لوقا 20:16 - ثريفيث 2020

¹⁶ أَذ د يَاس نتَّا س يِيخف نّس اَذ ينغ يخمَّاسن نِّي مَارَّا، أَذ يجّ اَمَرْجع نِّي وضِيڒ إِ ينّغْنِي." وَامِي سْڒِين إِ مَانَايَا نَّان: "أَربِّـي يسْتَر!"

لوقا 20:16 Խաչաձեւ Հղումներ

لوقا 19:27

أَمَّا ڒْعَذْيَان ينُو يِنِّي تُوْغَا وَار يخْسن شَا اَخَاسن يڒِيغ ذ اَزدْجِيذ، أَوِيم-ثن-د ذَانِيتَا نْغم-ثن زَّاثِي."

ڒخذايم 13:46

بُوْلُس ذ بَرْنَابَا نَّان-اَسن س يِجّن ن زْعَامث: "نشِّين تُوْغَا يتْخصَّا اَذَاوم نسِّيوڒ إِ كنِّيو ذ يمزْوُوْرَا س وَاوَاڒ ن أَربِّـي. وَامِي ثُوْݣِيم، ثْحكْمم خ يِيخف نْوم بلِّي كنِّيو وَار ثسْذِيهدْجم شَا ثُوْذَارْث ن ڒبْدَا، ڒخُّو قَا نشِّين أَ نْرَاح غَار يِنِّي وَار يدْجِين شَا زِي أَيث-إِسْرَائِيل.

أَسڒْمذ ن سِيذِيثْنغ عِيْسَى لْكِتَاب ن مَتَّى 21:41

نَّان-اَس: "ئِوْذَان نِّي يعفَّانن اَثن ينغ، أُوشَا اَذ يجّ اَمَرْجع وضِيڒ إِ يخمَّاسن نّغْنِي إِي ذَاس غَا ؤُشن ڒْحَقّ نّس وضِيڒ ذِي ڒْوقْث."

أَسڒْمذ ن سِيذِيثْنغ عِيْسَى لْكِتَاب ن مَتَّى 22:7

ئِغْضب وزدْجِيذ يسّكّ ڒْعَسْكَار نّس اَذ نْغن لْمُجْرِمِين نِّي اَذ سْحرْقن ثَنْدِينْت نْسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 21:34

وَامِي د يُوْوض ڒْوقْث ن وڒْقض ن وضِيڒ، ئِكَّر يسّكّ يخدَّامن نّس غَار يخمَّاسن نِّي بَاش اَذَاس د ؤُشن ڒْحَقّ نّس ن وضِيڒ.

مرقس 12:9

إِيوَا، مِين ذَاسن غَا يݣّ بَاب ن ومَرْجع نِّي وضِيڒ؟ أَذ د يَاس نتَّا س يِيخف نّس اَذ ينغ يخمَّاسن نِّي مَارَّا اَذ يجّ اَمَرْجع نِّي وضِيڒ إِ ينّغْنِي.

لوقا 20:15

نْضَرن-ث-يذ غَار بَارَّا إِ ومَرْجع وضِيڒ نْغِين-ث. إِوَا، مِين ذَاسن غَا يݣّ بَاب ن ومَرْجع نِّي وضِيڒ إِ يخمَّاسن نِّي؟

أيث-روما 3:4

عمَّارْص! ڒَاحقَّاش أَربِّـي يقّار لْحَقِيقَا وَاخَّا يوْذَان مَارَّا سْخرِّيقن. مَامّش يقَّار لْكِتَاب: <أَوَاڒن نّش اَذ يڒِين صحَّان، شك اَذ تْربْحذ خْمِي غَا تْوَاحكْمذ.>

أيث-روما 3:6

لَّا، عمَّارْص! مَعْلِيك اَمنِّي، مَامّش غَا يݣّ أَربِّـي اَذ يحَاسب دُّنشْت-أَ؟

أيث-روما 3:31

إِذن، مَا أَ نسْبطّڒ شَّرِيعَا س لإِيمَان-أَ؟ عمَّارْص! لَّا، نشِّين نتْحَامَا شَّرِيعَا.

أيث-روما 6:2

لَّا، عمَّارْص! نشِّين نمُّوْث-اَس إِ ڒْمُعْصِيّث، ئِخصَّا-يَانغ ڒخُّو وَار نتْسِيغِي شَا أَ نْعِيش ذَايس.

