لوقا 24:36 - ثريفيث 2020

³⁶ وَامِي سَّاوَاڒن خ مَانَايَا يُوْسَا-د عِيْسَى يبدّ ذِي ڒْوسْط نْسن ينَّا-ٱسن: "سْڒَام خَاوم."

لوقا 24:36 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 10:13

مڒَا قبْڒن-كنِّيو اَيثْبَاب نّس، أَتَاف اَكِذْسن ثِيڒِي لْبَرَكَا نْوم. مڒَا وَار كنِّيو قْبِيڒن شَا، أَتَاف وَار كِسن تْغِيمِي شَا لْبَرَكَا نْوم.

مرقس 16:14

منْبَعْد وَامِي قِّيْمن تتّن حِطَاش ن اَرُّسُل نّس، ئِمظْهَار-اَسن-د ينْهَا-ثن مِينْزي لإِيمَان نْسن ذ وقْلِيل ؤُڒَاون نْسن قسْحن. تُوْغَا نِثْنِي عَاوذ وَار ؤُمِيْنن شَا يِنِّي إِي ث يࢲْرِين وَامِي د يكَّر زِي ڒْموْث.

لوقا 10:5

خْمِي غَا ثَاذْفم غَار شَا ن ثدَّارْث، إِنِيم ذ اَمزْوَارُو: سْڒَام خ ثدَّارْث-أَ.

يوحنا 14:27

تِيجّغ-اَوم ڒهْنَا، تِيشّغ-اَوم ڒهْنَا ينُو. وَار ذَاوم ث تِيشّغ شَا اَم ث تِيشّ دُّنشْت. ئِتْخصَّا ؤُڒَاون نْوم وَا تْخيِّيقن وَار تݣّْوْذن شَا.

يوحنا 16:33

قَّارغ-اَوم مَانَايَا حمَا اَذ تيْسِيم زَّايِي ڒهْنَا. ذِي دُّنشْت-أَ ثَانِيتَا اَخَاوم ثكّ ذَايس تَمَارَا، وَلَكِن شجّْعث يخف نْوم اَقَا نش ربْحغ دُّنشْت-أَ."

يوحنا 20:26

منْبَعْد إِ ثْمنيَّام، مُوْنن يمحْضَارن عَاوذ غَار ذَاخڒ، ثِوُّوْرَا قّْننْت اَكِذْسن تُوْمَا. يُوْسَا-د عِيْسَى يبدّ ذِي ڒْوسْط نْسن ينَّا-ٱسن: "سْڒَام خَاوم!"

ڒخذايم 1:3

وَامِي يعْذُو ڒَعْذَاب ن ڒْموْث نّس، يتْمظْهَار-اَسن-د خ يِجّن ن اَرْبعِين يُوْم يسفْهَام-يثن مبْڒَا شّكّ نتَّا اَقَا يدَّر. ئِتَاس-د غَارْسن يسَّاوَاڒ اَكِذْسن خ ڒْمُلْك ن أَربِّـي.

1 أيث-كورينث 15:5

ثُمَّا يمظْهَار-اَس-د إِ بُطْرُس، سّنِّي يمظْهَار-اَسن-د إِ ثنْعَاش نِّي ن اَرُّسُل.

1 أيث-كورينث 15:7

ثُمَّا يمظْهَار-اَس-د إِ يَعْقُوْب، منْبَعْد إِ مَارَّا اَرُّسُل.

2 أيث-سلونيك 3:16

سِيذِيثْنغ ن ڒهْنَا اَذَاوم يُوْش يجّن ن ڒهْنَا ذِي اَيَا ڒْوقْث أُو س مَارَّا ثِمسْڒَايِين. أَذ يِيڒِي سِيذِي أَربِّـي اَكِذْوم مَارَّا.

لواحي ن يوحنا 1:4

زِي يُوْحَنَّا غَار سبْعَا ن ثْجُمَاع ن ڒْمُوْمِنِين ذِي لْإِقْلِيم ن آسْيَا. أَكِذْوم يِيڒِي اَرْضَا ذ ڒهْنَا زݣ ونِّي إِݣ يدْجَان، تُوْغَا يدْجَا، عَاذ اَذ د يَاس. أَكِذْوم يِيڒِي اَرْضَا زِي سبْعَا ن اَرُّوْحَاث إِݣ يدْجَان زَّاث إِ لْعَرْش نّس.