أَسڒْمذ ن سِيذِيثْنغ عِيْسَى لْكِتَاب ن مَتَّى 12:25 - ثريفيث 2020

²⁵ ئِسّن عِيْسَى مِين نْوَان ينَّا-ٱسن: "مْكُڒ لْممْلَكَا إِي ذِي تْمنْغَان أَيثْبَاب نّس يجّن اَك ونّغْنِي اَذ تْنهْذم. مْكُڒ ثَنْدِينْت نِغ ذ ثَدَّارْث إِي ذِي تْمنْغَان اَيثْبَاب نّس يجّن اَك ونّغْنِي وَار ثْزمَّر اَذ تقِّيم.

أَسڒْمذ ن سِيذِيثْنغ عِيْسَى لْكِتَاب ن مَتَّى 12:25 Խաչաձեւ Հղումներ

أيث-ݣلاطيا 5:15

وَلَكِن مڒَا تْمرْمَاشم اَيَاوْيَا اَم ڒُوْحُوْش وَا يتتّ وَا، حْضَام يخف نْوم اَذ تْسغْڒِيم اَيَاوْيَا.

1 أيث-كورينث 2:11

شُوْف، مِين يعْنَا ونِّي إِݣ يسّْنن لْأَفْكَار ن بْنَاذم غَار ذَاخڒ؟ ئِسّن-يثنْت اَرُّوْح ن بْنَاذم نِّي س يِيخف نّس. كِيف-كِيف أَربِّـي، وَار ذِنِّي حَدّ يسّن لْأَفْكَار ن أَربِّـي إِلَّا اَرُّوْح ن أَربِّـي وَاحْذس.

أَسڒْمذ ن سِيذِيثْنغ عِيْسَى لْكِتَاب ن مَتَّى 9:4

عِيْسَى يسّن مِين تْفكَّرن ذِي ڒَعْقُوْڒَاث نْسن ينَّا-ٱسن: "مَايمِّي تْفكَّرم اَمُّو ذِي مِين وَار يحْڒِين؟

لواحي ن يوحنا 16:19

ثْشقّْ ثنْدِينْت ثَمقّْرَانْت خ ثْڒَاثَا، نْهذْمنْت ثْندَّام ن ڒݣْنُوْس. وَار يتُّو شَا أَربِّـي ثَنْدِينْت ن بَابِل ثَمقّْرَانْت، فَا إِنَّمَا، يُوْشَا-ٱس اَذ تْسو زِي ڒْكَاس ن وَامَان وضِيڒ يعْنِي لْعِقَاب نّس اَمقّْرَان.

يعيبرانيين 4:13

وَار ذِنِّي ؤُڒَا ذ يجّن ن ثْمسْڒَايْث زِي مِين د يتْوَاخڒْقن ثْنُوْفَّار زِي أَربِّـي. قَاع ثِمسْڒَايِين تْوَافضْحنْت-يد تْوَاظْهَارنْت-يد إِ ثِيطَّاوِين ن ونِّي ؤُمِي غَا نُوْش ڒحْسَاب نّغ.

مرقس 2:8

ذغْيَا يسّن عِيْسَى ذِي نّفْس نّس مِين تْفكَّرن ذِي ڒَعْقُوْڒَاث نْسن ينَّا-ٱسن: "مَايمِّي تْفكَّرم اَمُّو كنِّيو ذِي ڒَعْقُوْڒَاث نْوم؟

لواحي ن يوحنا 2:23

أَذ نْغغ ثَارْوَا نّس. أَذْ سّْنن مَارَّا ثِجُمَاع ن ڒْمُوْمِنِين بلِّي ذ نش إِݣ يتْميَّازن مِين ذَايس ذِي ڒَعْقڒ ذ وُوْڒ. كُڒ يجّن زَّايْوم اَذَاس ؤُشغ عْلَاحْسَاب ڒخْذَايم نّس.

يوحنا 21:17

ينَّا-ٱس عِيْسَى وِيس ثڒْت مَرَّاث: "آ سِمْعَان آ مِّيس ن يُوْحَنَّا، مَا تخْسذ-اَيِي؟" ئِقّس-اَس ڒْحَاڒ إِ بُطْرُس ڒَاحقَّاش ينَّا-ٱس-ث وِيس ثڒْت مَرَّاث، شك مَا تخْسذ-اَيي؟ ينَّا-ٱس: "آ سِيذِي، شك ثسّْنذ كُڒْشي. ثسّْنذ قَا نش تخْسغ-ش." ينَّا-ٱس عِيْسَى: "سشّ يحُوْڒِيْين ينُو.