لوقا 5:33 - ثريفيث 2020

³³ نَّان-اَس: "مَايمِّي يمحْضَارن ن يَحْيَى ذ يمحْضَارن ن ڒْحِزب ن يفَرِّسِيْين تْࢲُوْمَّان تْࢲَادْجَان اَطَّاس، ئِمحْضَارن نّش تتّن سسّن وَاهَا؟"

لوقا 5:33 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 23:13

يَا ڒفْضِيحث نْوم آي يمْسڒْمَاذن ن شَّرِيعَا ذ ڒْحِزب ن يفَرِّيسِيْين، آ لْمُنَافِقِين! تقّْنم ثَوَّارْث ن ڒْمُلْك وجنَّا خ يِوْذَان. كنِّيو وَار تِيذْفم، وَار تجِّيم وِي غَا يَاذْفن.

مرقس 12:40

تتّن ثَاجَّاڒِين، سْمظْهَارن-د يخف نْسن تْࢲَادْجَان اَطَّاس حمَا اَذ بيّْنن إِ يِوْذَان بلِّي نِثْنِي صبْحن اَطَّاس زَعْمَا. يِيْنَا، لْحِسَاب نْسن اَذ يِيڒِي يقْسح اَطَّاس!"

لوقا 11:1

ئِجّن ن وَاسّ عِيْسَى يتْࢲَادْجَا ذݣ يِجّن ن ومْشَان. وَامِي يكمّڒ ثْࢲَادْجِيث نِّي ينَّا-ٱس يجّن زݣ يمحْضَارن نّس: "آ سِيذِي، سڒْمذ-اَنغ أَ نࢲَّادْج مَامّش يسڒْمَاذ يَحْيَى يمحْضَارن نّس."

لوقا 18:12

تْࢲُوْمِّيغ يُوْمَاين ذِي سِّيمَانَا، تْعشَّارغ خ مَارَّا مِين ربْحغ ذ اَݣْڒَا.

لوقا 2:37

ڒخْدّنِّي يمُّوْث نتَّا، ثقِّيم نتَّاث ذ ثَاجَّاڒْث حتَّا وَامِي ثمُّوْث خ اَرْبعَا أُو ثْمَانِين يسݣّْوُسَا. تْغِيمَا ڒبْدَا ذِي ثمْزِيذَا ثَمقّْرَانْت، ثْعبّذ أَربِّـي تْࢲُوْمَّا تْࢲَادْجَا دْجِيڒث ذ وَاسّ.

لوقا 20:47

تتّن ثَاجَّاڒِين، سْمظْهَارن-د يخف نْسن تْࢲَادْجَان اَطَّاس حمَا اَذ بيّْنن إِ يِوْذَان بلِّي نِثْنِي صبْحن اَطَّاس زَعْمَا. يِيْنَا، لْحِسَاب نْسن اَذ يِيڒِي يقْصح اَطَّاس!"

لوقا 5:32

ينَّا-ٱسن: "نش وَار د ؤُسِيغ شَا اَذ ڒَاغِيغ إِ يِنِّي يدْجَان نِيشَان حمَا اَذ تُوْبن، ؤُسِيغ-د غَار يِنِّي يعصَّان."

لوقا 5:34

ينَّا-ٱسن عِيْسَى: "كنِّيو مَا تجّم ئِمدُّوْكَاڒ ن مُوْڒَاي اَذ ࢲُوْمّن ذِي ڒْفَارْح نّس؟"

يوحنا 1:35

ثِيوشَّا نّس عَاوذ يبدّ ذِنِّي يَحْيَى اَك ثْنَاين ن يمحْضَارن نّس.

يوحنا 3:25

يوْقع لْخِلَاف جَار يمحْضَارن ن يَحْيَى ذ يِجّن ن ؤُئِسْرَائِيلِي خ مَامّش غَا يِيڒي ڒُوْضُو.

ڒخذايم 9:11

ينَّا-ٱس سِيذِيثْنغ: "كَّر رُوْح غَار زّنْقث نِّي ؤُمِي قَّارن <أَبْرِيذ يسݣّْذن>، رْزُو ذِنِّي ذِي ثدَّارْث ن يَهُوْذَا خ يِجّن ن ورْيَاز زِي ثنْدِينْت ن طَرْسُوْس، ئِسم نّس شَاوُل. نتَّا يتْࢲَادْجَا ذِنِّي.