أَسڒْمذ ن سِيذِيثْنغ عِيْسَى لْكِتَاب ن مَتَّى 23:4 - ثريفيث 2020

⁴ تْشدَّان ڒحْمڒ يذقْڒن يقسْحن خ يِوْذَان حمَا اَث اَرْبُوْن، وَلَكِن وَار تْحِيذِين شَا ڒحْمڒ نِّي ؤُڒَا س ؤُضَاض نْسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 23:4 Խաչաձեւ Հղումներ

لوقا 11:46

يَارَّا خَاس عِيْسَى ينَّا: "يَا ڒفْضِيحث نْوم ؤُڒَا ذ كنِّيو آ يِنِّي يتْشرَّاحن شَّرِيعَا مِينْزِي تْشدَّام ڒحْمڒ يذقْڒن يقسْحن خ يِوْذَان حمَا اَث اَرْبُوْن، وَلَكِن كنِّيو وَار تْحِيذِيم بُو ڒحْمڒ نِّي ؤُڒَا س يِجّن ن وضَاض نْوم.

ڒخذايم 15:10

ڒخُّو كنِّيو مَايمِّي ثْزَعْمم اَذ تࢲرم أَربِّـي مِين غَا يݣّ، تݣّم دْقڒ ن ثْزَايْڒُوْت خ يِيرِي ن يمحْضَارن؟ دْقڒ نِّي تُوْغَا وَار نْزمَّر اَث نيْسِي لَّا نشِّين ؤُڒَا ذ ڒجْذُوْذ نّغ.

أيث-ݣلاطيا 6:13

شُوْف، يِنِّي يتݣّن طَّهَارث نِثْنِي س يِيخف نْسن وَار تْطِيعِين شَا إِ شَّرِيعَا نْسن. رزُّوْن كنِّيو اَذ تݣّم طَّهَارث بَاش اَذ فْتَخَارن بلِّي ثݣِّيم لْعَادَا نْسن ذِي دَّات نْوم.

أَسڒْمذ ن سِيذِيثْنغ عِيْسَى لْكِتَاب ن مَتَّى 23:23

يَا ڒفْضِيحث نْوم، آي يمْسڒْمَاذن ن شَّرِيعَا ذ ڒْحِزب ن يفَرِّيسِيْين، آ لْمُنَافِقِين! تِيشّم ڒَعْشُوْر ؤُڒَا خ نَعْنَاع ذ ؤُوْرَام ذ ڒْشمُّوْن، وَلَكِن وَار تهْتِيمِيم شَا مِين يدْجَان مُهِم قَاع ذِي شَّرِيعَا يعْنِي ڒْحَقّ ذ اَرَّحْمث ذ لْإِيمَان. لَّا، ئِتْخصَّا-ٱوم اَذ تهْتَامم س مَانَايَا بڒَا مَا تتُّوْم ڒَعْشُوْر.

لواحي ن يوحنا 2:24

أَمَّا كنِّيو نّغْنِي إِي يدْجَان ذِي ثِيَاتْرَا وَار ثقْبِيڒم شَا تَّعْلِيم نِّي وَار ثسِّينم شَا مَانَاينِّي ؤُمِي قَّارن يِوْذَان <لْأَسْرَار ن شِّيطَان يُودْجْغن.> قَّارغ-اَوم نش وَار خَاوم تݣّغ بُو شَا ن دْقڒ نّغْنِي.

ڒخذايم 15:28

نشِّين ذ أَرُّوْح يقدّْسن نتْوَاڒَا مْلِيح وَار خَاوم نتّݣّ بُو دْقڒ اَطَّاس إِلَّا مِين يدْجَان وَا لَابُد.

أَسڒْمذ ن سِيذِيثْنغ عِيْسَى لْكِتَاب ن مَتَّى 23:3

خ مَانَايَا، تݣّث مَارَّا مِين ذَاوم قَّارن، خذْمم زَّايس. وَلَكِن وَار تݣّم شَا اَم نِثْنِي، مَايمِّي؟ لِأَنَّا نِثْنِي وَار تݣّن شَا مِين قَّارن.

1 يوحنا 5:3

لِأَنَّا ذ ثَا ذ ڒمْحِبّث ن أَربِّـي يعْنِي نتْطَاعَا إِ ڒُوْصِيَاث نّس. أُو ڒُوْصِيَاث-أَ نّس وَار خَانغ تذْقِيڒنْت شَا.