أَسڒْمذ ن سِيذِيثْنغ عِيْسَى لْكِتَاب ن مَتَّى 13:38 - ثريفيث 2020

³⁸ أَمَرْجع نتَّا ذ دُّنشْت. زَّرِّيعث ثَصبْحَانْت نتَّاث ذ ثَارْوَا ن ڒْمُلْك وجنَّا. ئِسنَّانن نِثْنِي ذ ثَارْوَا ن وعفَّان نِّي ن إِبْڒِيس.

أَسڒْمذ ن سِيذِيثْنغ عِيْسَى لْكِتَاب ن مَتَّى 13:38 Խաչաձեւ Հղումներ

يوحنا 8:44

بَابَاثْوم ذ إِبْڒِيس، ثْرزُّوْم اَذ تذْفَارم مِين يخس نتَّا. زݣ ومزْوَارُو نتَّا ينقّْ يوْذَان. وَار غَارس شَا لْعَلَاقَا اَك لْحَقِيقَا مِينْزِي نتَّا وَار ذَايس بُو لْحَقِيقَا. مڒْمِي مَا يسْخرَّق، أَتَاف يسَّاوَاڒ زِي مِين ذَايس مِينْزِي نتَّا ذ بُو-يخرِّيقن، ذ بَابَاثْسن ن يخرِّيقن.

ڒخذايم 13:10

ينَّا-ٱس: "شك ذ مِّيس ن إِبْڒِيس. شك ذ ڒَعْذُو ن قَاع مِين يدْجَان نِيشَان، ثشُّوْرذ س لْحِيلَا ذ ثحْرَايْمشْت! مَا عَاذ ثْرزُّوْذ اَذ تْعوّْجذ يبْرِيذن إِي يدْجَان نِيشَان ن سِيذِي أَربِّـي؟

1 بطرس 1:23

أَقَا تْوَاخڒْقم-د ذ جْذِيذ مَاشِي زݣ يِجّن ن زَّرِّيعث يفنَّان؛ لَّا، ثنِّي وَار يفنِّين شَا عمَّارْص، س وَاوَاڒ ن أَربِّـي يدَّرن يتْدُوْمَّان.

ثبرات غار يعقوب 1:18

وَامِي يخس نتَّا، ئِكَّر يَارَّا-ٱنغ ذ ثَارْوَا نّس إِي د يجَّا س وَاوَاڒ ن لْحَقِيقَا حمَا أَ نِيڒِي نشِّين ذ يمزْوُوْرَا زِي مِين د يخْڒق.

أَسڒْمذ ن سِيذِيثْنغ عِيْسَى لْكِتَاب ن مَتَّى 13:19

ئِجّن يتْسْڒَا إِ وَاوَاڒ خ ڒْمُلْك وجنَّا وَار ث يتفْهِيم شَا. يعْنِي نتَّا اَم زَّرِّيعث نِّي إِݣ يوْضَان خ وبْرِيذ. ئِتْرَاح وعفَّان نِّي ن إِبْڒِيس، يتكّس اَوَاڒ نِّي يتْوَازرْعن ذَايس ذݣ وُوْڒ.

1 يوحنا 3:2

آي يمْعِيزّن ينُو، ڒخُّو نشِّين ذ ثَارْوَا ن أَربِّـي. عَاذ وَار د تْمظْهَار شَا صِّيفث نّغ مَامش غَا ثِيڒِي، وَلَكِن نسّن اَذ تِيڒِي اَم نتَّا خْمِي د غَا يمظْهَار ڒَاحقَّاش اَث نْࢲر نتَّا مَامش إِي يدْجَا.

أيث-روما 16:26

ڒخُّو يبَان-د مَانَايَا إِ يِوْذَان يتْوَاسّن س لْكُتُب ن لْأَنْبِيَا. أَربِّـي يعْنِي ونِّي يتْدُوْمَان إِ ڒبْدَا يُوْمَر اَزَّايس اَمْنن مَارَّا ڒݣْنُوْس اَذَاس طَاعن.

