مرقس 12:15 - ثريفيث 2020

¹⁵ ئِسّن عِيْسَى يخَرْوِيضن نِّي إِي ذَايْسن ينَّا-ٱسن: "مَايمِّي ذَايِي ثْسوْجَاذم ثَخْشبْث؟ أَوِيم-اَيِي-د دِينَار نِّي ن ضَّرِيبَا حمَا اَث ࢲرغ."

مرقس 12:15 Խաչաձեւ Հղումներ

لواحي ن يوحنا 2:23

أَذ نْغغ ثَارْوَا نّس. أَذْ سّْنن مَارَّا ثِجُمَاع ن ڒْمُوْمِنِين بلِّي ذ نش إِݣ يتْميَّازن مِين ذَايس ذِي ڒَعْقڒ ذ وُوْڒ. كُڒ يجّن زَّايْوم اَذَاس ؤُشغ عْلَاحْسَاب ڒخْذَايم نّس.

يعيبرانيين 4:13

وَار ذِنِّي ؤُڒَا ذ يجّن ن ثْمسْڒَايْث زِي مِين د يتْوَاخڒْقن ثْنُوْفَّار زِي أَربِّـي. قَاع ثِمسْڒَايِين تْوَافضْحنْت-يد تْوَاظْهَارنْت-يد إِ ثِيطَّاوِين ن ونِّي ؤُمِي غَا نُوْش ڒحْسَاب نّغ.

1 أيث-كورينث 10:9

ئِتْخصَّا وَار نْزعّم شَا أَ نْࢲر مِين غَا يݣّ لْمَسِيح، مَامّش ݣِّين ڒبْعَاض زَّايْسن أُوْشَا تْوَانْغن س يفِيغرَان.

ڒخذايم 5:9

ينَّا-ٱس بُطْرُس: "مَايمِّي ثْتَافْقم اَذ تْزَعْمم اَذ تࢲرم اَرُّوْح ن سِيذِي أَربِّـي مِين غَا يݣّ؟" ينَّا-ٱس: "يِنِّي ينضْڒن اَرْيَاز نّمْ ذوْڒن-د اَقَاثن غَار ثوَّارْث، أَشم يْسِين ؤُڒَا ذ شم."

يوحنا 21:17

ينَّا-ٱس عِيْسَى وِيس ثڒْت مَرَّاث: "آ سِمْعَان آ مِّيس ن يُوْحَنَّا، مَا تخْسذ-اَيِي؟" ئِقّس-اَس ڒْحَاڒ إِ بُطْرُس ڒَاحقَّاش ينَّا-ٱس-ث وِيس ثڒْت مَرَّاث، شك مَا تخْسذ-اَيي؟ ينَّا-ٱس: "آ سِيذِي، شك ثسّْنذ كُڒْشي. ثسّْنذ قَا نش تخْسغ-ش." ينَّا-ٱس عِيْسَى: "سشّ يحُوْڒِيْين ينُو.

لوقا 20:23

ئِسّن عِيْسَى يخَرْوِيضن نِّي إِي ذَايْسن، ينَّا-ٱسن:

مرقس 10:2

قَارّْبن-د غَارس شَان يِوْذَان زِي ڒْحِزب ن يفَرِّيسِيْين حمَا اَث جَرّْبن نَّان-اَس: "مَا حَلَال اَذ يدْجف شَان ورْيَاز إِ ثمْغَارْث نّس؟"

أَسڒْمذ ن سِيذِيثْنغ عِيْسَى لْكِتَاب ن مَتَّى 22:18

ئِسّن عِيْسَى يخَرْوِيضن نِّي إِي ذَايْسن ينَّا-ٱسن: "آ لْمُنَافِقِين، مَايمِّي ذَايِي ثْسوْجَاذم ثَخْشبْث؟

أَسڒْمذ ن سِيذِيثْنغ عِيْسَى لْكِتَاب ن مَتَّى 20:2

ئِتَافق اَك يخدَّامن نِّي خ يِجّن ن دِينَار إِ نْهَار، ئِسّكّ-يثن غَار ومَرْجع نّس.

مرقس 12:14

وَامِي د ؤُسِين غَار عِيْسَى نَّان-اَس: "آ لْمُعَلِّم قَا نسّن بلِّي شك نِيشَان إِي ثدْجِيذ. وَار تݣّْوْذذ شَا زݣ يِوْذَان ڒَاحقَّاش وَار تݣّذ بُو س وُوْذمَاون. ثْسڒْمَاذذ س ڒْحَقّ مَامّش يخس أَربِّـي أَ نْعِيش. إِنِي-يَانغ: مَا ثْسمّح شَّرِيعَا نّغ أَ نْخدْجس ضَّرِيبَا إِ وزدْجِيذ قَيْصَر نِغ لَّا؟ مَا ذَاس ت نْخدْجس نِغ لَّا؟"

مرقس 12:16

ؤُشِين-اَس-ث-يذ. ينَّا-ٱسن: "وِي يِڒَان تصْوِيرْث-أَ ذ يِيسم-أَ إِي ذَايس؟" نَّان-اَس: "ن قَيْصَر."

يوحنا 8:6

نَّان-اَس نِثْنِي مَانَايَا تْجَرَّابن-ث حمَا اَث تَاهْمن. ئِكَّر عِيْسَى يهْوَا غَار ثْمُوْرْث يبْذَا يتَارِي ذݣ وشَاڒ س وفُوْس نّس.