لوقا 24:44 - ثريفيث 2020

⁴⁴ ينَّا-ٱسن: "ذ وَا ذ اَوَاڒ إِي زِي كِذْوم سِّيوْڒغ وَامِي عَاذ تُوْغَا دْجِيغ اَكِذْوم، يعْنِي لَابُد اَذ يكمّڒ مَارَّا مِين خَافِي يُوْرِين ذِي شَّرِيعَا ن مُوْسَى ذ لْكُتُب ن لْأَنْبِيَا ذ زَّبُوْر."

لوقا 24:44 Խաչաձեւ Հղումներ

لوقا 9:22

ينَّا-ٱسن إِ يمحْضَارن نّس: "مِّيس ن بْنَاذم لَابُد اَذ يتْوَاعدّب خ وَاطَّاس ن ثْمسْڒَايِين، اَث عِيفّن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا. أَث نْغن، وِيس ثڒْتِيَّام اَذ د يتْوَاسكَّر زِي ڒْموْث."

لواحي ن يوحنا 19:10

وْضِيغ-اَس غَار يضَارن نّس حمَا اَذَاس سجّْذغ. ئِنْدق-د ينَّا-ٱيِي: "لَّا! قَا نش ذ ڒْعَبْذ اَم نش اَم شك اَم اَيْثْمَاش إِي طّْفن خ مِينْخف يشْهذ عِيْسَى. سجّذ-اَس إِ أَربِّـي! ڒَاحقَّاش مِينْخف يشْهذ عِيْسَى نتَّا ذ اَرُّوْح ن لْأَنْبِيَا."

يعيبرانيين 10:1

شُوْف، شَّرِيعَا ن مُوْسَى نتَّاث غِير ذ يجّن ن ثِيڒِي ن ثْمسْڒَايِين ثِصبْحَانِين إِي د غَا يَاسن، وَار ثدْجِي شَا نتَّاث ذ ثِمسْڒَايِين نِّي ذ صَّح. خ مَانَايَا، دْبِيحَاث نِّي ن شَّرِيعَا إِي تݣّن زِي لْعَام غَار لْعَام وَار زمَّرنْت عمَّارْص اَذ سِّيصْفَانْت يِنِّي يتْقَارَّابن غَار أَربِّـي اَذ يڒِين بْڒَا ڒْعِيب.

يوحنا 5:46

مَعْلِيك كنِّيو ثُوْمْنم ذِي مُوْسَى، إِڒِي ثُوْمْنم ذَايِي ؤُڒَا ذ نش مِينْزِي نتَّا يُوْرَا خَافِي.

يعيبرانيين 9:8

مِين ذَانغ د يسْبِيّن أَرُّوْح يقدّْسن ذِي مَانَايَا؟ ئِسْبِيّن-اَنغ-د مڒَا عَاذ يقِّيم وقِيْضُوْن نِّي اَمقّْرَان، أَتَاف وَار ينُّوْرْزم شَا وبْرِيذ غَار مِين يدْجَان ذ اَمْقدّس اَطَّاس.

يوحنا 5:39

ثْرزُّوم ذِي لْكُتُب كنِّيو تْغِير-اَوم ذَايْسن ثُوْذَارْث ن ڒبْدَا. إِيوَا ؤُڒَا ذ يِيْنَا شهّْذن خَافِي.

يوحنا 3:14

أَمشنَاو مَامّش يسْبدّ مُوْسَى فِيغر ن نحَّاس خ ثحْنَاشْت ذِي ڒخْڒَا، أَمُّو يتْخصَّا اَذ يتْوَاسْبدّ مِّيس ن بْنَاذم ذݣ وجنَّا.

لوقا 24:46

ينَّا-ٱسن: "أَمُّو إِي يُوْرَا ذِي لْكِتَاب قَا يتْخصَّا إِ لْمَسِيح اَذ يتْوَاعدّب اَذ د يكَّر زِي ڒْموْث وِيس ثڒْتِيَّام.

يعيبرانيين 7:1

شُوْف، مَلِكِيصَادِق نِّي تُوْغَاث نتَّا ذ اَزدْجِيذ ن ثنْدِينْت ن سَالِيم ذ ڒفْقِي ن سِيذِي أَربِّـي يُوْعْڒَان. ئِرُوْح يمڒْقَا اَك بْرَاهِيم يبَرك-يث. مَانَايَا يوْقع وَامِي د يتْروَّاح بْرَاهِيم زِي ڒْحَرْب نِّي إِي ذِي يغْڒب يزدْجِيذن.

يعيبرانيين 3:5

تُوْغَا نَّبِي مُوْسَى يخدّم نِيشَان ذ اَمْسخَّار، ئِتْعَاوَان اَيثْبَاب ن ثدَّارْث ثكْمَاڒ ن أَربِّـي، ئِشهّذ خ ثْمسْڒَايِين تُوْغَا عَاذ إِي غَا يتْوَابشَّرن ذِي لْمُسْتَقْبل.

