لوقا 7:39 - ثريفيث 2020

³⁹ أَفَرِّسِي نِّي إِي ث يعَرْضن وَامِي يࢲْرَا مَانَايَا ينَّا ذِي نّفْس نّس: وَانِيتَا مَعْلِيك ذ نَّبِي اَتَاف اَذ يسّن مِين ثعْنَا ثمْغَارْث-أَ إِي ث يتْحَاذَان، نتَّاث ثعْصَا أَربِّـي.

لوقا 7:39 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 20:16

أَمنِّي يِنِّي يدْجَان ذ ينݣُّوْرَا اَذ ذوْڒن ذ يمزْوُوْرَا؛ يِنِّي يدْجَان ذ ئِمزْوُوْرَا اَذ ذوْڒن ذ ينݣُّوْرَا."

أَسڒْمذ ن سِيذِيثْنغ عِيْسَى لْكِتَاب ن مَتَّى 21:11

نَّان ڒْغَاشِي قَا وَانِيتَا ذ نَّبي عِيْسَى زݣ وبِيلَاج ن نَاصِرَا ذِي ثْمُوْرْث ن لْجَلِيل."

مرقس 7:21

مَايمِّي؟ ڒَاحقَّاش زِي ذَاخڒ يعْنِي زݣ وُوْڒ ن بْنَاذم إِي زِي د تكَّانْت لْأَفْكَار ثِعفَّانِين ذ لْفَسَاد ذ ثُوْكَّارْذَا ذ ثْمنْغِيوْث

لوقا 12:17

ينَّا ذِي نّفْس نّس: وَار ؤُفِيغ بُو اَمْشَان مَانِي غَا خمّْڒغ ثَفدْجَاحْث-أَ، مِين غَا ݣّغ؟

لوقا 15:2

ڒْحِزب ن يفَرِّيسِيْين ذ يمْسڒْمَاذن ن شَّرِيعَا سَّاوَاڒن ذِي عِيْسَى نَّان: "أَرْيَاز-أَ يتْرحَّاب زݣ يِنِّي يعصَّان يتتّ اَكِذْسن!"

لوقا 16:3

ينَّا ؤُوقَّاف ذِي نّفْس نّس: مِين غَا ݣّغ؟ ڒخُّو بَاب ن شِي اَذَايِي يكّس لْوَكَالَا. نش وَار ذَايِي بُو جّْهذ اَذ نقْشغ، أَذ سذْحِيغ اَذ تَّارغ.

لوقا 18:4

أَطَّاس زݣ وَامِي يتَاݣِي اَذَاس يُوْش مِين ذَاس تتَّار نتَّاث. وَلَكِن منْبَعْد إِ مَانَايَا ينَّا ذِي نّفْس نّس: وَاخَّا وَار تݣّْوْذغ شَا أَربِّـي، وَار تْوقِّيرغ شَا يوْذَان،

لوقا 3:8

مڒَا ثْتُوبم ذ صَّح، ݣّث ڒخْذَايم ذ ثِصبْحَانِين. مَاشَي اَذ تِينِيم ذِي نّفْس نْوم اَقَا نشِّين ذ ثَارْوَا ن بْرَاهِيم أُو صَافِي. مڒَا يخس أَربِّـي ثَارْوَا ن بْرَاهِين، أَتَاف اَذ ييْسِي يِزْرَا-يَا اَثن يَارّ ذ ثَارْوَا ن بْرَاهِيم!

لوقا 7:16

مَارَّا ݣّْوْذن سمْغَارن أَربِّـي نَّان: "ئِمظْهَار-د جَارَانغ يجّن ن نَّبِي ذ اَمقّْرَان. أَربِّـي يفْقذ شَّعْب نّس!"

لوقا 7:37

ذِنِّي ذݣ وبِيلَاج نِّي يجّن ن ثمْغَارْث ثْعصَّا. ثَارَّا-د ڒخْبَار عِيْسَى يقِّيم اَذ يشّ ذِي ثدَّارْث ن وفَرِّسِي نِّي، ثُوْسَا-د نتَّاث غَارس يجّن ن ثْزيَّات ذَايس اَمَان ن لْوَرْذ.

لوقا 7:38

ثقِّيم غَار ذفَّار ن عِيْسَى غَار يضَارن نّس ثبْذَا ثتْرُو وْضَان-اَس يمطَّاون نّس خ يضَارن ن عِيْسَى. ثْرُوْح ثمْسح-يثن س وشوَّاف نّس، ثْسدْجم-يثن ثذْهن-يثن س وَامَان ن لْوَرْذ.

لوقا 7:40

ئِنْدق-د عِيْسَى ينَّا-ٱس: "آ سِمْعَان، غَارِي يج ن ڒْحَاجث اَذَاش ت ينِيغ." ينَّا-ٱس سِمْعَان: "سِّيوڒ آ لْمُعَلِّم."

يوحنا 4:19

ثنَّا-ٱس ثمْغَارْث نِّي: "آ سِيذِي، تْوَاڒِيغ شك ذ نَّبي.

يوحنا 7:12

أَطَّاس إِݣ يتْوشْوِيشن زِي ڒْغَاشِي خَاس قَّارن نتَّا ذ اَرْيَاز ن ڒْخِير. وَلَكِن ينّغْنِي زَّايْسن قَّارن لَّا، ئِسْخَرِّيق خَانغ وَاهَا.

يوحنا 9:24

ڒَاغَان-د وِيس مَرّْثَاين إِ ورْيَاز نِّي تُوْغَا يدْجَان ذ اَضَرْغَاڒ نَّان-اَس: "إِيوَا حْمذ أَربِّـي شك! قَا نشِّين نسّن اَرْيَاز نِّي نتَّا ذ لْعَاصِي."