لوقا 9:30 - ثريفيث 2020

³⁰ مظْهَارن-د ثْنَاين ن يرْيَازن سَّاوَاڒن اَكِذس يجّن ذ نَّبِي مُوْسَى يجّن ذ نَّبِي إِلْيَاس.

لوقا 9:30 Խաչաձեւ Հղումներ

لوقا 1:17

أَذ يُوْيُوْر زَّاث إِ سِيذِي أَربِّـي س يِجّن ن اَرُّوْح يجْهذ اَم ونِّي ن نَّبِي إِلْيَاس. أَذ يسْمصْڒَاح لْوَالِدِين اَك ثَارْوَا نْسن. أَذ يَارّ يِنِّي يعصَّان غَار وبْرِيذ ن يِنِّي يدْجَان نِيشَان حمَا اَذ يسوْجذ شَّعْب إِ سِيذِي أَربِّـي اَذ يڒِين وجْذن."

لوقا 24:27

ذِنِّي يبْذَا-يَاسن عِيْسَى زِي شَّرِيعَا ن مُوْسَى ذ لْكُتُب ن مَارَّا لْأَنْبِيَا يسفْهم-يثن مِين خَاس يُوْرِين ذِي مَارَّا لْكُتُب نِّي.

لوقا 24:44

ينَّا-ٱسن: "ذ وَا ذ اَوَاڒ إِي زِي كِذْوم سِّيوْڒغ وَامِي عَاذ تُوْغَا دْجِيغ اَكِذْوم، يعْنِي لَابُد اَذ يكمّڒ مَارَّا مِين خَافِي يُوْرِين ذِي شَّرِيعَا ن مُوْسَى ذ لْكُتُب ن لْأَنْبِيَا ذ زَّبُوْر."

لوقا 9:19

أَرِّين خَاس نَّان-اَس: "ئِجّن يقَّار شك ذ يَحْيَى. ئِجّن يقَّار شك ذ إِلْيَاس. ئِجّن يقَّار شك زِي لْأَنْبِيَا يقْذِيمن إِي د يكَّرن زِي ڒْموْث."

لوقا 9:29

وَامِي يࢲُّوْدْج، ئِبدّڒ وغمْبُوْب نّس يذْوڒ ذَايس نُّوْر، يذْوڒ وَارُّوْض نّس ذ اَشمْڒَاڒ يتْشعْشِيع.

لوقا 9:31

مظْهَارن-د اَك عِيْسَى س يِجّن ن لْعَظَمَا ذ ثَمقّْرَانْت، بْذَان سَّاوَاڒن اَكِذس خ وُوْفُوْغ نّس إِي زِي غَا يفّغ ذغْيَا زِي لْقُدْس.

يوحنا 1:17

شَّرِيعَا ن أَيث-إِسْرَائِيل ثمُّوْش خ وفُوْس ن مُوْسَى. اَرْضَا ذ لْحَقِيقَا نِثنْتِي ؤُسِينْت-يد خ وفُوْس ن عِيْسَى لمَسِيح.