مرقس 12:37 - ثريفيث 2020

³⁷ مَامّش غَا يِيڒِي لْمَسِيح ذ مِّيس ن دَاود؟ نتَّا دَاود يقَّار-اَس إِ لْمَسِيح آ سِيذِي." أَطَّاس ن ڒْغَاشِي تسْڒَان-اَس، فَرْحن.

مرقس 12:37 Խաչաձեւ Հղումներ

لواحي ن يوحنا 22:16

ذ نش عِيْسَى سّكّغ-د لْمَلَاك ينُو حمَا اَذَاوم يشْهذ خ ثْمسْڒَايِين-أَ ذِي ثْجُمَاع ن ڒْمُوْمِنِين. نش ذ لْأَصْل ن دَاود أُو زِي دُّوْرِّيث نّس. نش ذ يثْرِي ن ڒفْجَر يتْشعْشِيعن."

ثبرات غار يعقوب 2:5

شُوْف آي أَيثْمَا يمْعِيزّن ينُو، مَا وَار ثسِّينم شَا أَربِّـي يخْضَر ڒْمُسَاكِين ن دُّنشْت-أَ حمَا اَذ يڒِين ذ تْوَاجَر س لْإِيمَان نْسن اَذ وَرْثن ذِي ڒْمُلْك إِي زِي يوْعذ أَربِّـي يِنِّي إِي ث يتْحِبَّان؟

1 تيموتاوس 3:16

أُو بْڒَا شّكّ مشْحَاڒ ثدْجَا ذ ثَمقّْرَانْت ڒْمَعْنَا ينُوْفَّرن ن لْإِيمَان: نتَّا، ذ بْنَاذم إِي د يمظْهَارن، ذ أَرُّوْح إِي خَاس يشهْذن. نتَّا، ذ لْمَلَائِكَاث إِي ذَايس يخْزَرن، ذ ڒݣْنُوْس إِي زَّايس يتْوَابشَّرن. نتَّا، ذِي دُّنشْت-أَ يِنِّي إِي زَّايس يُوْمْنن، ذ لْعَظَمَا ن وجنَّا إِي ث يقبْڒن.

أيث-روما 9:5

ؤُسِين-د زِي سَّلَف صَّالِحِين، أُو زݣ وࢲْور نْسن إِي د يُوْسَا لْمَسِيح ذ دَّات ذ بْنَاذم. أَربِّـي يتْوَاحْمذ إِ ڒبْدَا، ونِّي يحكّْمن خ مَارَّا. آمِين.

يوحنا 12:9

ؤُسِين-د اَطَّاس ن ڒْغَاشِي ن يسْرَائِيلِيْين وَامِي د اَرِّين ڒخْبَار بلِّي نتَّا اَقَاث ذِنِّي. وَار يدْجِي خ عِيْسَى وَاهَا، ؤُسِين-د اَذ ࢲْرن ؤُڒَا ذ لِعَازَر ونِّي إِي د يسكَّر زِي ڒْموْث.

لوقا 21:38

مَارَّا يوْذَان تْرَاحن غَارس زِيش غَار ثمْزِيذَا ثَمقّْرَانْت حمَا اَذ صنّْطن إِ وَاوَاڒ نّس.

لوقا 19:48

وَار ؤُفِين مَامّش غَا ݣّن مِينْزِي مَارَّا شَّعْب تُوْغَا يتسْڒَا-يَاس يقِّيم ذݣ وَاوَاڒ نّس.

أَسڒْمذ ن سِيذِيثْنغ عِيْسَى لْكِتَاب ن مَتَّى 21:46

رزُّوْن اَث طّْفن، وَلَكِن ݣّْوْذن زِي شَّعْب مِينْزِي تْوَاڒَان عِيْسَى ذ نَّبِي.

أَسڒْمذ ن سِيذِيثْنغ عِيْسَى لْكِتَاب ن مَتَّى 11:25

ڒخْدّنِّي يسِّيوڒ عِيْسَى ينَّا: "حمْذغ-شك آ بَابَا آ سِيذِي أَربِّـي ن وجنَّا ذ ثْمُوْرْث ڒَاحقَّاش ثسْنُوْفَّرذ مَانَايَا خ يمِيغِيسن ذ لْعُلَمَا، ثْسظْهَارذ-ث-يد إِ يحنْجِيرن يمزْيَانن.

أَسڒْمذ ن سِيذِيثْنغ عِيْسَى لْكِتَاب ن مَتَّى 11:5

ئِضَرْغَاڒن تْوَاڒَان، ئِزحَّافن ݣُّوْرن، يِنِّي إِي ذِي يدْجَا جْذَام ݣنْفَان، ئِذهْشُوْرن تسْڒَان، يِنِّي يمُّوْثن تْنكَّرن-د، ڒْمُسَاكِين تْوَابشَّارن.

أَسڒْمذ ن سِيذِيثْنغ عِيْسَى لْكِتَاب ن مَتَّى 1:23

<أَقَا ثَعْزْرِيث اَذ تيْسِي اَعدِّيس، أَذ تجّ يجّن ن وحنْجِير اَذَاس سمَّان إِمَّانْوِيل.> (ڒْمَعْنَا نّس: أَربِّـي اَقَاث اَكِذْنغ.)

أَسڒْمذ ن سِيذِيثْنغ عِيْسَى لْكِتَاب ن مَتَّى 21:45

وَامِي سْڒِين اَرُّوْيَاس ن ڒْفُقَهَا ذ ڒْحِزب ن يفَرِّيسِيْين إِ ڒمْعَانِي ن عِيْسَى فهْمن بلِّي يسَّاوَاڒ خَاسن.