لوقا 6:22 - ثريفيث 2020

²² سَّعْذ نْوم مڒَا تْعِيفَّان-كنِّيو يِوْذَان، وَار كنِّيو قبْڒن سَّاوَاڒن ذَايْوم س ڒْعِيب، تْزَوَرن-كنِّيو عْلَاحْسَاب مِّيس ن بْنَاذم.

لوقا 6:22 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:22

أَكنِّيو عِيفّن مَارَّا عْلَاحْسَاب يسم ينُو، وَلَكِن ونِّي غَا يصْبَارن غَار ونݣَّارُو اَتَاف اَذ ينْجم.

1 بطرس 3:14

وَلَكِن وَاخَّا ثتْوَاعدّْبم مڒَا ثݣِّيم ڒْحَقّ، أَذ يِيڒِي ذ سَّعْذ نْوم. وَار تݣّْوْذم شَا زݣ يِوْذَان، وَار ثن تجَّام شَا اَكنِّيو سْذهْشن.

يوحنا 16:2

أَكنِّيو طرْدن زِي ثمْزِيذَاوِين. عَاذ اَذ د تَاس ڒْوقْث اَذَاس يتْغِير إِ ونِّي إِي كنِّيو غَا ينْغن بلِّي يتݣّ لْأَجَار إِ أَربِّـي.

يوحنا 7:7

دُّنشْت وَار ثْزمَّر شَا اَكنِّيو ثْعِيفّ، نش تْعِيفَّا-ٱيِي دُّنشْت مِينْزِي شهّْذغ قَا ڒخْذَايم ن دُّنشْت-أَ ذ ثِعفَّانِين.

يوحنا 12:42

إِنَّمَا، يوْذَان اَطَّاس وَاخَّا زِي اَرُّوْيَاس نِّي ؤُمْنن زَّايس. وَلَكِن خ سَّبَاب ن يفَرِّيسِيْين ؤُݣِين يِوْذَان-أَ اَت ينِين حمَا وَار ثن طرْدن شَا زِي ثمْزِيذَا.

ڒخذايم 24:5

أَرْيَاز-أَ وَانِيتَا نُوْفِي-ث يتْخَارْوَاض وَاهَا يتݣّ لْفِيتْنَا جَار مَارَّا يسْرَائِيلِيْين إِي دْجَان ذِي مَارَّا دُّنشْت. نتَّا ذ يجّن ن اَرَّايس ن لْبِدْعَا ن نَّصَارَا.

ڒخذايم 9:16

نش اَذَاس د سظْهَارغ مشْحَاڒ إِي غَا يتْوَاعدّب أُو لَابُد خ سَّبَاب ن يِيسم ينُو نش."

يوحنا 17:14

سِّيوْضغ-اَسَن اَوَاڒ نّش إِ يمحْضَارن ينُو، نِثْنِي عِيفّن-ثن يِوْذَان مِينْزِي وَار دْجِين شَا زِي دُّنشْت-أَ اَمشْنَاو نش وَار دْجِيغ شَا زِي دُّنشْت.

لوقا 21:17

أَكنِّيو عِيفّن مَارَّا يوْذَان عْلَاحْسَاب يسم ينُو.

أَسڒْمذ ن سِيذِيثْنغ عِيْسَى لْكِتَاب ن مَتَّى 10:39

ونِّي غَا يربْحن ثُوْذَارْث نّس، أَتَاف أَت يخْسَر. ونِّي غَا يخْسَرن ثُوْذَارْث نّس خ سَّبَاب ينُو، أَتَاف أَت يرْبح.

ڒخذايم 22:22

سْڒِين مْلِيح إِ بُوْلُس حتَّا اَڒ وَامِي ينَّا اَوَاڒ-أَ اَنݣَّارُو. ڒخْدّنِّي سْنكَّرن خَاس ثْغُوْيّث نَّان: مْحَاث اَرْيَاز-أَ زِي دُّنشْت-أَ، وَار يسْذِيهدْج شَا اَذ يقِّيم عَاذ يدَّر!

يوحنا 9:34

نَّان-ٱس: "شك ذ لْعَاصِي زݣ وَامِي د ثْخڒْقذ، مَا ثْرزُّوْذ اَذَانغ ثسْڒمْذذ نشِّين؟" ڒخْدّنِّي طرْدن-ث زِي ثمْزِيذَا.

لوقا 20:15

نْضَرن-ث-يذ غَار بَارَّا إِ ومَرْجع وضِيڒ نْغِين-ث. إِوَا، مِين ذَاسن غَا يݣّ بَاب ن ومَرْجع نِّي وضِيڒ إِ يخمَّاسن نِّي؟

أَسڒْمذ ن سِيذِيثْنغ عِيْسَى لْكِتَاب ن مَتَّى 10:18

أَكنِّيو جَرّن غَار لْحُكَّام ذ يزدْجِيذن عْلَاحْسَاب يسم ينُو حمَا اَخَافِي ثْشهْذم غَار نِثْنِي ذ يِنِّي زِي ڒݣْنُوْس.

لوقا 6:21

سَّعْذ نْوم آ يِنِّي يدْجُوْزن، أَقَا اَذ تجَّاوْنم. سَّعْذ نْوم آ يِنِّي يتْرُوْن، أَقَا اَذ تْضحْشم.

ثبرات غار يعقوب 1:12

سَّعْذ ن ونِّي يصْبَارن خ ڒمْحَاين اَتَاف خْمِي غَا ينْجح اَذ ييْسِي تَّاج ن ثُوْذَارْث ونِّي إِي زِي يعَاهذ أَربِّـي يِنِّي إِي ث يتْحِبَّان.