ڒخذايم 7:37

ذ مُوْسَى-يَا إِي ذَاسن ينَّان إِ أَيث-إِسرائيل: أَذَاوم د يُوْش أَربِّـي يجّن ن نَّبِي زݣ اَيثْمَاثْوم اَم نش.

لوقا 22:37

أَذَاوم ينِيغ: أُو لَابُد اَذَايِي يوْقع مِين يُوْرِين ذِي لْكِتَاب عْلَاحْسَاب مَامش يقَّار: <حسْبن-ث اَك لْمُجْرِمِين.> إِيوَا مِين خَافِي يُوْرِين صَافِي اَذ يوْقع."

لوقا 21:22

أَقَا ڒِيَّام نِّي ذ ڒِيَّام ن وعْمُوْذ، أَذَايْسن يكمّڒ مَارَّا مِين يُوْرِين ذِي لْكُتُب ن لْأَنْبِيَا.

لوقا 9:44

"صنّْطث مْلِيح إِ وَاوَاڒ-أَ إِي ذَاوم غَا ينِيغ: مِّيس ن بْنَاذم عْڒَاين اَذ يتْوَاسلّم غَار يفَاسّن ن يِوْذَان."

أَسڒْمذ ن سِيذِيثْنغ عِيْسَى لْكِتَاب ن مَتَّى 26:56

وَلَكِن مَارَّا مَانَايَا يوْقع حمَا اَذ يكمّڒ مِين يُوْرِين ذِي لْكُتُب ن لْأَنْبِيَا." أُوْشَا سمْحن ذَايس مَارَّا يمحْضَارن نّس اَروْڒن.

أَسڒْمذ ن سِيذِيثْنغ عِيْسَى لْكِتَاب ن مَتَّى 26:54

وَلَكِن مَامّش إِي غَا يكمّڒ وَاوَاڒ إِي ينَّا سِيذِي أَربِّـي بلِّي مَانَايَا يتْخصَّا اَذ يوْقع اَمُّو؟"

أَسڒْمذ ن سِيذِيثْنغ عِيْسَى لْكِتَاب ن مَتَّى 16:21

سّنِّي يبْذَا عِيْسَى يسْفهَّام إِ يمحْضَارن نّس بلِّي لَابُد اَذ يرَاح نتَّا غَار ثنْدِينْت ن لْقُدْس اَذ يتْوَاعدّب خ وَاطَّاس ن ثْمسْڒَايِين خ وفُوْس ن يمقّْرَانن ن أَيث-إِسْرَائِيل ذ اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا. أَث نْغن، وِيس ثڒْتِيَّام اَذ د يتْوَاسكَّر زِي ڒْمُوْث."

1 بطرس 1:11

تُوْغَا رزُّوْن خَاس بَاش اَذ سّْنن مڒْمِي د غَا يمظْهَار وسنْجم-أَ ذ ظُّرُوْف نّس. رزُّوْن اَذ سّْنن مِينْخف يسَّاوَاڒ أَرُّوْح ن لْمَسِيح إِي يدْجَان ذَايْسن وَامِي أَرُّوْح-أَ يعْڒم-اَسن زِي قْبڒ مشْحَاڒ إِي غَا يتْوَاعدّب لْمَسِيح، سّنِّي مشْحَاڒ إِي غَا يتْوَاسمْغَار منْبَعْد.

ڒخذايم 3:18

أَمُّو يكمّڒ وَاوَاڒ نّس إِي ينَّا أَربِّـي إِ مَارَّا لْأَنْبِيَا زِي قْبڒ، يعْنِي يتْخصَّا لْمَسِيح نّس اَذ يتْوَاعدّب.

مرقس 9:31

مِينْزِي يرزُّو اَذ يسڒْمَاذ إِ يمحْضَارن نّس. ينَّا-ٱسن: "مِّيس ن بْنَاذم اَذ يتْوَاسلّم غَار يفَاسّن ن يِوْذَان. أَث نْغن، نْهَار وِيس ثڒْتِيَّام منْبَعْد إِ ڒْموْث نّس اَذ د يكَّر."

أَسڒْمذ ن سِيذِيثْنغ عِيْسَى لْكِتَاب ن مَتَّى 1:22

قَا ذ مَانَايَا مَارَّا إِݣ يوقْعن حمَا اَذ يكمّڒ وَاوَاڒ إِي ينَّا سِيذِي أَربِّـي إِ نَّبي إِشَعْيَا ذݣ يِجّن ن زْمَان:

ڒخذايم 2:27

وَار ثْسمّْحذ شَا ذِي ڒَعْمَار ينُو ذِي لْأَخِرَا، وَار تجِّيذ شَا لْعَظِيم نّش اَذ يكِيشّو.

ڒخذايم 13:40

إِيوَا حْضَاث يخف نْوم بَاش وَار ذَاوم يتوْقِيع شَا مِين ؤُرِين لْأَنْبِيَا: