لوقا 4:34 - ثريفيث 2020

³⁴ ينَّا-ٱس إِ عِيْسَى: "مِين ذَايْنغ ثْرزُّوْذ آ عِيْسَى نَاصِرِي؟ مَا ثُوْسِيذ-د اَخَانغ ثقْضِيذ؟ نش قَا سّْنغ مِين ثعْنِيذ؛ شك ذ لْعَظِيم ن أَربِّـي!"

لوقا 4:34 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 8:29

عيّضن نَّان-اَس: "مِين ثخْسذ زَّايْنغ آ مِّيس ن أَربِّـي؟ مَا ثُوْسِيذ-د اَذَانغ ثْعدّْبذ قْبڒ إِ ڒْوقْث؟"

مرقس 1:24

ينَّا-ٱس: "مِين ثْرزُّوْذ زَّايْنغ آ عِيْسَى نَاصِرِي؟ مَا ثُوْسِيذ-د اَخَانغ ثقْضِيذ؟ نش قَا سّْنغ مِين ثعْنِيذ؛ شك ذ لْعَظِيم ن أَربِّـي!"

مرقس 1:34

ئِسْݣنْفَا اَطَّاس ن يمهْڒَاش ذَايْسن لْأَنْوَاع ن ڒهْڒَاشَاث. ئِسُوْفغ اَطَّاس ن جْنُوْن، وَار ثن يجِّي شَا اَذ سِّيوْڒن مِينْزِي جْنُوْن-أَ سّْنن مِين يعْنَا.

مرقس 5:7

ئِنْدق-د س يِجّن ن ثْمِيجَّا ثجْهذ ينَّا-ٱس: "آ عِيْسَى آ مِّيس ن أَربِّـي يُوْعْڒَان، مِين ثخْسذ زَّايِي؟ تتَّارغ زَّايك إِ أَربِّـي حمَا وَار ذَايِي تْعدِّيبذ شَا!"

لوقا 1:35

ئِنْدق-د لْمَلَاك نِّي ينَّا-ٱس: "أَخَام د يهْوَا اَرُّوْح يقدّْسن ذ جّْهذ ن ونِّي يُوْعْڒَان اَخَام يَارّْ ثِيڒِي. س مَانَاينِّي اَحنْجِير يقدّْسن إِي غَا د ثجّذ اَتَاف تْڒَغَان-اَس آ مِّيس ن أَربِّـي.

لوقا 4:33

ؤُفِين ذِي ثمْزِيذَا نِّي يجّن ن ورْيَاز ذَايس يجّن ن جّنّ ذ اَعفَّان. ئِبْذَا يسْنكَّر ثْغُوْيّث س جّْهذ

لوقا 4:41

زݣ وَاطَّاس ن يِوْذَان عَاوذ تفّْغن جْنُوْن سْنكَّرن ثْغُوْيّث قَّارن-اَس قَا شك ذ مِّيس ن أَربِّـي." وَلَكِن نتَّا يتْزيَّار-يثن، وَار ثن يتجِّي شَا اَذ سِّيوْڒن مِينْزِي سّْنن نتَّا ذ لْمَسِيح.

لوقا 8:28

وَامِي يُوْفَا عِيْسَى ذِنِّي يبْذَا يسْنكَّر ثْغُوْيّث، ئِوْضَا غَار يضَارن ن عِيْسَى ينْدق-د س يِجّن ن ثْمِيجَّا ثُوْعْڒَا ينَّا-ٱس: "آ عِيْسَى آ مِّيس ن أَربِّـي يُوْعْڒَان، مِين ثخْسذ زَّايِي؟ تتَّارغ زَّايك حمَا وَار ذَايِي تْعدِّيبذ شَا!"

لوقا 8:37

أُوْشَا تَّارن زِي عِيْسَى مَارَّا أَيْثْبَاب ن جِّهث ن يجَرِيثِيْين حمَا اَخَاسن يبعّذ مِينْزِي ݣّْوْذن اَطَّاس. ئِنْيَا ذِي ثغَرَّابُوْت يعْقب سّنِّي.

ڒخذايم 16:39

ؤُسِين-د غَارْسن تتَّارن زَّايْسن اَذَاسن سَامْحن، سُوْفْغن-ثن زِي ڒحْبس تَّارن زَّايْسن اَذ فّْغن زِي ثنْدِينْت.

ڒخذايم 2:27

وَار ثْسمّْحذ شَا ذِي ڒَعْمَار ينُو ذِي لْأَخِرَا، وَار تجِّيذ شَا لْعَظِيم نّش اَذ يكِيشّو.

ڒخذايم 3:14

ونِّي يدْجَان عَظِيم ذ صَّالِح ثنْكَرم-ث، ونِّي يدْجَان ذ اَمحْبُوْس ذ لْمُجْرِيم ثتَّارم خَاس إِ بِيلَاطُوْس اَذَاوم د يتْوَاضْڒق.

ڒخذايم 4:27

لِأَنَّ ذ صَّح اَزدْجِيذ هِيرُدُوْس ذ لْحَاكم بُنْطْيُوْس بِيلَاطُس مُوْنن اَك أَيث-إِسْرَائِيل ذ يِنِّي وَار يدْجِين شَا زِي أَيث-إِسْرَائِيل ذِي ثنْدِينْت-أَ. تَافْقن ضد إِ وخدَّام نّش يقدّْسن عِيْسَى إِي ثِيخْضَرذ.

يعيبرانيين 2:14

إِذن ثَارْوَا-يَا نِثْنِي ذ يوْذَان ذَايْسن مَارَّا اَيْسُوْم ذ يذَامّن. خ مَانَايَا عِيْسَى ؤُڒَا ذ نتَّا ذَايس ثِمسْڒَايِين-أَ. أَمُّو س ڒْموْث نّس يسْبطّڒ زَّعِيم ن ڒْموْث يعْنِي ذ إِبْڒِيس.

ثبرات غار يعقوب 2:19

شك تَامْنذ بلِّي أَربِّـي نتَّا ذ يجّن؟ إِيوَا مْلِيح، وَلَكِن ؤُڒَا ذ شَّيَاطِين تَامْنن س مَانَاينِّي ترْجِيجِين.

1 يوحنا 3:8

ونِّي إِݣ يقِّيمن يسْخدَّام ڒْمُعْصِيَاث نتَّا زݣ إِبْڒِيس ڒَاحقَّاش إِبْڒِيس يقِّيم يعصَّا زݣ ومزْوَارُو. مَايمِّي د يمظْهَار مِّيس ن أَربِّـي؟ ئِمظْهَار-د بَاش اَذ يرز ڒفْعَايڒ ن إِبْڒِيس.

لواحي ن يوحنا 20:2

ئِطّف ونِّي يݣِّين اَم دَّيْنَاصُوْر نتَّا ذ فِيغر نِّي ن زْمَان يعْنِي إِبْڒِيس نِغ ذ شِّيطَان، ئِقّن-يث يحْبس-يث اَڒَاف ن يسݣّْوُوْسَا.

لواحي ن يوحنا 3:7

أَرِي-يَاس إِ لْمَلَائِكَا ن جْمَاعث ن ڒْمُوْمِنِين إِي يدْجَان ذِي ثنْدِينْت ن فِيلَادَلْفْيَا، إِنِي-يَاس قَا ونِّي يمْقدّْسن ذ ڒْحَقّ، غَارس ڒْمفْتَاح ن دَاود؛ مڒَا يرْزم اَتَاف وَار ث يتْبلِّيع حَدّ؛ مڒَا يبلّع اَتَاف وَار ث يرزّم حَدّ، ئِقَّار-اَش: