لوقا 21:24 - ثريفيث 2020

²⁴ أَثن نْغن س ڒسْيُوْف، أَثن اَوِين ذ يمحْبَاس غَار مَارَّا ڒݣْنُوْس. سّنِّي يِنِّي وَار يدْجِين شَا زِي أَيث-إِسْرَائِيل اَذ هذْمن لْقُدْس اَڒ غَا فْنَانْت لْأَوْقَات نْسن.

لوقا 21:24 Խաչաձեւ Հղումներ

لوقا 21:25

أَذ د مظْهَارنْت لْعَلَامَاث ذ ثِمقّْرَانِين ذِي ثْفُوْشْت ذ ثْزِيرِي ذ يِيثْرَان. ذِي ثْمُوْرْث، ڒݣْنُوْس اَذ يِيڒِي ذَايْسن اَمْنُوْس مِينْزِي وَار فْهِيمن شَا إِ سّْدَع ن ڒْمُوْجَاث ن ڒبْحَر.

أيث-روما 11:25

آي اَيثْمَا، حمَا وَار ذَاوم يتِيڒِي شَا تَّكبُّر رزُّوْغ اَذ تْفهْمم ثَمسْڒَايْث-أَ ثَانِيتَا ينُوْفَّرن، يعْنِي أَيث-إِسْرَائِيل ذَايْسن يجّن ن ثْغنَّانْت وَار تْغِيمِي شَا إِ ڒبْدَا. أَذ تقِّيم اَڒ غَا يكمّڒ لْعَدَد نِّي ن ڒْمُوْمِنِين إِي غَا ينجْمن زݣ يِنِّي وَار يدْجِين شَا زِي أَيث-إِسْرَائِيل.

يعيبرانيين 11:34

سخْسِين اَحَذُوْق ن ثْمسِّي، فڒْثن زِي ڒقْضع ن سِّيف. ضُّوْعف نْسن يذْوڒ ذ جّْهذ، جهْذن ذِي ڒْحَرْب ؤُزّْڒن خ ڒْعَسْكَار ن ثْمُوْرَا نّغْنِي.

لواحي ن يوحنا 11:2

وَلَكِن ڒمْرَاح يدْجَان غَار بَرَّا إِ ثمْزِيذَا اجّ-يث وَاحْذس، وَار ث تعْبَار شَا ڒَاحقَّاش يمُّوْش-اَسن إِ ڒݣْنُوْس. أَذ عفّْسن ثَنْدِينْت يقدّْسن ذِي ثْنَاين أُو اَرْبعِين ن شْهُوْرَاث.