أَسڒْمذ ن سِيذِيثْنغ عِيْسَى لْكِتَاب ن مَتَّى 13:39 - ثريفيث 2020

³⁹ ڒَعْذُو إِݣ يزرّْعن يسنَّانن نتَّا ذ إِبْڒِيس. ڒْوقْث ن ومْجَار نتَّاث ذ ڒفْنَا ن زْمَان. ئِخدَّامن نِثْنِي ذ لْمَلَائِكَاث.

أَسڒْمذ ن سِيذِيثْنغ عِيْسَى لْكِتَاب ن مَتَّى 13:39 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 13:49

أَمُّو إِي غَا يِيڒِي نْهَار إِي ذِي غَا يفْنَا زْمَان: أَذ د اَسنْت لْمَلَائِكَاث اَذ فرْننْت ڒْكُفَّار زِي ڒْمُوْمِنِين؛

أَسڒْمذ ن سِيذِيثْنغ عِيْسَى لْكِتَاب ن مَتَّى 25:31

خْمِي د غَا يَاس مِّيس ن بْنَاذم س لْعَظَمَا نّس، أَكِذس مَارَّا لْمَلَائِكَاث، أَذ يقِّيم خ لْعَرْش نّس ن لْعَظَمَا.

لواحي ن يوحنا 19:20

يتْوَاطّف ڒْوَحْش ذ اَمحْبُوْس، أَكِذس ونِّي يتَارَّان يخف نس ذ نَّبِي إي تُوْغَا يتݣّن لْمُعْجِزَاث زَّاث إِ ڒْوَحْش. س لْمُعْجِزَاث نِّي يخْذع يِنِّي إِي ذِي يدْجَا طَّبَع ن ڒْوَحْش تْسجَّاذن-اَس إِ لْأَصْنَام نّس. ڒْوَحْش ذ ونِّي يتَارَّان يخف نّس ذ نَّبِي منْضَارن س ثْنَاين إِذْسن ذِي ڒبْحَر ن ثْمسِّي يرقّن س ڒكْبْرِيْيث أُو نِثْنِي اَقَاثن عَاذ س بُوْحْبڒ نْسن.

لواحي ن يوحنا 13:14

ئِخدّع يمزْذَاغ ن ثْمُورْث س لْمُعْجِزَاث نِّي إِي ذَاس يتْوَاسمْحن اَثنْت يݣّ زَّاث إِ ڒْوَحْش اَمزْوَارُو. يُوْمَر يمزْذَاغ ن ثْمُوْرْث اَذ صنْعن يجّن ن لْأَصْنَام اَم ڒْوَحْش نِّي إِي ذِي يدْجَا وجَرِّيح ن سِّيف وَلَكِن نتَّا يدَّر.

لواحي ن يوحنا 12:9

ئِمنْضَار-د زݣ وجنَّا بُو-سبْعَا-يَا يزدْجِيفن اَمقّْرَان، يعْنِي فِيغر نِّي ذِي زْمَان ونِّي ؤُمِي قَّارن إِبْڒِيس نِغ ذ شِّيطَان يعْنِي ونِّي يخدّْعن مَارَّا دُّنشْت. ئِمنْضَار-د غَار ثْمُوْرْث، منْضَارن-د اَكِذس شَّيَاطِين نّس.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:3

وَامِي يقِّيم عِيْسَى ذݣ وذْرَار ن زِّيتُوْن، قَارّْبن-د غَارس يمحْضَارن نّس وَاحذْسن نَّان-اَس: "إِنِي-يَانغ شك، مڒْمِي غَا يوْقع مَانَايَا؟ مِين ثعْنَا لْعَلَامَا نِّي خْمِي د غَا ثَاسذ شك، ذ ڒفْنَا ن زْمَان؟"

أَسڒْمذ ن سِيذِيثْنغ عِيْسَى لْكِتَاب ن مَتَّى 13:25

ئِجّن ن دْجِيڒث وَامِي طّْصن مَارَّا يوْذَان، يُوْسَا-د ڒَعْذُو نّس يزْرع زَّرِّيعث ن يسنَّانن اَك زَّرِّيعث نِّي ن يِرْذَان ڒخْدّنِّي يَرْوڒ.

ثبرات زي يهوذا 1:14

فَا أَخْنُوْخ ونِّي إِݣ يدْجَان ذ اَيَّاو ن آدَم زِي جدِّيثْوم وِيس سبْعَا نتَّا يعْڒم يجّن ن وَاوَاڒ زِي أَربِّـي ينَّا-ث خ يثَرَّاسن-أَ: "خْزَرث، أَقَا يُوْسَا-د سِيذِيثْنغ س وَاڒَاف ن ؤُڒُوْفَاث ن يمْقدّْسن نّس

1 بطرس 5:8

أَرّم-د ڒْبَاڒ نْوم، إِڒِيث عْلَابَال. ڒَعْذُو نْوم إِبْڒِيس قَا يتْقيَّاذ-كنِّيو اَم سّْبَاع يتْهِيرِّيو يرزُّو خ ونِّي إِي غَا يسغْڒِي.

