أَسڒْمذ ن سِيذِيثْنغ عِيْسَى لْكِتَاب ن مَتَّى 12:10 - ثريفيث 2020

¹⁰ يُوْفَا ذِنِّي يجّن ن ورْيَاز فُوْس نّس يمُّوْث. ڒخْدّنِّي سّقْسَان عِيْسَى رزُّوْن اَث تَاهْمن نَّان-اَس: "مَا حَلَال اَذ تسْݣنْفِيذ شَان يِجّن ذِي نْهَار ن سّبْت ن لْعِبَادَا مَا لَّا؟"

أَسڒْمذ ن سِيذِيثْنغ عِيْسَى لْكِتَاب ن مَتَّى 12:10 Խաչաձեւ Հղումներ

لوقا 13:14

أَرَّايس ن ثمْزِيذَا نِّي وَار ذَاس يعْجِيب بُو ڒْحَاڒ وَامِي عِيْسَى يسْݣنْفَا ثَمْغَارْث نِّي ذِي نْهَار ن سّبْث ن لْعِبَادَا. ئِكَّر نتَّا ينَّا-ٱسن إِ يِوْذَان: "أَربِّـي يُوْشَا ستِّيَّام ن ڒْخذْمث ذِي ستِّيَّام نِّي إِي د غَا تَاسم اَذ تْݣنْفِيم، وَار يدْجِي بُو ذِي نْهَار ن لْعِبَادَا."

يوحنا 9:16

نَّان ڒبْعَاض ن يفَرِّيسِيْين نِّي: "بْنَاذم نِّي وَار يدْجِي شَا زِي أَربِّـي مِينْزِي وَار يوقَّار شَا نْهَار ن لْعِبَادَا." وَلَكِن ڒبْعَاض نّغْنِي نَّان: "لَّا، مَامّش بْنَاذم ذ لْعَاصِي زَعْمَا اَذ يݣّ لْمُعْجِيزَاث-أَ؟" خ مَانَايَا يوْقع لْخِلَاف جَارَاسن.

يوحنا 8:6

نَّان-اَس نِثْنِي مَانَايَا تْجَرَّابن-ث حمَا اَث تَاهْمن. ئِكَّر عِيْسَى يهْوَا غَار ثْمُوْرْث يبْذَا يتَارِي ذݣ وشَاڒ س وفُوْس نّس.

يوحنا 5:10

كَّرن يسْرَائِيلِيْين نَّان-اَس إِ ونِّي يݣنْفَان: "نْهَارَا ذ نْهَار ن سّبْث ن لْعِبَادَا، وَار غَارك بُو ڒْحَقّ اَذ تيْسِيذ ثَاسُّوْث نّش."

لوقا 11:54

حطَّان-ث حمَا اَذ يِينِي شَان وَاوَاڒ اَث طّْفن زَّايس.

أَسڒْمذ ن سِيذِيثْنغ عِيْسَى لْكِتَاب ن مَتَّى 12:2

وَامِي ثن ࢲْرِين شَا ن يِوْذَان زِي ڒْحِزب ن يفَرِّيسِيْين نَّان-اَس إِ عِيْسَى: "خْزَر! ئِمحْضَارن نّش تݣّن مِين يدْجَان حْرَام ذِي نْهَار ن سّبْت ن لْعِبَادَا."

يوحنا 5:3

تْغِيمَان ذِنِّي اَطَّاس ن يمهْڒَاش ذ يضَرْغَاڒن ذ يزحَّافن ذ ينشْرُوْفن، {تْرَاجَان اَمَان ن صَّرِيج اَذ نْهزّن.

لوقا 23:2

بْذَان تْتَاهْمن-ث نَّان: "نُوْفِي-ث يتݣّ لْبلْبَلَا ذِي شَّعْب. ئِقَّار-اَسن وَار تِيشّث بُو ضَّرِيبَا إِ وزدْجِيذ قَيْصَر. نتَّا يحسّب يخف نّس ذ لْمَسِيح يعْنِي ذ يجّن ن وزدْجِيذ."

لوقا 23:14

ينَّا-ٱسن: "كنِّيو ثُوْوِيم-اَيِي-د بْنَاذم-أَ ثنِّيم-اَيِي قَا يتݣّ ڒْفِتْنَا جَار يِوْذَان. نش خمّْمغ ذِي ثْمسْڒَايْث-أَ زَّاثْوم. وَار ذَايس ؤُفِيغ ذݣ وثَرَّاس-أَ بُو شَان تُّهْمث عْلَاحْسَاب مِين ثقَّارم كنِّيو.

لوقا 20:22

إِنِي-يَانغ، مَا ثْسمّح شَّرِيعَا نّغ أَ نْخدْجس ضَّرِيبَا إِ وزدْجِيذ قَيْصَر نِغ لَّا؟"

أَسڒْمذ ن سِيذِيثْنغ عِيْسَى لْكِتَاب ن مَتَّى 19:3

قَارّْبن-د غَارس شَان يِوْذَان زِي ڒْحِزب ن يفَرِّيسِيْين حمَا اَث جَرّْبن. نَّان-اَس: "مَا حَلَال اَذ يدْجف شَان ورْيَاز إِ ثمْغَارْث نّس ذِي اَيِّي ڒْحَاجث؟"

مرقس 3:2

تْلَاحَاضن خَاس مَا ٱث يسْݣنْفَا مَا لَّا ذِي نْهَار ن سّبْث ن لْعِبَادَا حمَا اَث تَاهْمن.

يوحنا 7:23

مڒَا ثْسمّْحم يحَرْمُوْشن اَذ طهَّارن ذِي نْهَار ن لْعِبَادَا حمَا وَار تخِيلِيفم شَا شَّرِيعَا ن مُوْسَى، مَا تْعَصَّابم خَافِي وَامِي سْݣنْفِيغ يجّن ن بْنَاذم قَاع ذِي نْهَار ن لْعِبَادَا؟