لوقا 8:35 - ثريفيث 2020

³⁵ فّْغن-د يِوْذَان حمَا اَذ ࢲرن مِين يوقْعن. ؤُسِين-د غَار عِيْسَى ؤُفِين اَرْيَاز نِّي فّْغن زَّايس جْنُوْن، ئِقِّيم غَار يضَارن ن عِيْسَى يَرض اَرُّوْض نّس يݣنْفَا يذْوڒ س ڒَعْقڒ نّس. أُوْشَا ݣّْوْذن اَطَّاس.

لوقا 8:35 Խաչաձեւ Հղումներ

لوقا 10:39

أَكِذس يجّن ن وتْشْمَاس نتَّاث قَّارن-اَس مَرْيَم ثْرُوْح ثقِّيم غَار يضَارن ن سِيذِيثْنغ ثبْذَا تْصنَّاط إِ وَاوَاڒ نّس.

1 يوحنا 3:8

ونِّي إِݣ يقِّيمن يسْخدَّام ڒْمُعْصِيَاث نتَّا زݣ إِبْڒِيس ڒَاحقَّاش إِبْڒِيس يقِّيم يعصَّا زݣ ومزْوَارُو. مَايمِّي د يمظْهَار مِّيس ن أَربِّـي؟ ئِمظْهَار-د بَاش اَذ يرز ڒفْعَايڒ ن إِبْڒِيس.

ڒخذايم 22:3

"نش ذ اَئِسْرَائِيلِي خڒْقغ ذِي ثنْدِينْت ن طَرْسُوْس ذِي لْإِقْلِيم ن كِيلِيكْيَا، وَلَكِن نش يْمِيغ ذِي ثنْدِينْت-أَ ذَانِيتَا. غْرِيغ غَار يضَارن ن لْأُسْتَاد ݣَامْليِيل تْوَاربِّيغ س شَّرِيعَا ن ڒجْذُوْذ نّغ مَامّش ذَانغ ثْوصَّا ثَا س ثَا كُڒْشِي. رزُّوْغ اَذ ݣّغ لْوَاجِب اَك أَربِّـي س وُوْڒ ينُو مَامش ثْرزُّوْم اَذ تݣّم كنِّيو مَارَّا نْهَارَا.

لوقا 8:27

وَامِي يُوْوض عِيْسَى غَار ڒْبَرّ يڒْقَا-ث-يذ يجّن ن بْنَاذم زِي ثنْدِينْت ذَايس جْنُوْن. نتَّا اَطَّاس زݣ وَامِي وَار يَرّض بُو وَارُّوْض وَار يزدّغ شَا ذِي ثدَّارْث، ئِزدّغ ذݣ يمضْڒَان.

لوقا 15:17

ئِبْذَا ڒخْدّنِّي يتْخمَّام مْلِيح ذݣ يِيخف نّس ينَّا: مشْحَاڒ غَارس ذ يخدَّامن غَار بَابَا يتْشطَّا خَاسن وغْرُوْم، نش اَقَايِي ذَانِيتَا تْمتِّيغ س جُّوْع.

لوقا 2:46

كِّين ثڒْتِيَّام أُوْشَا ؤُفِين-ث يقِّيم ذِي ثمْزِيذَا ثَمقّْرَانْت جَار يِنِّي يسڒْمَاذن، ئِتْسْڒَا-يَاسن يتْسقْسَا-ثن.

مرقس 5:15

ؤُسِين-د غَار عِيْسَى ؤُفِين اَرْيَاز نِّي إِي ذِي تُوْغَا يدْجَا اَبرُّو ن جْنُوْن يَرض اَرُّوض نّس يقِّيم يݣنْفَا س ڒَعْقڒ نّس. أُوْشَا ݣّْوْذن اَطَّاس.

أَسڒْمذ ن سِيذِيثْنغ عِيْسَى لْكِتَاب ن مَتَّى 4:24

ئِفّغ ڒخْبَار نّس ذِي سُوْرْيَا اَمن-ثكْمَاڒ. تَّاوْين-د غَارس مَارَّا يِنِّي يهڒْشن تْعدَّابن س لْأَنْوَاع ن ڒهْڒَاشَاث ذ ڒحْڒِيقَاث، مْكُڒ يمَرْيَاحن ذ يمجْنُوْنن ذ ينشْرُوْفن نتَّا يسْݣنْفَا-ثن.

لوقا 8:34

يِنِّي يَروّْسن، ࢲْرِين مِين يوقْعن اَروْڒن سُوْفْغن ڒخْبَار ذِي ثنْدِينْت ذ ڒدْشُوْرَاث.