أَسڒْمذ ن سِيذِيثْنغ عِيْسَى لْكِتَاب ن مَتَّى 24:6 - ثريفيث 2020

⁶ خْمِي غَا ثسْڒَام خ لْحُرُوْب ذ ڒخْبَار ن لْحُرُوْب وَار تݣّْوْذم شَا، لَابُد زِي مَانَايَا. وَلَكِن دُّنشْت-أَ عَاذ وَار ثْفنِّي شَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:6 Խաչաձեւ Հղումներ

لوقا 21:9

خْمِي غَا ثسْڒَام خ لْحُرُوْب ذ لْفِيتْنَاث وَار تݣّْوْذم شَا مِينْزِي ثِمسْڒَايِين نِّي لَابُد اَذ وقْعنْت ذ اَمزْوَارُو. وَلَكِن دُّنشْت-أَ عَاذ وَار ثْفنِّي شَا."

يوحنا 14:1

"ئِتْخصَّا كنِّيو وَار تْخيِّيقن شَا وُوْڒَاون نْوم. أَمْنث زِي أَربِّـي، أَمْنث عَاوذ زَّايي.

2 أيث-سلونيك 2:2

وَار تنْخْڒِيعم شَا ذغْيَا ذِي ڒَعْقڒ نْوم، وَار تْخيَّاقم شَا عْلَاحْسَاب شَا ن اَرُّوْح ن لْوَاحِي نِغ ذ شَا ن وَاوَاڒ نِغ ذ شَا ن ثبْرَات زَّايْنغ زَعْمَا يقَّارن اَقَا يُوْم ن سِيذِيثْنغ قَا يُوْوض-د.

يوحنا 14:27

تِيجّغ-اَوم ڒهْنَا، تِيشّغ-اَوم ڒهْنَا ينُو. وَار ذَاوم ث تِيشّغ شَا اَم ث تِيشّ دُّنشْت. ئِتْخصَّا ؤُڒَاون نْوم وَا تْخيِّيقن وَار تݣّْوْذن شَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:14

لْإِنْجِيل ن ڒْمُلْك ن أَربِّـي اَخَاس حدّْثن يِوْذَان ذِي مَارَّا ثِمُوْرَا ن دُّنشْت حمَا اَغَارْسن ثِيڒِي شْهَاذث خَافِي. ڒخْدّنِّي إِي د غَا يَاس ڒفْنَا.

لوقا 21:19

س صّْبَار نْوم اَتَاف اَذ تْنجْمم.

لوقا 22:37

أَذَاوم ينِيغ: أُو لَابُد اَذَايِي يوْقع مِين يُوْرِين ذِي لْكِتَاب عْلَاحْسَاب مَامش يقَّار: <حسْبن-ث اَك لْمُجْرِمِين.> إِيوَا مِين خَافِي يُوْرِين صَافِي اَذ يوْقع."

أَسڒْمذ ن سِيذِيثْنغ عِيْسَى لْكِتَاب ن مَتَّى 26:54

وَلَكِن مَامّش إِي غَا يكمّڒ وَاوَاڒ إِي ينَّا سِيذِي أَربِّـي بلِّي مَانَايَا يتْخصَّا اَذ يوْقع اَمُّو؟"

أَسڒْمذ ن سِيذِيثْنغ عِيْسَى لْكِتَاب ن مَتَّى 2:3

وَامِي يسْڒَا وزدْجِيذ هِيرُوْدُس مَانَايَا، ئِخيّق ييْسِي يجّن ن ومْنُوْس ذ اَمقّْرَان نتَّا ذ يمزْذَاغ ن لْقُدْس.

لواحي ن يوحنا 6:4

ثُمَّا يفّغ-د يجّن ن ؤُيِيْس ذ اَزݣّْوَاغ، ونِّي خَاس ينْيِين ؤُشِين-اَس اَذ يكّس سَّلَام زِي ثْمُوْرْث، أَذ نْغن يِوْذَان اَيَاوْيَا. عَاوذ ؤُشِين-اَس يجّن ن سِّيف ذ اَمقّْرَان.