࢲرن يِوْذَان ثُوْعَرْيَنْت نّس.")

1 بطرس 5:8

أَرّم-د ڒْبَاڒ نْوم، إِڒِيث عْلَابَال. ڒَعْذُو نْوم إِبْڒِيس قَا يتْقيَّاذ-كنِّيو اَم سّْبَاع يتْهِيرِّيو يرزُّو خ ونِّي إِي غَا يسغْڒِي.

1 بطرس 4:7

أَقَا يُوْسَا-د ونݣَّارُو ن مَارَّا ثِمسْڒَايِين. إِذن يتْخصَّا اَذ د تَارّم ڒْبَاڒ نْوم اَغَارْوم يِيڒِي ڒَعْقڒ نْوم بَاش اَتَاف اَذ تْزمَّرم اَذ تْࢲَادْجم.

أَسڒْمذ ن سِيذِيثْنغ عِيْسَى لْكِتَاب ن مَتَّى 25:13

إِذن، ئِڒِيم عْلَابَال ڒَاحقَّاش وَار ثسِّينم ؤُڒَا ذ نْهَار نِّي ؤُڒَا ذ ثْسَعَّات نِّي.

لواحي ن يوحنا 3:2

إِڒِي عْلَابَال، اݣّ جّْهذ نّش ذِي ڒخْذَايم نّش إِي ذَاش يقِّيمن قْبڒ مَا ٱذ مّْثنْت قَاع. نش ؤُفِيغ ڒخْذَايم نّش وَار كمّْڒنْت شَا زَّاث إِ أَربِّـي ينُو.

1 أيث-كورينث 16:13

إِڒِيث عْلَابَال، بدّث نِيشَان ذِي لْإِيمَان، إِڒِيث ذ يرْيَازن، إِڒِيث ثْجهْذم.

مرقس 13:23

إِڒِيم عْلَابَال كنِّيو! أَقَا نش عڒْمغ-اَوم خ مَارَّا مَانَايَا قْبڒ مَا ٱذ يوْقع.

يعيبرانيين 12:15

أَرّم-د ڒْبَاڒ نْوم بَاش وَار يتْغِيمِي حَدّ وَار يخطّڒ غَار اَرْضَا ن أَربِّـي، نِغ عَاوذ وَار يغمِّي شَان ن وࢲْوَار ذ اَمرْزَاݣ اَذ يݣّ لْمَشَاكِيل اَذ يضيّع اَطَّاس ن يِوْذَان.

أيث-روما 13:14

وَلَكِن، ݣّث ڒحْوَايج ن سِيذِيثْنغ عِيْسَى لْمَسِيح. وَار رهَّام شَا اَك طَّبِيعَا ثَعفَّانْت نْوم، وَار تْسعَّافث شَا شّهَاوَاث نّس.

أيث-كولوس 4:2

تݣّم لْمجْهُوْد س ثْࢲَادْجِيث نْوم، إِڒِيم عْلَابَال ذِي ثْࢲَادْجِيث نْوم شكَّرم أَربِّـي.