مرقس 10:52 - ثريفيث 2020

⁵² ئِنْدق-د عِيْسَى ينَّا-ٱس: "رُوْح، قَا لإِيمَان نّش يسْݣنْفَا-شك!" ڒخْدّنِّي يبْذَا يتْوَاڒَا يذْفَار عِيْسَى ذݣ وبْرِيذ.

مرقس 10:52 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:5

ئِضَرْغَاڒن تْوَاڒَان، ئِزحَّافن ݣُّوْرن، يِنِّي إِي ذِي يدْجَا جْذَام ݣنْفَان، ئِذهْشُوْرن تسْڒَان، يِنِّي يمُّوْثن تْنكَّرن-د، ڒْمُسَاكِين تْوَابشَّارن.

أَسڒْمذ ن سِيذِيثْنغ عِيْسَى لْكِتَاب ن مَتَّى 12:22

سّنِّي شَان يِوْذَان ؤُوِين-اَس-د إِ عِيْسَى يجّن ن ورْيَاز ذ اَضَرْغَاڒ ذ اَزيْنُوْن ذَايس جّنّ. ئِسْݣنْفَا-ث عِيْسَى حمَا اَذ يسِّيوڒ اَذ يتْوَاڒَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 15:28

ئِكَّر عِيْسَى ينَّا-ٱس: "شم آ ثَمْغَارْث، لْإِيمَان نّمْ يجْهذ س وَاطَّاس!" ينَّا-ٱس: "مِين ثْرزُّوْذ اَذ تَافذ." ذِي ثْسَعَّات نِّي ثْݣنْفَا يدْجِيس.

أَسڒْمذ ن سِيذِيثْنغ عِيْسَى لْكِتَاب ن مَتَّى 21:14

ذِي ثمْزِيذَا ثَمقّْرَانْت قَارّْبن-د غَار عِيْسَى يضَرْغَاڒن ذ يزحَّافن أُوشَا يسْݣنْفَا-ثن.

أَسڒْمذ ن سِيذِيثْنغ عِيْسَى لْكِتَاب ن مَتَّى 8:3

ئِسرْس خَاس عِيْسَى فُوْس نّس يحَاذَا-ث ينَّا-ٱس: "وَاه نش خْسغ، شك قَا ثْݣنْفِيذ." صَافِي ذݣ ومْشَان يݣنْفَا ومهْڒُوْش نِّي زِي جْذَام نّس.

أَسڒْمذ ن سِيذِيثْنغ عِيْسَى لْكِتَاب ن مَتَّى 9:22

ئِنقْڒب غَارس عِيْسَى يࢲْرِي-ت أُوْشَا ينَّا-ٱس: "وَار تݣّْوذ شَا آ يدْجِي، شم لْإِيمَان نّمْ يسْݣنْفَا-شم." ثْݣنْفَا ثمْغَارْث نِّي ڒخْدّنِّي.

مرقس 1:31

ئِقَارّب غَارس يطّف-يت زݣ وفُوْس نّس يسْݣَعّذ-يت-يد. ثفّغ-يت ثْمسِّي، ثكَّر ثبْذَا تْسخَّار خَاسن.

مرقس 5:34

ينَّا-ٱس: "آ يدْجِي، شم لْإِيمَان نّمْ يسْݣنْفَا-شم. رُوْح ذِي ڒهْنَا، ثݣنْفِيذ زِي ڒهْڒَاش نّم."

مرقس 8:25

ئِݣَّا خَاس عَاوذ يفَاسّن نّس خ ثِيطَّاوِين ن وضَرْغَاڒ نِّي. صَافِي يݣنْفَا، ثِيطَّاوِين نّس نُوْزْمنْت يبْذَا يتْوَاڒَا مْلِيح.

لوقا 7:50

ينَّا-ٱس عِيْسَى إِ ثمْغَارْث نِّي: "شم يسنْجم-يشم لْإِيمَان نّم، رُوْح ذِي ڒهْنَا."

لوقا 9:48

ينَّا-ٱسن: "ونِّي غَا يقبْڒن شَان وحنْجِير اَم وَانِيتَا عْلَاحْسَاب يسم ينُو، أَخْمِي ذ نش إِݣ يقْبڒ. ونِّي ذَايِي يقبّْڒن، أَتَاف يقْبڒ ونِّي ذَايِي د يسّكّن. مِينْزِي ونِّي يدْجَان زَّايْوم ذ اَمزْيَان قَاع، ذ نتَّا إِݣ يدْجَان ذ اَمقّْرَان."

يوحنا 9:32

عمَّارْص وَار نسْڒِي ذِي زْمَان بْنَاذم يخْڒق-د ذ اَضَرْغَاڒ اَذ د يَاس شَان يِجّن اَذَاس يسْݣنْفَا ثِيطَّاوِين.

يوحنا 9:39

ينَّا عِيْسَى: "ؤُسِيغ-د غَار دُّنشْت-أَ اَذ حَاسْبغ حمَا يِنِّي يدْجَان ذ يضَرْغَاڒن اَذ تْوَاڒَان، يِنِّي يتْوَاڒَان اَذ ضرْغْڒن."

ڒخذايم 26:18

بَاش اَذَاسن ثرزْمذ ثِيطَّاوِين نْسن، أَثن ثسْبعّْذذ زِي ثَادْجسْت غَار نُّوْر، اَثن ثسْبعّْذذ زِي سُّلْطَا ن شِّيطَان غَار أَربِّـي. أَمُّو اَذَاسن تْوَاغْفَرنْت ڒْمُعْصِيَاث نْسن اَغَارْسن يِيڒِي ومْشَان اَك صَّالِحِين يعْنِي س لْإِيمَان إِي ذَايِي إِي ݣِّين.