لوقا 9:16 - ثريفيث 2020

¹⁶ ئِكَّر يطّف خمْسَا نِّي ن ثْخبَّازِين ذ ثْنَاين نِّي ن يسڒْمَان، ئِيْسِي ثِيطَّاوِين نّس غَار وجنَّا أُوْشَا يشكَّر أَربِّـي. يرْزَا اَغْرُوْم نِّي يُوْشَا-اَسن-ث إِ يمحْضَارن نّس حمَا اَث فرْقن خ يِوْذَان نِّي مَارَّا.

لوقا 9:16 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 14:19

يُوْمَر ڒْغَاشِي نِّي اَذ قِّيمن خ اَرْبِيع. يطّف خمْسَا ن ثْخبَّازِين نِّي ذ ثْنَاين ن يسڒْمَان نِّي، ييْسِي ثِيطَّاوِين نّس غَار وجنَّا يشكَّر أَربِّـي. يرْزَا ثِخبَّازِين نِّي خ ثْنَاين يُوْشَا-ٱسن-ثنْت إِ يمحْضَارن نّس، ڒخْدّنِّي فرْقن-ثنْت خ يِوْذَان نِّي مَارَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 15:36

ئِطّف سبْعَا نِّي ن ثشْنِيفِين ذ يسڒْمَان نِّي، ئِشكَّر أَربِّـي. يرْزِي-ثن يُوْشِي-ثن إِ يمحْضَارن نّس، ئِمحْضَارن نّس فرْقن-ثن خ ڒْغَاشِي نِّي.

مرقس 7:34

ئِيْسِي ثِيطَّاوِين نّس غَار وجنَّا يسُّوْحرث ينَّا: "إِفَاتَح!" (أَوَاڒ-أَ يخس اَذ يِينِي تْوَارْزْمن.)

لوقا 22:19

ئِيْسِي اَغْرُوْم يشكَّر أَربِّـي يرْزِي-ث يُوْشَا-ٱسن-ث ينَّا-ٱسن: "ذ وَا إِݣ يدْجَان ذ دَّات ينُو إِي غَا يمُّوْشن عْلَاحْسَاب كنِّيو. تݣّث مَانَايَا حمَا اَذَايِي ثْفكَّرم."

لوقا 24:30

وَامِي اَكِذْسن يقِّيم اَذ يشّ، ئِكَّر ييْسِي اَغْرُوْم يشكَّر أَربِّـي يرْزِي-ث يبْذَا يفَرّق-اَسن-ث.

لوقا 9:15

ݣِّين مَانَاينِّي، سْغِيمن-ثن مَارَّا.

لوقا 9:17

شِّين مَارَّا جِّيوْنن. سّنِّي يْسِين ثنْعَاش ن ثقْرَابِين عمَّارنْت س يڒقُّوْزن نِّي يشطّن.

يوحنا 6:11

ئِيْسِي-د عِيْسَى اَغْرُوْم نِّي يشكَّر أَربِّـي، يفرق-يث إِ يِنِّي إِي ذِنِّي يقِّيمن. أَمُّو يݣَّا ؤُڒَا إِ يسڒْمَان، ؤُشِين-اَسن عْلَاحْسَاب مِين رزّْوْن.

يوحنا 6:23

سّنِّي ؤُسِينْت-يد ثْغَرُّوْبَا نّغْنِي زِي ثنْدِينْت ن طَبَرْيَا غَار ومْشَان نِّي مَانِي شِّين اَغْرُوْم نِّي مَانِي يشكَّر عِيْسَى أَربِّـي.

ڒخذايم 27:35

وَامِي ينَّا اَوَاڒ-أَ، ئِكَّر ييْسِي-د اَغْرُوْم يشكَّر أَربِّـي زَّاثْسن مَارَّا، يرز-يث يبْذَا يتتّ-يث.

أيث-روما 14:6

ونِّي يتْوَاڒَان يجّن ن نْهَار مُبَارَك زݣ ونّغْنِي اَذ يݣّ مَانَايَا بَاش اَذ يوقَّر سِيذِي أَربِّـي. ونِّي يتتّن زِي مَارَّا لْمَكْلَا قَا يتتّ بَاش اَذ يوقَّر سِيذِي أَربِّـي لِأَنَّا اَذ يشكَّر أَربِّـي. ونِّي وَار يتتّن شَا زِي مَارَّا لْمَكْلَا قَا يتݣّ مَانَايَا حمَا اَذ يوقَّر سِيذِي أَربِّـي، ؤُڒَا ذ نتَّا اَذ يشكَّر أَربِّـي.

1 أيث-كورينث 10:30

مڒَا شكَّرغ أَربِّـي خ شَان لْمَكْلَا، مَايمِّي إِي ذَايِي غَا حَاسْبن خ مَانَاينِّي إِي زِي شكَّرغ أَربِّـي؟

1 أيث-كورينث 11:24

وَامِي يشكَّر أَربِّـي يرز-يث ينَّا: "ذ وَا إِݣ يدْجَان ذ دَّات ينُو إِي غَا يمُّوْشن عْلَاحْسَاب كنِّيو. تݣّث مَانَايَا حمَا اَذَايِي تْفكَّرم."