أَسڒْمذ ن سِيذِيثْنغ عِيْسَى لْكِتَاب ن مَتَّى 22:31 - ثريفيث 2020

³¹ وَلَكِن شُوْف، يِنِّي يمُّوْثن اَذ د كَّرن زِي ڒْموْث. مَا عمَّارْص وَار ثغْرِيم مِين ذَاوم يقَّار أَربِّـي؟

أَسڒْمذ ن سِيذِيثْنغ عِيْسَى لْكِتَاب ن مَتَّى 22:31 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 21:16

نَّان-اَس إِ عِيْسَى: "مَا تسْڒِيذ مِين خَاك قَّارن؟" ينَّا-ٱسن عِيْسَى: "وَاه، مَا وَار ثغْرِيم مِين يدْجَان ذِي لْكِتَاب؟ <ثݣِّيذ، آي أَربِّـي، أَش حمْذن يحنْجِيرن ذ يسيْمَان س وقمُّوْم نْسن.>"

أَسڒْمذ ن سِيذِيثْنغ عِيْسَى لْكِتَاب ن مَتَّى 12:3

ئِنْدق-د عِيْسَى ينَّا-ٱسن: "مَا وَار ثغْرِيم شَا مِين يݣَّا دَاود وَامِي تُوْغَا يدْجُوْز نتَّا ذ يِنِّي اَكِذس؟

أَسڒْمذ ن سِيذِيثْنغ عِيْسَى لْكِتَاب ن مَتَّى 21:42

ينَّا-ٱسن عِيْسَى: "مَا عمَّارْص وَار ثغْرِيم مِين يُوْرِين ذِي لْكِتَاب؟ <أَزْرُو إِي عِيفّن يبنَّاين، يوْقع ذݣ ومْشَان اَصبْحَان ذِي ثْغمَّارْث ن دْسَاس. ذ سِيذِي أَربِّـي إِݣ يݣِّين مَانَايَا، ذ يجّن ن ڒْحَاجث ذ ثَمقّْرَانْت!>

أَسڒْمذ ن سِيذِيثْنغ عِيْسَى لْكِتَاب ن مَتَّى 12:7

مْڒِي ثْفهْمم ڒْمَعْنَا ن وَاوَاڒ-أَ إِي يقَّار أَربِّـي: <خْسغ اَذ ترحْمم يوْذَان، وَار خْسغ شَا اَذ تْغَرْصم إِ ڒبْهَايم>، أَتَاف وَار ثْحكّْمم شَا خ يِنِّي وَار يݣِّين مِينْخف.

أَسڒْمذ ن سِيذِيثْنغ عِيْسَى لْكِتَاب ن مَتَّى 9:13

رُوْحم رْزُوْم خ ڒْمَعْنَا ن لْأَيَا إِي يقَّارن: خْسغ اَذ تْرحْمم يوْذَان، وَار خْسغ بُو اَذ تْغَرْصم إِ ڒبْهَايم." ينَّا-ٱسن: "وَار د ؤُسِيغ شَا اَذ ڒَاغِيغ إِ يِنِّي يدْجَان نِيشَان، ؤُسِيغ-د اَذ ڒَاغِيغ إِ يِنِّي يعْصَّان!"

أَسڒْمذ ن سِيذِيثْنغ عِيْسَى لْكِتَاب ن مَتَّى 22:30

خْمِي د غَا كَّرن يِنِّي يمُّوْثن يرْيَازن ذ ثمْغَارِين وَار مدْجْشن شَا وَار تْوَاسْمدْجِيشن شَا؛ لَّا، أَذ يڒِين اَمشْنَاو لْمَلَائِكَاث إِݣ يدْجَان ذݣ وجنَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 22:32

ئِقَّار قَا نش ذ أَربِّـي ن بْرَاهِيم، ذ أَربِّـي ن إِسْحَاق، ذ أَربِّـي ن يَعْقُوْب." ينَّا-ٱسن عِيْسَى: "نتَّا ذ أَربِّـي ن يِنِّي يدَّرن مَاشِي ن يِنِّي يمُّوْثن."