أَسڒْمذ ن سِيذِيثْنغ عِيْسَى لْكِتَاب ن مَتَّى 2:22 - ثريفيث 2020

²² وَلَكِن وَامِي يسْڒَا بلِّي اَزدْجِيذ أَرْخِيلَاوُس يخْڒف بَابَاس هِيرُوْدُس ذِي ڒحْكَام ن يَهُوْذِيَا، ئِݣّْوذ اَذ يرَاح ذِنِّي. سِيذِي أَربِّـي يعْڒم-اَس-د عَاوذ ذݣ يِجّن ن ثِيرْجِيث، ئِكَّر يرُوْح غَار جِّهث ن ثْمُوْرْث ن لْجَلِيل.

أَسڒْمذ ن سِيذِيثْنغ عِيْسَى لْكِتَاب ن مَتَّى 2:22 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 1:20

وَلَكِن وَامِي يتْفكَّر ذِي ثْمسْڒَايْث نِّي، ثْبدّ-د خَاس يجّن ن لْمَلَائِكَا ذِي ثِيرْجِيث ثنَّا-ٱس: "آ يُوْسف آ مِّيس ن أَيث-دَاود، وَار تݣّْوذ شَا اَذ تِيڒِي مَرْيَم ذ ثَمْغَارْث نّش. أَقَا زِي أَرُّوْح يقدّْسن إِي زِي ثيْسِي اَعدِّيس.

أَسڒْمذ ن سِيذِيثْنغ عِيْسَى لْكِتَاب ن مَتَّى 2:1

وَامِي د يخْڒق عِيْسَى ذݣ وبِيلَاج ن بَيْت لَحْم ذِي ثْمُوْرْث ن يَهُوْذِيَا ذِي ڒْوقْث ن وزدْجِيذ هِيرُوْدُس، ؤُسِين-د شَان يِوذَان زݣ يِنِّي يقَّارن لْعِلم ن يِثْرَان زِي شَّرْق غَار ثنْدِينْت ن لْقُدْس.

أَسڒْمذ ن سِيذِيثْنغ عِيْسَى لْكِتَاب ن مَتَّى 2:19

وَامِي يمُّوْث وزدْجِيذ هِيرُوْدُس ثْبدّ-د يجّن ن لْمَلَائِكَا ن سِيذِي أَربِّـي غَار يُوْسف ذِي ثِيرْجِيث ذِي مِصْرَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 2:21

سّنِّي يكَّر يُوْسف يُوْوِي اَكِذس اَحنْجِير نِّي ذ يمَّاس يذْوڒ غَار ثْمُوْرْث نّس ن أَيث-إِسْرَائِيل.

أَسڒْمذ ن سِيذِيثْنغ عِيْسَى لْكِتَاب ن مَتَّى 3:13

سّنِّي يُوْسَا-د عِيْسَى زِي ثْمُوْرْث ن لْجَلِيل غَار يِغْزَار ن لأُرْدُن بَاش اَث يطهَّار يَحْيَى س وَامَان.

لوقا 2:39

وَامِي يُوْسف ذ مَرْيَم صَافِي كمّْڒن مَارَّا مِين زَّايْسن ثُوْمَر شَّرِيعَا ن سِيذ أَربِّـي، ذوْڒن غَار ثْمُوْرْث ن لْجَلِيل غَار وبِيلَاج نْسن ن نَاصِرَا.

يوحنا 7:52

نَّان-اَس: "مَا شك عَاوذ زِي صْحَاب ن لْجَالِيل؟ ارْزُو ذِي لْكُتُب خْزَر، ؤُڒَا ذ يجّن ن نَّبِي وَار د يُوْسِي شَا زِي ثْمُوْرْث ن لْجَالِيل."