أَسڒْمذ ن سِيذِيثْنغ عِيْسَى لْكِتَاب ن مَتَّى 5:15 - ثريفيث 2020

¹⁵ ئِوْذَان وَار سْرقِّين شَا ڒْقنْدِيڒ حمَا اَخَاس قڒْبن اَقْنُوْش؛ لَّا، تݣّن-ث خ ڒْمَرْفَع حمَا اَذَاسن يُوْش ثْفَاوث إِ مَارَّا ؤُݣ يدْجَان ذِي ثدَّارْث.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:15 Խաչաձեւ Հղումներ

مرقس 4:21

ينَّا-ٱسن: "ؤُڒَا ذ يجّن وَار د يتِّيوِي ڒْقنْدِيڒ حمَا اَخَاس يقْڒب اَقْنُوْش نِغ اَث يݣّ سْوَادَّاي إِ قَامَا؛ لَّا، ئِتݣّ-يث خ ڒْمَرْفَاع.

لوقا 11:33

ؤُڒَا ذ يجّن وَار يتْشَعِّيڒ ڒْقنْدِيڒ حمَا اَث يسرْس ذݣ يِج ومْشَان ينُوْفَّر نِغ اَخَاس يقْڒب اَقْنُوْش. لَّا، ئِتݣّ-يث خ ڒْمَرْفَاع حمَا اَذَاسن يُوْش ثْفَاوْث إِ يِنِّي إِي د غَا يَاذْفن.

لوقا 8:16

ؤُڒَا ذ يجّن وَار يتْشَعِّيڒ ڒْقنْدِيڒ حمَا اَخَاس يقْڒب اَقْنُوْش نِغ اَث يݣّ سْوَادَّاي إِ قَامَا. لَّا، ئِتݣّ-يث خ ڒْمَرْفَاع حمَا اَذَاسن يُوْش ثْفَاوْث إِ يِنِّي إِي د غَا يَاذْفن.

لوقا 11:36

مڒَا مَارَّا دَّات نّش ذَايس ثْفَاوْث وَار ذَايس بُو ثَادْجسْث، أَتَاف اَذ تْشعْشع اَطَّاس اَذ تݣّ ثْفَاوْث اَمشْنَاو مَامّش ذَاوم يتِيشّ ڒْقنْدِيڒ ثْفَاوْث."

أيث-فيليـپـي 2:15

أَمُّو اَذ تِيڒِيم بَرِئِن بْڒَا ڒْعِيب ذِي ڒْوسْط ن يِوْذَان ن ڒْوقْث-أَ يعوّْجن يخَروْضن. ذَايْسن إِي ثْرقّم اَم يِيثْرَان ذِي دُّنشْت-أَ خْمِي ذَاسن تْقدَّامم اَوَاڒ ن ثُوْذَارْث. أَمنِّي اَذ فْتَخَرغ ذِي نْهَار نِّي ن لْمَسِيح نش وَار ؤُزِّيڒغ شَا وَار خْذِيمغ شَا ذِي ڒْخَاوِي وَاهَا.

يعيبرانيين 9:2

يعْنِي سوْجَاذن يجّن ن وقِيْضُوْن اَمقّْرَان ذَايس ثْنَاين ن يخَّامن. ذݣ وخَّام اَمزْوَارُو ݣِّين ذَايس ڒْقنْدِيڒ ذ طَّبْڒَا مَانِي سْرُوْسَان اَغْرُوْم نِّي يتْقدَّامن ذ صّذْقث إِ أَربِّـي. أَخَّام نِّي قَّارن-اَس <أَخَّام اَمْقدّس.>

لواحي ن يوحنا 2:5

فكَّر مشْحَاڒ ثْغلْطذ، تُوْب، اݣّ ڒخْذَايم نّش ثِمزْوُوْرَا. مڒَا ثُوْݣِيذ اَذ تُوْبذ، أَذ د اَسغ غَارك اَذ يْسِيغ ڒْقنْدِيڒ نّش زݣ ومْشَان نّس.