لوقا 7:12 - ثريفيث 2020

¹² وَامِي يقَارّب غَار ثوَّارْث ن وبِيلَاج، يُوْفَا ذِنِّي يْسِين-د يجّن ن ومتِّين اَث نضْڒن. نتَّا إِي غَارس غار يمَّاس وَاحْذس، نتَّاث ذ ثَاجَّاڒْث. أَكِذس ذِنِّي اَطَّاس ن ڒْغَاشِي زݣ وبِيلَاج نِّي.

لوقا 7:12 Խաչաձեւ Հղումներ

لوقا 7:11

ثِيوشَّا نّس يرُوْح عِيْسَى غَار يِجّن ن وبِيلَاج قَّارن-اَس نَعِين، أَكِذس يمحْضَارن نّس ذ ڒْغَاشِي اَطَّاس.

لوقا 7:13

وَامِي ت يࢲْرَا سِيذِيثْنغ ثقّس-اَس ينَّا-ٱس: "وَار تْرُو شَا!"

لوقا 8:42

مِينْزِي غَارس غِير يجّن ن ثْحنْجِيرْث وَاهَا عْڒَاين اَذ تݣّ ثنْعَاش يسݣّْوُسَا، تْمتَّا. ئِكَّر عِيْسَى يرُوْح، تمْزَاحَامن خَاس ڒْغَاشِي.

لوقا 8:52

مَارَّا تْرُوْن خَاس تْعزَّان. ينَّا-ٱسن عِيْسَى: "وَار خَاس تْرُوْم شَا. أَقَا ثْحنْجِيرْث-أَ وَار ثمُّوْث شَا، ثطّص وَاهَا!"

يوحنا 11:19

أَطَّاس ن يسْرَائِيلِيْين ؤُسِين-د غَار مَرْثَا ذ مَرْيَم حمَا اَثنْت عزَّان خ ومَاثْسنْت.

ڒخذايم 9:39

ئِكَّر بُطْرُس يرُوْح اَكِذْسن. وَامِي يُوْوض سْݣَعّْذن-ث غَار ثْغُوْرْفَات نِّي. نّْضنْت-اَس-د إِ نتَّا مَارَّا ثَاجَّاڒِين، تْرُوْنت سظْهَارنْت-اَس يتْشَامِّيرن ذ يزدْجُوْبَا تُوْغَا ثْخيّض طَابِيتَا وَامِي تُوْغَا ثدْجَا اَكِذْسنْت.

ڒخذايم 9:41

ئِسِيغ-اَس فُوْس نّس، ئِسكَّر-يت-يد. ئِڒَاغَا-د إِ ڒْمُوْمِنِين صَّالِحِين ذ ثَاجَّاڒِين ينَّا-ٱسن اقَا ثدَّر.

ثبرات غار يعقوب 1:27

دِّين يصْفَان إِي ينْقَان غَار أَربِّـي بَابَاثْنغ مِين يعْنَا؟ يعْنِي بْنَاذم يتْرَاح غَار يُوْجِيڒن ذ ثَاجَّاڒِين اَثن يعَاون ذݣ وزيَّار نْسن، أَذ يحْضَا يخف نّس حمَا وَار ث تْوسِّيخ شَا دُّنشْت-أَ.