لوقا 6:12 - ثريفيث 2020

¹² ذݣ وُوْسَّان نِّي، ئِݣَعّذ عِيْسَى غَار وذْرَار اَذ يࢲَّادْج يقِّيم ذِنِّي دْجِيڒث ثكْمَاڒ يتْࢲَادْجَا إِ أَربِّـي.

لوقا 6:12 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:1

وَامِي يࢲْرَا قَاع ڒْغَاشِي نِّي، يُوْڒِي غَار وذْرَار يقِّيم ؤُسِين-د غَارس يمحْضَارن نّس.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:6

وَلَكِن شك خْمِي غَا ثࢲَّادْجذ، أَذف غَار وخَّام نّش قّن خَاك ثَوَّارْث، ࢲَّادْج إِ بَابَاش يدْجَان مَانِي وَار ث يتْوِيڒِي حَدّ. بَابَاش إِݣ يࢲرّن مِين يتْوَاݣّن س ثْنُوْفْرَا اَتَاف اَش يجَازَا.

مرقس 1:35

ثِيوشَّا نّس زِيش وَامِي عَاذ وَار يصْبِيح شَا ڒْحَاڒ، ئِكَّر يفّغ يرُوْح غَار يِجّن ن ومْشَان يخْڒَا، ئِتْࢲَادْجَا ذِنِّي.

مرقس 3:13

ئِݣَعّذ عِيْسَى غَار وذْرَار يڒَاغَا-د خ يِنِّي يخس أُوْشَا ؤُسِين-د غَارس.

مرقس 6:46

وَامِي خَاسن يمْسَافَاض، نتَّا يرُوْح غَار وذْرَار اَذ يࢲَّادْج.

لوقا 5:16

نتَّا تُوْغَا يتْرَاح غَار يمُوْشَان إِݣ يخْڒَان حمَا اَذ يࢲَّادْج ذِنِّي.

لوقا 6:11

نِثْنِي مِين ݣِّين؟ غضْبن اَطَّاس مْشَاوَارن جَارَاسن مِين غَا ݣّن إِ عِيْسَى.

لوقا 6:17

ئِهْوَا-د عِيْسَى يبدّ ذݣ يِجّن ن ومْشَان ذ ڒوْضَا. ذِنِّي اَطَّاس ن يمحْضَارن نّس ذ وَاطَّاس ن يِوْذَان زِي ثْمُوْرْث ن يَهُوْذِيَا ثكْمَاڒ، زِي لْقُدْس، عَاوذ زِي صُوْر ذ صَيْدَا إِݣ يدْجَان خ وغزْذِيس ن ڒبْحَر.

لوقا 9:18

ئِجّن ن نْهَار عِيْسَى يتْࢲَادْجَا وَاحْذس طَّارْف نّس يمحْضَارن نّس. ئِكَّر يسّقْسَا-ثن ينَّا-ٱسن: "مِين خَافِي قَّارن يِوْذَان؟"

لوقا 9:28

منْبَعْد إِ وَاوَاڒ نِّي شَان ثْمنْيَام يݣَعّذ عِيْسَى غَار وذْرَار حمَا اَذ يࢲَّادْج، يُوْوِي اَكِذس بُطْرُس ذ يُوْحَنَّا ذ يَعْقُوْب.

لوقا 9:29

وَامِي يࢲُّوْدْج، ئِبدّڒ وغمْبُوْب نّس يذْوڒ ذَايس نُّوْر، يذْوڒ وَارُّوْض نّس ذ اَشمْڒَاڒ يتْشعْشِيع.

يوحنا 6:3

ئِݣَعّذ عِيْسَى غَار وذْرَار يقِّيم اَك يمحْضَارن نّس.

أيث-كولوس 4:2

تݣّم لْمجْهُوْد س ثْࢲَادْجِيث نْوم، إِڒِيم عْلَابَال ذِي ثْࢲَادْجِيث نْوم شكَّرم أَربِّـي.

يعيبرانيين 5:7

ذݣ وُوْسَّان نِّي إِي ذِي تُوْغَا يدَّر عِيْسَى ذِي ثْمُوْرْث-أَ، ئِتْࢲَادْجَا يتْڒَاغَا خ أَربِّـي س جّْهذ أُو س يمطَّاون يتتَّار-اَس إِ ونِّي يزمَّرن اَث يسنْجم زِي ڒْموْث. أَربِّـي يتْصنَّاط-اَس وَامِي عِيْسَى يتݣّْوذ زَّايس.