أَسڒْمذ ن سِيذِيثْنغ عِيْسَى لْكِتَاب ن مَتَّى 11:25 - ثريفيث 2020

²⁵ ڒخْدّنِّي يسِّيوڒ عِيْسَى ينَّا: "حمْذغ-شك آ بَابَا آ سِيذِي أَربِّـي ن وجنَّا ذ ثْمُوْرْث ڒَاحقَّاش ثسْنُوْفَّرذ مَانَايَا خ يمِيغِيسن ذ لْعُلَمَا، ثْسظْهَارذ-ث-يد إِ يحنْجِيرن يمزْيَانن.

أَسڒْمذ ن سِيذِيثْنغ عِيْسَى لْكِتَاب ن مَتَّى 11:25 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 21:16

نَّان-اَس إِ عِيْسَى: "مَا تسْڒِيذ مِين خَاك قَّارن؟" ينَّا-ٱسن عِيْسَى: "وَاه، مَا وَار ثغْرِيم مِين يدْجَان ذِي لْكِتَاب؟ <ثݣِّيذ، آي أَربِّـي، أَش حمْذن يحنْجِيرن ذ يسيْمَان س وقمُّوْم نْسن.>"

أَسڒْمذ ن سِيذِيثْنغ عِيْسَى لْكِتَاب ن مَتَّى 16:17

ڒخْدّنِّي ينَّا-ٱس عِيْسَى: "سَّعْذ نّش آ سِمْعَان، آ مِّيس ن يُوْنَا! وَار يدْجِي بُو ذ شَا ن بْنَاذم إِي ذَاش د يسْمظْهَارن مَانَايَا منْغِير بَابَا يدْجَان ذݣ وجنَّا.

22 أيث-كورينث 3:14

نِثْنِي ڒَعْقُوْڒَاث نْسن تْوَاقْسْحن وَار فهّْمن شَا. أَڒ نْهَارَا خْمِي غَا غَرن ذِي ڒْعَهذ نِّي اَقْذِيم تَافن لْتَام نِّي عَاذ ذَايس. لْتَام نِّي وَار يتْوَاكّس شَا، غِير س لْمَسِيح إِي غَا يتْوَاكّس.

ڒخذايم 17:24

ئِخْڒق-د دُّنشْت-أَ ذ مَارَّا مِين ذَايس، نتَّا ذ سِيذِي أَربِّـي ن وجنَّا ذ ثْمُوْرْث. وَار يزدّغ شَا ذِي زَّاوْيَاث نِّي إِݣ بنَّان يِوْذَان س يفَاسّن نْسن.

يوحنا 11:41

أُوْشَا نِثْنِي سْبعّْذن اَزْرُو نِّي. ئِيْسِي عِيْسَى ثِيطَّاوِين غَار وجنَّا ينَّا: "تْشكَّرغ-شك آ بَابَا ثسْتَاجْبذ-اَيِي.

لوقا 22:42

ينَّا: "آ بَابَا، مڒَا ثخْسذ سْبعّذ-يث خَافِي ڒْكَاس-أَ ن ڒَعْذَاب. مَاشِي مَامْش خْسغ نش؛ لَّا، مَامْش يخس ڒْخَاضَر نّش شك."

لوقا 23:34

ينَّا عِيْسَى: "آ بَابَا، غْفَر يوْذَان-أَ قَا وَار سِّينن شَا مِين تݣّن." ڒْعَسْكَار نِّي ݣِّين لْقُرْعَا خ وَارُّوْض نّس حمَا كُڒ يجّن مِين غَا ييْسِي.

يوحنا 12:27

ڒخُّو ڒَعْمَر ينُو يخيّق. مَا ٱذ ينِيغ: آ بَابَا سنْجم-اَيِي زِي ڒْوقْث-أَ؟ لَّا، خ سَّبَاب ن ڒْوقْث-أَ مِينْخف إِي د ؤُسِيغ.

يوحنا 12:28

آ بَابَا، سمْغَار يسم نّش." أُوْشَا يُوْسَا-د يجّن ن صُّوْت زݣ وجنَّا ينَّا، سمْغَارغ-ث، أَث سمْغَارغ عَاوذ.

1 أيث-كورينث 2:10

ثِمسْڒَايِين نِّي يسْمظْهَار-اَنغ-ثنْت-يد أَربِّـي س اَرُّوْح نّس. لِأَنَّا اَرُّوْح ن أَربِّـي يخزَّر ذِي ثْمسْڒَايِين مَارَّا، وَاخَّا ذ مِين يُوْدْجْغن ن أَربِّـي.