لوقا 6:17 - ثريفيث 2020

¹⁷ ئِهْوَا-د عِيْسَى يبدّ ذݣ يِجّن ن ومْشَان ذ ڒوْضَا. ذِنِّي اَطَّاس ن يمحْضَارن نّس ذ وَاطَّاس ن يِوْذَان زِي ثْمُوْرْث ن يَهُوْذِيَا ثكْمَاڒ، زِي لْقُدْس، عَاوذ زِي صُوْر ذ صَيْدَا إِݣ يدْجَان خ وغزْذِيس ن ڒبْحَر.

لوقا 6:17 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:21

ينَّا عِيْسَى: "يَا ڒفْضِيحث نّش يَا أَبِيلَاج ن كُوْرَزِيم! يَا ڒفْضِيحث نّش يَا أَبِيلَاج ن بَيْت صَيْدَا! مَعْلِيك لْمُعْجِزَاث-أَ إِي ذَايْوم يوقْعن، وقْعنْت ذِي ثْندَّام ثِعفَّانِين ن صُوْر ذ صَيْدَا، أَتَاف اَيثْبَاب نْسنْت تُوْبن مشْحَاڒ زݣ وَامِي، ئِڒِي ݣِّين اَرُّوْض ن لْحُزن قِّيمن خ يِيغّذ حمَا اَذ د تْبَان تُوْبَا نْسن.

لوقا 6:12

ذݣ وُوْسَّان نِّي، ئِݣَعّذ عِيْسَى غَار وذْرَار اَذ يࢲَّادْج يقِّيم ذِنِّي دْجِيڒث ثكْمَاڒ يتْࢲَادْجَا إِ أَربِّـي.

لوقا 5:15

وَلَكِن سّنِّي يبْذَا يتنْتَاشَر خَاس ڒخْبَار كْتَار عَاذ. ؤُسِين-د غَارس اَطَّاس ن ڒْغَاشِي حمَا اَذَاس سْڒن حمَا اَذ ݣنْفَان زِي ڒهْڒَاشَاث نْسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 15:21

ئِكَّر عِيْسَى يُوْيُوْر سّنِّي يرُوْح غَار جْوَايه ن ثنْدِينْت ن صُوْر ذ ثنْدِينْت ن صَيْدَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 14:14

وَامِي د يضْرَا عِيْسَى زِي ثْغَرَّابُوْت يُوْفَا قَاع اَنشْت نِّي ن يِوْذَان، قّْسن-اَس يسْݣنْفَا يمهْڒَاش نْسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 12:15

ئِسّن عِيْسَى مَانَاينِّي يُوْيُوْر سّنِّي. ذْفَارن-ث اَبرُّو ن يِوْذَان، ئِسْݣنْفَا مَارَّا يمهْڒَاش نْسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:1

وَامِي يࢲْرَا قَاع ڒْغَاشِي نِّي، يُوْڒِي غَار وذْرَار يقِّيم ؤُسِين-د غَارس يمحْضَارن نّس.

لوقا 6:16

ذ يَهُوْذَا مِّيس ن يَعْقُوْب، ذ يَهُوْذَا إِسْخَرِيُوْطِي يعْنِي ونِّي يزّنْزن عِيْسَى.

لوقا 6:18

ؤُسِين-د غَارس حمَا اَذ سْڒَان إِ وَاوَاڒ نّس، عَاوذ حمَا اَثن يسْݣنْفَا زِي ڒهْڒَاشَاث نْسن. يِنِّي يتْعدَّابن س جْنُوْن ذ يعفَّانن ؤُڒَا ذ نِثْنِي تْݣنْفَان.