أَسڒْمذ ن سِيذِيثْنغ عِيْسَى لْكِتَاب ن مَتَّى 9:15 - ثريفيث 2020

¹⁵ ينَّا-ٱسن عِيْسَى: "ئِمدُّوْكَاڒ ن مُوْڒَاي، مَا زمَّرن اَذ خيّْقن ذِي نْهَار نِّي ن ڒْفَارْح نّس؟ لَّا، وَلَكِن اَذ د اَسن وُوْسَّان اَذ يميْسِي مُوْڒَاي زِي ڒْوسْط نْسن. ڒخْدّنِّي اَذ ࢲُوْمّن!

أَسڒْمذ ن سِيذِيثْنغ عِيْسَى لْكِتَاب ن مَتَّى 9:15 Խաչաձեւ Հղումներ

لواحي ن يوحنا 19:9

ينَّا-ٱيِي لْمَلَاك ونِّي: "أَرِي مَانَايَا: سَّعْذ ن يِنِّي يتْوَاعَرْضن غَار ومنْسِي ن ڒْفَارْح ن يِزْمَار!" ينَّا-ٱيِي عَاوذ: "أَوَاڒن-أَ دْجَان ذ صَّح زِي أَربِّـي."

يوحنا 3:29

ونِّي غَار ثدْجَا ثسْڒِيث، نتَّا ذ مُوْڒَاي. أَوْزِير ن مُولَاي يعْنِي ونِّي يتْبدَّان زَّاثس يتْسْڒَا-يَاس، نتَّا يفَرّح اَطَّاس إِ وَاوَاڒ ن مُوْڒَاي. أَمُّو ؤُڒَا ذ نش فَرْحغ اَطَّاس.

لواحي ن يوحنا 21:2

ࢲْرِيغ ثَنْدِينْت يقدّْسن نتَّاث ذ لْقُدْس ذ جْذِيذ. ثهْوَا-د زݣ وجنَّا زِي أَربِّـي ثݣَّا اَم ثسْڒِيث ثعْذڒ يخف نّس بَاش اَذ تڒْقَا مُوْڒَاي.

ڒخذايم 14:23

بُوْلُس ذ بَرْنَابَا يخْضَرن يمقّْرَانن ذِي مْكُڒ جْمَاعث ن ڒْمُوْمِنِين ڒخْدّنِّي ࢲُّوْدْجن، ࢲُوْمّن، جِّين-ثن ذݣ وفُوْس ن سِيذِي أَربِّـي إِي زِي ؤُمْنن.

1 أيث-كورينث 7:5

ئِتْخصَّا وَار ثْقطّْعم شَا خ وَايَاوْيَا إِلَّا مڒَا ثْتَافْقم اَك وَايَاوْيَا يجّن ن لْمُدَّا وَاهَا حمَا اَذ تُوْشم ڒْوقْث نِّي إِ ثْࢲَادْجِيث نْوم. منْبَعْد اَذ تْمُوْنم حمَا وَار كنِّيو يتْغَارِّي شَا شِّيطَان ڒَاحقَّاش اَتَاف وَار ثْزمَّرم شَا اَذ تْحكْمم مْلِيح خ شّهْوث نْوم.

يوحنا 16:6

وَامِي ذَاوم نِّيغ مَانَايَا، ؤُڒَاون نْوم ذَايْسن ڒحْڒِيق اَطَّاس.

22 أيث-كورينث 11:27

خدّْمغ، شَّاثغ تَمَارَا، تْنُوْسغ اَطَّاس ن دْجِيَاڒِي بْڒَا يضص. فُوْذغ دْجُوْزغ، قِّيمغ اَطَّاس ن ثْوَاڒَاثِين بْڒَا لْمَكْلَا. ثْنقّ-اَيِي ثسْمض اَرُّوْض ينُو ذ ؤُقْلِيل.

أَسڒْمذ ن سِيذِيثْنغ عِيْسَى لْكِتَاب ن مَتَّى 9:14

ثُمَّا قَارّْبن-د يمحْضَارن ن يَحْيَى غَار عِيْسَى نَّان-اَس: "مَايمِّي نشِّين ذ ڒْحِزب ن يفَرِّيسِيْين ڒبْدَا نتْࢲُوْمَّا، ئِمحْضَارن نّش وَار تْࢲُوْمِّين شَا؟"

أَسڒْمذ ن سِيذِيثْنغ عِيْسَى لْكِتَاب ن مَتَّى 9:16

وَار يدْجِي حَدّ يتْرقَّاع اَرُّوْض ذ ڒْبَاڒِي س يِجّن ن ثْرقِّيعْث ن تُّوْب ذ جْذِيذ، مَايمِّي؟ ڒَاحقَّاش ثَرقِّيعْث نِّي ن جْذِيذ اَذ تْنجْمع أُوْشَا اَذ تْوَاكّس زݣ وَارُّوْض نِّي ن ڒْبَاڒِي. ڒخْدّنِّي اَذ يقِّيم وشَارِّيݣ يمْغَر!

مرقس 2:19

ينَّا-ٱسن عِيْسَى: "ئِمدُّوْكَاڒ ن مُوْڒَاي، مَا زمَّرن اَذ ࢲُوْمّن ذِي نْهَار نِّي ن ڒْفَارْح نّس؟ لَّا، خْمِي يتِيڒِي مُوْڒَاي اَكِذْسن وَار زمَّرن اَذ ࢲُوْمّن.

مرقس 2:20

وَلَكِن اَذ د اَسن وُوْسَّان اَذ يميْسِي مُوْڒَاي زِي ڒْوسْط نْسن، ڒخْدّنِّي اَذ ࢲُوْمّن ذي نْهَار نِّي.

لوقا 5:34

ينَّا-ٱسن عِيْسَى: "كنِّيو مَا تجّم ئِمدُّوْكَاڒ ن مُوْڒَاي اَذ ࢲُوْمّن ذِي ڒْفَارْح نّس؟"

لوقا 5:35

ينَّا-ٱسن: "لَّا، وَلَكِن عَاذ اَذ د اَسن وُوْسَان اَذ يميْسِي مُوْڒَاي زِي ڒْوسْط نْسن، ڒخْدّنِّي اَذ ࢲُوْمّن ذݣ وُوْسَان نِّي."

لوقا 17:22

ينَّا-ٱسن إِ يمحْضَارن نّس: "أَذ د اَسنْت ڒِيَّام اَذَايْسنْت ثْرزُّوْم اَذ تࢲرم يجّن ن نْهَار زي نْهُوْرَاث ن مِّيس ن بْنَاذم وَلَكِن وَار ث تْࢲرّم شَا.