مرقس 10:33 - ثريفيث 2020

³³ "أَقَا نتْݣَعَّاذ غَار لْقُدْس مَانِي غَا يتْوَاخْذع مِّيس ن بْنَاذم إِ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا. أَخَاس حكْمن س ڒْموْث، أَث سلّْمن إِ يِنِّي وَار يدْجِين شَا زِي أَيث-إِسْرَائِيل.

مرقس 10:33 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 27:2

شَرْفن-ث ؤُوِين-ث اَث سلّْمن إِ لْحَاكم اَرُّوْمَانِي ؤُمِي قَّارن بِيلَاطُس.

مرقس 8:31

ئِبْذَا يسڒْمَاذ-يثن ينَّا-ٱسن: "أَقَا مِّيس ن بْنَاذم يتْخصَّا-يَاس اَذ يتْوَاعدّب خ وَاطَّاس ن ثْمسْڒَايِين، أَث عِيفّن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا. أَث نْغن، وِيس ثڒْتِيَّام اَذ د يكَّر زِي ڒْموْث."

أَسڒْمذ ن سِيذِيثْنغ عِيْسَى لْكِتَاب ن مَتَّى 26:66

مِين ذَاوم يمظْهَارن؟" ندْقن-د نَّان: "وَانِيتَا يسْذَاهدْج ڒْموْث!"

أَسڒْمذ ن سِيذِيثْنغ عِيْسَى لْكِتَاب ن مَتَّى 16:21

سّنِّي يبْذَا عِيْسَى يسْفهَّام إِ يمحْضَارن نّس بلِّي لَابُد اَذ يرَاح نتَّا غَار ثنْدِينْت ن لْقُدْس اَذ يتْوَاعدّب خ وَاطَّاس ن ثْمسْڒَايِين خ وفُوْس ن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا. أَث نْغن، وِيس ثڒْتِيَّام اَذ د يتْوَاسكَّر زِي ڒْمُوْث."

ثبرات غار يعقوب 5:6

ثْحكْمم خ يِنِّي يدْجَان نِيشَان، ثنْغِيم-ثن بْڒَا مَا ذَاوم عَارّْضن.

ڒخذايم 20:22

نش نْهَارَا ݣُّوْرغ غَار ثنْدِينْت ن لْقُدْس ذ أَرُّوْح إِي ذَايِي يتَاوِيِن ذِنِّي، وَار سِّينغ مِين ذَايِي غَا يوقْعن.

ڒخذايم 13:27

قَا يمزْذَاغ ن لْقُدْس ذ اَرُّوْيَاس نْسن وَار عْقِيڒن شَا عِيْسَى-يَا، وَار فْهِيمن شَا اَوَاڒن ن لْأَنْبِيَا ذِي لْكُتُب إِي قَّارن ذِي ثمْزِيذَاوِين زِي سّبْث غَار سّبْث. وَامِي حكْمن خ عِيْسَى س ڒْموْث فّْغن-د وَاوَاڒن نِّي إِي نَّان لْأَنْبِيَا.

يوحنا 19:11

ئِنْدق-د عِيْسَى ينَّا-ٱس: "وَار غَارك بُو جّْهذ خَافِي إِلَّا مڒَا يمُّوْش-اَش زِي أَربِّـي. عْلَاحْسَاب مَانَايَا، ونِّي إِي ذَايِي د يُوْوِين غَارش، غَارس دّْنُوْب كْتَار زَّايك."

يوحنا 18:28

ؤُوِين عِيْسَى زِي ثدَّارْث ن قِيَافَا غَار ڒقْصَر ن لْحَاكم، تُوْغَا زِيش. ئِسْرَائِيلِيْين وَار ؤُذِيفن شَا غَار ڒقْصَر حمَا وَار سْحرِّيم شَا ڒْعِيذ خ يِيخف نْسن.

لوقا 23:21

نِثْنِي سْنكَّرن ثْغُوْيّث نَّان-اَس: "صلّب-يث! صلّب-يث!"

لوقا 9:22

ينَّا-ٱسن إِ يمحْضَارن نّس: "مِّيس ن بْنَاذم لَابُد اَذ يتْوَاعدّب خ وَاطَّاس ن ثْمسْڒَايِين، اَث عِيفّن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا. أَث نْغن، وِيس ثڒْتِيَّام اَذ د يتْوَاسكَّر زِي ڒْموْث."

مرقس 15:1

وَامِي يصْبح ڒْحَاڒ، مُوْنن اَرُّوْيَاس ن ڒْفُقَهَا، ذ يمقّْرَانن ن أَيث-إِسْرَائِيل، ذ يمْسڒْمَاذن ن شَّرِيعَا، ذ مَارَّا جْمَاعث ن لْحُكَّام نْسن مْشَوَارن جَارَاسن. شَرْفن عِيْسَى ؤُوِين-ث اَث سلّْمن إِ لْحَاكم اَرُّوْمَانِي ؤُمِي قَّارن بِيلَاطُس.

مرقس 14:64

ما ثسْڒِيم-اَس يقَّار لْمُنْكَر خ سِيذِي أَربِّـي؟ مِين ذَاوم يمظْهَارن؟" مَارَّا حكْمن خَاس بلِّي ئِسْذَاهدْج ڒْموْث.

مرقس 9:31

مِينْزِي يرزُّو اَذ يسڒْمَاذ إِ يمحْضَارن نّس. ينَّا-ٱسن: "مِّيس ن بْنَاذم اَذ يتْوَاسلّم غَار يفَاسّن ن يِوْذَان. أَث نْغن، نْهَار وِيس ثڒْتِيَّام منْبَعْد إِ ڒْموْث نّس اَذ د يكَّر."

مرقس 9:12

ينَّا-ٱسن عِيْسَى: "ذ صَّح يتْخصَّا اَذ د يَاس إِلْيَاس ذ اَمزْوَارُو اَذ يعْذڒ كُڒْشِي. وَلَكِن مَايمِّي يقَّار لْكِتَاب بلِّي يتْخصَّا-يَاس إِ مِّيس ن بْنَاذم اَذ يتْوَاعدّب، أَث عِيفّن؟

يوحنا 18:32

يوْقع مَانَايَا حمَا اَذ يكمّڒ وَاوَاڒ إِي ينَّا عِيْسَى خ ڒْموْث إِي غَا يمّث.