أيث-روما 10:18

وَلَكِن نش تْسقْسِيغ، مَا وَار سْڒِين شَا؟ وَاه، سْڒِين. أَقَّا مِين يقَّار لْكِتَاب: <ذِي مَارَّا ثَمُوْرْث يفّغ-د صُّوْت نْسن، أَوَاڒن نْسن ؤُوْضن اَڒ ڒَاحدّ ن دُّنشْت.>

أيث-روما 8:17

أُو نشِّين مڒَا اَقَانغ ذ ثَارْوَا ن أَربِّـي، أَتَاف أَ نْوَارث. يعْنِي أَ نْوَارث زِي أَربِّـي، أَ نْوَارث اَك لْمَسِيح. وَلَكِن يخصَّا-يَانغ أَ نْشَرش اَكِذس ذݣ وعدّب نّس حمَا أَ نْشَرش اَكِذس عَاوذ ذِي لْعَظَمَا نّس.

يوحنا 12:24

أَقَا تسْڒَام ڒْحَقّ: ثَحبُّوْشْت ن يِرْذَان مڒَا وَار تْوَاࢲُّو شَا ذِي ثْمُوْرْث يعْنِي مڒَا وَار تْوَانْضڒ شَا، اَتَاف اَذ ثقِّيم ذ ثَحبُّوْشْت وَاهَا. مڒَا تْوَانْضڒ اَذ تُوْش اَطَّاس ن ڒْحَبّ.

لوقا 24:47

أَذ بشَّرن مَارَّا ڒݣْنُوْس حمَا اَذ تُوْبن اَذ تْوَاغْفَرنْت ڒْمُعْصِيَاث نْسن س يِيسم ن لْمَسِيح. أَذ يبْذَا مَانَايَا ذِي لْقُدْس.

أَسڒْمذ ن سِيذِيثْنغ عِيْسَى لْكِتَاب ن مَتَّى 24:14

لْإِنْجِيل ن ڒْمُلْك ن أَربِّـي اَخَاس حدّْثن يِوْذَان ذِي مَارَّا ثِمُوْرَا ن دُّنشْت حمَا اَغَارْسن ثِيڒِي شْهَاذث خَافِي. ڒخْدّنِّي إِي د غَا يَاس ڒفْنَا.

لواحي ن يوحنا 14:6

ࢲْرِيغ يجّن ن لْمَلَائِكَا نّغْنِي ثطَّاو ذِي ڒْوسْط ن وجنَّا. غَارس لْإِنْجِيل وَار يفنِّين اَذ تْبشَّر زَّايس يمزْذَاغ ن ثْمُوْرْث زِي مْكُڒ ڒْݣنْس ذ ڒْقُوْم ذ لُّغَا ذ شَّعْب.

ثبرات غار يعقوب 2:5

شُوْف آي أَيثْمَا يمْعِيزّن ينُو، مَا وَار ثسِّينم شَا أَربِّـي يخْضَر ڒْمُسَاكِين ن دُّنشْت-أَ حمَا اَذ يڒِين ذ تْوَاجَر س لْإِيمَان نْسن اَذ وَرْثن ذِي ڒْمُلْك إِي زِي يوْعذ أَربِّـي يِنِّي إِي ث يتْحِبَّان؟

أَسڒْمذ ن سِيذِيثْنغ عِيْسَى لْكِتَاب ن مَتَّى 5:37

أَذ يِيڒِي وَاوَاڒ نْوم: وَاه نِغ لَّا. مَارَّا مِين غَا ثِينِيم ذ زّْيَادَا، أَتَاف اَࢲْور نّس زِي شِّيطَان.

أَسڒْمذ ن سِيذِيثْنغ عِيْسَى لْكِتَاب ن مَتَّى 8:12

وَلَكِن يِنِّي تُوْغَا يتْخصَّا اَذ وَرْثن ڒْمُلْك ن أَربِّـي، أَتَاف اَذ منْضَارن غَار بَارَّا ذِي ثَادْجسْت مَانِي غَا يڒِين يمطَّاون ذ وغࢲَّاࢲ ن ثغْمَاس."