مرقس 11:14 - ثريفيث 2020

¹⁴ ينَّا-ٱس: "شم زِي سَّا اَڒ ثْسَاونْت عمَّارْص وَار زَّايم يتتّ حَدّ." ئِمحْضَارن نّس سْڒَان-اَس إِ مِين ينَّا.

مرقس 11:14 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 21:19

ئِࢲْرَا يجّن ن ثْشجَّارْث ن ثَازَارْث خ وبْرِيذ يرُوْح غَارس يُوْفِي-ت ذَايس ثِيفْرَاي وَاهَا. ينَّا-ٱس: "شم زِي سَّا اَڒ ثْسَاونْت عمَّارْص اَذ تَارْوذ." ڒخْدّنِّي ثُوْزغ ثْشجَّارْث نِّي ن ثَازَارْث.

يوحنا 15:6

مڒَا شَان يِجّن وَار يقِّيم شَا ذَايِي، أَتَاف اَذ يمنْضَار غَار بَرَّا اَمشْنَاو يكشُّوْضن يُوزْغن، أَثن سْمُوْنن اَثن ݣّن ذِي ثْمسِّي اَذ شمْضن.

أَسڒْمذ ن سِيذِيثْنغ عِيْسَى لْكِتَاب ن مَتَّى 7:19

مَارَّا ثَشجَّارْث إِي وَار يتِيْرْون شَا مِين يدْجَان ذ اَصبْحَان اَذ تْوَاقسّ اَذ تْمنْضَار ذِي ثْمسِّي.

أَسڒْمذ ن سِيذِيثْنغ عِيْسَى لْكِتَاب ن مَتَّى 3:10

أَقَا شَاقُوْر يوْجذ حمَا اَذ يقسّ يࢲوْرَان ن ڒْشجُّوْر. مْكُڒ ثَشجَّارْث إِي وَار يتِيرْون شَا مِين يدْجَان ذ اَصبْحَان اَتَاف اَذ تْوَاقسّ اَذ تْمنْضَار ذِي ثْمسِّي.

لواحي ن يوحنا 22:11

ونِّي يتݣّن شَّرّْ اَذ يقِّيم يتݣّ شَّرّْ. ونِّي يخنْزن اَذ يقِّيم يتخْنِيز. ونِّي يدْجَان نِيشَان اَذ يقِّيم نِيشَان. ونِّي يدْجَان ذ اَمْقدّس اَذ يقِّيم ذ اَمْقدّس."

أَسڒْمذ ن سِيذِيثْنغ عِيْسَى لْكِتَاب ن مَتَّى 21:44

ونِّي غَا يوْضَان خ وزْرُو-يَا اَذ يرز. ونِّي خف غَا يوْضَا وزْرُو-يَا اَذ ينڒْبࢲ."

2 بطرس 2:20

شُوْف، ئِثَرَّاسن-أَ مڒَا تُوْغَا سّْنن سِيذِيثْنغ عِيْسَى لْمَسِيح اَروْڒن زِي ڒوْسخ ن دُّنشْت-أَ سّنِّي عَاوذ عقْبن-د حْنُوْنّْضن ذَايس يذْوڒ يحكّم خَاسن، أَتَاف اَنݣَّارُو نْسن يقْسح كْتَار زݣ ومزْوَارُو نْسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 21:33

"صنّْطث إِ يِجّن ن ڒْمَعْنَا نّغْنِي. ئِجّن ن بَاب ن ثدَّارْث يࢲُّو اَضِيڒ ذݣ يِجّن ن ومَرْجع نّس. ئِنّض-اَس-د ڒْحِيض، ئِݣَّا ذَايس ثَسِيرْث وضِيڒ. ئِبْنَا ذَايس يجّن ن ثْسُوْمْعث إِ ڒْعَسّث. ئِݣَّا ذَايس يخمَّاسن يرُوْح يسَفَر.

مرقس 11:13

ئِࢲْرَا زِي ڒݣّْوَاج يجّن ن ثْشجَّارْث ن ثَازَارْث ذَايس ثِيفْرَاي، ئِقَارّب غَارس يرزُّو خ ثَازَارْث. وَامِي غَارس يُوْوض يُوْفَا ذَايس ثِيفْرَاي وَاهَا مِينْزِي عَاذ وَار د ثُوْوِيض شَا ڒْوقْث ن ثَازَارْث.

مرقس 11:15

صَافِي ؤُوْضن غَار ثنْدِينْت ن لْقُدْس. يُوْذف عِيْسَى غَار ثمْزِيذَا ثَمقْرَانْت يبْذَا يتَازّڒ خ يِنِّي يسَّاغن ذ يِنِّي يزْنُوْزَان ذِنِّي ذِي ثمْزِيذَا. ئِقْڒب-اَسن مِيسَّاث ن يِنِّي يتْصَرَّافن تْمنْيَاث ذ ڒكْرَاسَا ن يِنِّي يزْنُوْزَان يذْبِيرن.