لوقا 8:47 - ثريفيث 2020

⁴⁷ وَامِي ثُوْفَا ثمْغَارْث نِّي ثْنفْضح، ثْرُوْح غَار عِيْسَى ترْجِيجِي ثوْضَا-يَاس غَار يضَارن نّس. ثْعَاوذ-اَس زَّاث إِ مَارَّا يوْذَان نِّي مَايمِّي ث ثْحَاذَا ذ مَامّش ثْݣنْفَا ذݣ ومْشَان.

لوقا 8:47 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 28:8

كَّرنْت نِثنْتِي رُوْحنْت ذغْيَا زݣ ونْضڒ نِّي، ݣّْوْذنْت وَلَكِن فَرْحنْت اَطَّاس. تَازّْڒنْت اَذ سِّيوْضنْت ڒخْبَار-أَ غَار يمحْضَارن ن عِيْسَى.

مرقس 5:33

وَامِي ثسّن ثمْغَارْث نِّي مِين ذَاس يوقْعن ثݣّْوذ ترْجِيجِي، ثُوْسَا-د ثوْضَا غَار يضَارن نّس ثْعَاوذ-ٱس مَارَّا لْحَقِيقَا.

لوقا 8:46

ينَّا عِيْسَى: "لَّا، سْحِيسّغ شَان يِجّن يحَاذَا-اَيِي مِينْزِي سّْنغ جّْهذ يفّغ زَّايِي."

لوقا 8:48

ينَّا-ٱس عِيْسَى: "آ يدْجِي، شم لْإِيمَان نّمْ يسْݣنْفَا-شم. رُوْح ذِي ڒهْنَا."

ڒخذايم 16:29

ينَّا لْحَارِس ن ڒحْبس شعّْڒم ڒفْنَارَاث. ئِرُوْح يتَازّڒ غَار بُوْلُس ذ سِيلَاس يسجّذ-اَسن غَار يضَارن نْسن يبْذَا يترْجِيجِي.

1 أيث-كورينث 2:3

تُوْغَا اَقَايِي اَكِذْوم س يِجّن ن ضُّعف ذ يِجّن ن ثِيݣّْوْذِي، ترْجِيجِيغ اَطَّاس.

22 أيث-كورينث 7:15

نتَّا اَقَا ثقِّيمم-اَس ذݣ وُوْڒ أُو كْتَار عَاذ خْمِي يتْفكَّار ذِي اَرَّاي إِي ذَاس ثݣِّيم، يعْنِي ثْقبْڒم-ث س يِجّن ن ثِيݣّْوْذِي ترْجِيجِيم.

أيث-فيليـپـي 2:12

إِذن آي يمْعِيزّن ينُو، مَامش تُوْغَا ثتْطَاعَام ڒبْدَا زِي قْبڒ وَامِي تُوْغَايِي اَكِذْوم، أَمنِّي عَاوذ إِي غَا ذَايِي ثْطَاعم وَامِي خَاوم غَابغ. يعْنِي اَذ تقِّيمم تݣّم لْمجْهُوْد بَاش اَذ تْكمّْڒم مْلِيح ذݣ وسنْجم نْوم س يِجّن ن ثِيݣّْوْذِي ذ يِجّن ن تَرْجِيجِي.

يعيبرانيين 12:28

خ مَانَايَا أَ نْشكَّر أَربِّـي ڒَاحقَّاش نقْبڒ يجّن ن ڒْمُلْك وَار يتنْهزِّين شَا. أَمُّو اَذَاس نْقدّم إِ أَربِّـي يجّن ن لْعِبَادَا س ڒُوقَّار ذ ثِيݣّْوْذِي اَخَاس يَارْضَا نتَّا،