أيث-روما 6:15

إِيوَا نشِّين مَا أَ نعْصَا أَربِّـي خْمِي اَقَانغ سْوَادَّاي ن اَرْضَا نّس وَار ندْجِي شَا سْوَادَّاي ن وفُوْس ن شَّرِيعَا؟ لَّا، عمَّارْص!

أيث-روما 7:7

إِيوَا مِين غَا نِينِي؟ مَا شَّرِيعَا ن مُوْسَى نتَّاث س يِيخف نّس ذ يجّن ن ڒْمُعْصِيّث؟ لَّا، عمَّارْص! مَعْلِيك شَّرِيعَا وَار ثدْجِي، أَتَاف وَار سِّينغ مِين ثعْنَا ڒْمُعْصِيّث. مَعْلِيك وَار ذَايس ڒُوْصِيّث نِّي <وَار عشّق>، أَتَاف وَار سِّينغ مِين يعْنَا وعشَّاق.

أيث-روما 7:13

إِيوَا، مَا يذْوڒ مِين يصبْحَان ذ سَّبَاب إِي زِي غَا مّْثغ نش؟ لَّا، عمَّارْص! لْعَكْس، ذ ڒْمُعْصِيّث إِي يݣِّين مَانَاينِّي، ثسْخدَّام مِين يصبْحَان حمَا اَذَايِي ثْنغ. مَايمِّي؟ حمَا اَذ تسْمظْهَار يخف نّس نتَّاث ذ ڒْمُعْصِيّث. ثُمَّا س لْفُرْصَا ن ڒُوْصِيّث-أَ ڒْمُعْصِيّث ثسْمظْهَار-د بْڒَا ڒَاحدّ مشْحَاڒ يقْبح شَّرّْ نّس.

أيث-روما 9:14

مِين غَا نِينِي خ مَانَايَا؟ مَا أَربِّـي يضدْجم؟ لَّا، عمَّارْص!

أيث-روما 11:1

إِيوَا تْسقْسِيغ نش، أَربِّـي مَا ينْكَر شَّعْب نّس؟ لَّا، عمَّارْص! نش س يِيخف ينُو ذ اَئِسْرَائِيلِي، زِي دُّوْرِّيث ن بْرَاهِيم زِي أَيث-بنْيَامِين.

أيث-روما 11:11

إِيوَا تْسقْسِيغ، أَيث-إِسْرَائِيل مَا صَافِي نْقڒْظن وضَان؟ لَّا، عمَّارْص! لْعَكْس، س ڒْمُعْصِيّث-أَ ن أَيث-إِسْرَائِيل يسنْجم أَربِّـي يِنِّي وَار يدْجِين شَا زِي أَيث-إِسْرَائِيل بَاش اَذ تكَّر لْغِرَا ذِي أَيث-إِسْرَائِيل.

1 أيث-كورينث 6:15

مَا وَار ثسِّينم شَا بلِّي دَّات نْوم نتَّاث ذ طْرُوْفَاث ن دَّات ن لْمَسِيح؟ إِيوَا طْرُوْفَاث-أَ، مَا ٱثنْت يْسِيغ اَثنْت سْمُوْنغ اَكذ لْفَسْدَاث؟ لَّا، عمَّارْص!

أيث-ݣلاطيا 2:17

فَا نشِّين نْرزُّو أَ نمْصْڒَاح اَك أَربِّـي س لْإِيمَان زِي لْمَسِيح. مڒَا س مَانَايَا منْبَعْد نُوْفَا يخف نّغ اَم ڒݣْنُوْس يعصَّان زَعْمَا، مَا اَتَاف لْمَسِيح يتْشجَّاع-اَنغ غَار ڒْمُعْصِيّث؟ لَّا، عمَّارْص!

أيث-ݣلاطيا 3:21

إِذن شَّرِيعَا ن مُوْسَى، مَا تْعَارَّاض لْوُعُوْد ن أَربِّـي؟ لَّا وَالُو! شُوْف، مَعْلِيك ثمُّوْش شَان شَّرِيعَا يتِيشّن ثُوْذَارْث إِ بْنَاذم، أَتَاف اَذَانغ ثَارّ نِيشَان اَك أَربِّـي شَّرِيعَا نِّي.

أيث-ݣلاطيا 6:14

وَلَكِن نش عمَّارْص اَذ فْتَخَارغ إِلَّا زِي صَّلِيب ن سِيذِيثْنغ عِيْسَى لْمَسِيح. زِي صَّلِيب نّس إِي زِي ثتْوَاصلّب دُّنشْت إِ نش، أُو زَّايس عَاوذ نش إِي زِي تْوَاصلّْبغ إِ دُّنشْت.