يعيبرانيين 9:26

مَعْلِيك اَمنِّي تُوْغَا اَتَاف لَابُد لْمَسِيح يتْوَاعدَّاب اَطَّاس ن ثْوَاڒَاثِين زݣ وَامِي تْوَاخْڒق دُّنشْت-أَ. وَلَكِن لَّا، ئِهْوَا-د نتَّا يجّن ن ثْوَاڒَا اَڒ ونݣَّارُو ن زْمَانَاث بَاش اَذ يسْبطّڒ ڒْمُعْصِيَاث وَامِي يقدّم يخف نّس ذ دْبِيحث.

أيث-ؤفسوس 2:2

ذَايْسنْت إِي تُوْغَا تْعِيشم خْمِي ثݣُّوْرم ذݣ وبْرِيذ ن دُّنشْت-أَ ثْذفَّارم اَرَّايس ن ڒحْكَام إِي يدْجَان جَار وجنَّا ذ ثْمُوْرْث يعْنِي شِّيطَان إِي يدْجَان نتَّا ذ اَرُّوْح نِّي إِݣ يخدّْمن ذݣ يِنِّي إِي يعصَّان أَربِّـي.

22 أيث-كورينث 11:3

وَلَكِن نش ݣّْوْذغ مَامّش ذَاس يوْقع إِ حَوَّا يشْمث-يت وفِيغَر س ثحْرَايْمِيث نّس ؤُڒَا ذ كنِّيو ڒَعْقُوْڒَاث نْوم اَذ فّْغن اَبْرِيذ، وَار ذَاس تْطِيعِيم شَا إِ لْمَسِيح س وُوْڒَاون نْوم بْڒَا نِّفَاق أُو بْڒَا ڒْعِيب.

22 أيث-كورينث 2:17

أَقَا نشِّين مَاشِي اَم خَربِّي ن يِوْذَان يتݣّن تِّجَارَا ذݣ وَاوَاڒ ن أَربِّـي، نشِّين ذِي لْمَسِيح نسَّاوَاڒ س وُوْڒ يصْفَا زِي أَربِّـي أُو زَّاث إِ أَربِّـي.

أَسڒْمذ ن سِيذِيثْنغ عِيْسَى لْكِتَاب ن مَتَّى 28:20

سْڒمْذم-اَسن اَذ ݣّن مَارَّا مِينْزِي كنِّيو وصِّيغ. أَقَا نش اَكِذْوم يڒِيغ ڒبْدَا اَڒ غَا يفْنَا زْمَان!"

أَسڒْمذ ن سِيذِيثْنغ عِيْسَى لْكِتَاب ن مَتَّى 13:28

ينَّا-ٱسن: شَان ڒَعْذُو إِݣ يݣِّين مَانَايَا. نَّان-اَس يخدَّامن نّس: مَا ثخْسذ أَ نْرَاح أَ نكّس يسنَّانن-أَ؟

أَسڒْمذ ن سِيذِيثْنغ عِيْسَى لْكِتَاب ن مَتَّى 12:32

ونِّي غَا يِينِين شَان وَاوَاڒ وَار يحْڒِين خ مِّيس ن بْنَاذم، أَتَاف اَخَاس يغْفَر. وَلَكِن ونِّي غَا يِينِين شَان وَاوَاڒ وَار يحْڒِين خ أَرُّوْح يقدّْسن، أَتَاف وَار خَاس يغفَّر شَا لَّا ذِي دُّنشْت-أَ أُو لَّا ذِي لْأَخِيرَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 13:22

زَّرِّيعث نِّي إِݣ يوْضَان جَار يسنَّانن نتَّاث اَم يِجّن ن بْنَاذم إِي يتْسْڒَان إِ وَاوَاڒ ن أَربِّـي ذَايس اَمْنُوْس ن دُّنشْت، يشمّث-يث طّْمَع ن وَاݣْڒَا، سّنِّي يتْوَاجيّف وَاوَاڒ ن أَربِّـي وَار ينفّع شَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 13:40

أَمشْنَاو مَامّش يسْمُوْن وفدْجَاح يسنَّانن يسْحرّق-يثن ذِي ثْمسِّي، أَمنِّي إِي غَا ثِيڒِي ڒفْنَا ن زْمَان.

1 أيث-كورينث 10:11

وقْعنْت-اَسن ثِمسْڒَايِين-أَ ذ يجّن ن لْعِبْرَا إِ نشِّين. زمّْمن-ثنْت حمَا اَزَّايْسنْت نڒْمذ نشِّين، يعْنِي خضْڒنْت-يد خَانغ اَڒ ونݣَّارُو-يَا ن زْمَانَاث.

يعيبرانيين 1:2

وَلَكِن ذِي لْأَيَّام-أَ ينݣُّوْرَا يسَّاوَاڒ اَكِذْنغ س وقمُّوْم ن مِّيس يعْنِي ونِّي إِي يخْضَر اَذ يوَارث مَارَّا ثِمسْڒَايِين، زَّايس إِي د يخْڒق أَربِّـي دُّنشْت.