لوقا 20:36 - ثريفيث 2020

³⁶ وَار زمَّرن شَا اَذ مّْثن، أَذ يڒِين اَمشْنَاو لْمَلَائِكَاث. نِثْنِي ذ ثَارْوَا ن أَربِّـي، خڒْقن-د ذِي يُوْم لْقِيَامَا.

لوقا 20:36 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 22:30

خْمِي د غَا كَّرن يِنِّي يمُّوْثن يرْيَازن ذ ثمْغَارِين وَار مدْجْشن شَا وَار تْوَاسْمدْجِيشن شَا؛ لَّا، أَذ يڒِين اَمشْنَاو لْمَلَائِكَاث إِݣ يدْجَان ذݣ وجنَّا.

مرقس 12:25

خْمِي د غَا كَّرن يِنِّي يمُّوْثن يرْيَازن ذ ثمْغَارِين وَار مدْجْشن شَا وَار تْوَاسْمدْجِيشن شَا. لَّا، أَذ يڒِين اَمشْنَاو لْمَلَائِكَاث إِݣ يدْجَان ذݣ وجنَّا.

أيث-روما 8:16

يعْنِي اَرُّوْح ن أَربِّـي س يِيخف نّس إِݣ يصَّاحن ذِي اَرُّوْح نّغ بلِّي نشِّين ذ ثَارْوَا ن أَربِّـي.

1 أيث-كورينث 15:26

ڒَعْذُو اَنݣَّارُو إِي غَا يبطَّڒ نتَّاث ذ ڒْموْث.

1 أيث-كورينث 15:42

أَمُّو إِي تِيڒِي لْقِيَامَا ن يمتِّينن، مِين يتْوَازرّْعن اَذ يفْنَا. مِين د يتْوَاسْنكَّرن اَذ يذُوْم.

1 أيث-كورينث 15:49

مَامّش نتْشَابَّاه ذِي صِّفث ن ونِّي يتْوَاصنّْعن زݣ وشَاڒ، أَمنِّي عَاوذ إِي غَا نْشَابَّاه ذِي صِّفث ن ونِّي زݣ وجنَّا.

أيث-فيليـپـي 3:21

دَّات نّغ ن دُّنشْت-أَ اَت يسْبدّڒ لْمَسِيح بَاش اَذ تِذْوڒ اَم دَّات نّس لْعَظِيم. ئِتݣّ مَانَايَا س جّْهذ نِّي إِي زِي يزمَّر اَذ يَارّ قَاع ثِمسْڒَايِين سْوَادَّاي إِ لْحُكم نّس.

لواحي ن يوحنا 20:6

يِنِّي د غَا يكَّرن ذِي لْقِيَامَا ثَمزْوَارُوت سَّعْذ نْسن، أَقَاثن صْفَان. ڒْموْث وِيس ثْنَاين وَار غَارس تِيڒِي شَا سُّلْطَا خَاسن. اَذ يڒِين ذ ڒْفُقَهَا ن أَربِّـي ذ لْمَسِيح، أَكِذس حكْمن اَڒَاف ن يسݣّْوُوْسَا.

لواحي ن يوحنا 21:4

أَذ يمْسح كُڒ اَمطَّاو زِي ثِيطَّاوِين نْسن. وَار تْغِيمِي شَا عَاذ ڒْموْث نِغ ذ لْحُزن نِغ ذ يمطَّاون نِغ ذ ڒحْرِيق. أَقَا ثِمسْڒَايِين نِّي ثِمزْوُوْرَا صَافِي تْوَاكّْسنْت."

لواحي ن يوحنا 22:9

ينَّا-ٱيِي: "لَّا! قَا نش ذ ڒْعَبْذ، أَم نش اَم شك اَم أَيثْمَاش لْأَنْبِيَا ذ مَارَّا يِنِّي يتݣّن اَرَّاي إِ وَاوَاڒن ن لْكِتَاب-أَ. سجّذ-اَس إِ أَربِّـي."