لوقا 2:37 - ثريفيث 2020

³⁷ ڒخْدّنِّي يمُّوْث نتَّا، ثقِّيم نتَّاث ذ ثَاجَّاڒْث حتَّا وَامِي ثمُّوْث خ اَرْبعَا أُو ثْمَانِين يسݣّْوُسَا. تْغِيمَا ڒبْدَا ذِي ثمْزِيذَا ثَمقّْرَانْت، ثْعبّذ أَربِّـي تْࢲُوْمَّا تْࢲَادْجَا دْجِيڒث ذ وَاسّ.

لوقا 2:37 Խաչաձեւ Հղումներ

1 تيموتاوس 5:5

قَا ثَاجَّاڒْت ن صَّح ثنِّي وَار غَار يدْجِي حَدّ اَقَا ذ نتَّاث يتݣّن لْأَمَال نّس ذِي أَربِّـي تْغِيمَا تدْعَا أَربِّـي تتَّار-اَس دْجِيڒث ذ نْهَار.

ڒخذايم 14:23

بُوْلُس ذ بَرْنَابَا يخْضَرن يمقّْرَانن ذِي مْكُڒ جْمَاعث ن ڒْمُوْمِنِين ڒخْدّنِّي ࢲُّوْدْجن، ࢲُوْمّن، جِّين-ثن ذݣ وفُوْس ن سِيذِي أَربِّـي إِي زِي ؤُمْنن.

ڒخذايم 13:3

وَامِي ࢲُوْمّن ࢲُّوْدْجن، ڒخْدّنِّي سرْسن خَاسن يفَاسّن نْسن سّكّن-ثن.

ڒخذايم 26:7

دْجِيڒث ذ نْهَار ثنْعَاش ن ثْقبَّاڒ ن أَيث-إِسْرَائِيل عبّْذن أَربِّـي مِنْزِي غَارْسن لْأَمَل ڒْعَهذ نِّي اَذ يِيڒِي. شُوْف، آ سِي اَزدْجِيذ، لْأَمَل-أَ نتَّا ذ تُّهْمَا إِي خَافِي نَّان أَيث-إِسْرَائِيل!

لواحي ن يوحنا 7:15

س مَانَايَا اَقَاثن زَّاث إِ لْعَرْش ن أَربِّـي، عبّْذن-ث دْجِيرث ذ نْهَار ذِي ثمْزِيذَا ثَمقّْرَانْت نّس. ونِّي يقِّيمن خ لْعَرْش اَثن يحْضَا.

لواحي ن يوحنا 3:12

قَا ونِّي غَا يربْحن اَث سْبدّغ اَم يِجّن ن وپِــيلَار ذِي ثمْزِيذَا ثَمقّْرَانْت ن أَربِّـي ينُو اَذ يقِّيم ذِنِّي إِ ڒبْدَا. أَخَاس اَرِيغ يسم ن أَربِّـي ينُو ذ يِيسم ن ثنْدِينْت ن أَربِّـي ينُو، يعْنِي لْقُدْس ن جْذِيذ إِي د غَا يهْوَان زݣ وجنَّا زِي أَربِّـي ينُو. أَخَاس اَرِيغ يسم ينُو ذ جْذِيذ.

لوقا 5:33

نَّان-اَس: "مَايمِّي يمحْضَارن ن يَحْيَى ذ يمحْضَارن ن ڒْحِزب ن يفَرِّسِيْين تْࢲُوْمَّان تْࢲَادْجَان اَطَّاس، ئِمحْضَارن نّش تتّن سسّن وَاهَا؟"