لوقا 19:28 - ثريفيث 2020

²⁸ عِيْسَى وَامِي ينَّا اَوَاڒ-أَ يكَّر نتَّا يݣُّوْر بَاش اَذ يݣَعّذ غَار ثنْدِينْت ن لْقُدْس.

لوقا 19:28 Խաչաձեւ Հղումներ

لوقا 9:51

عِيْسَى وَامِي د تُوْوض ڒْوقْث نّس إِي ذِي غَا يتْوَارْفع غَار وجنَّا، ئِكَّر يوجّه اَغمْبُوْب نّس بَاش اَذ يرَاح غَار ثنْدِينْت ن لْقُدْس.

1 بطرس 4:1

فَا عِيْسَى لْمَسِيح يتْوَاعدّب ذِي دَّات نّس. خ مَانَايَا عَاوذ كنِّيو اَذ تسْجهْذم يخف نْوم س اَرَّاي نِّي نّس. مَايمِّي؟ مڒَا ثتْوَاعدّْبم ذِي دَّات نْوم، صَافِي ثْبعّْذم عَاوذ خ ڒْمُعْصِيّث.

يعيبرانيين 12:2

أُو لَابُد أَ نْخزَّر مْلِيح غَار عِيْسَى زَّعِيم نّغ ذ نتَّا إِي ذَانغ غَا يسِّيوْضن نِيشَان غَار ونݣَّارُو. عِيْسَى س ڒفْرَاحث نِّي إِي تُوْغَا ث يتْرَاجَان غَار زَّاث، ئِصْبَر خ صَّلِيب يعيّب اَحݣَّار ن صَّلِيب نِّي سّنِّي يقِّيم خ وفُوْسِي ن ڒْعَرْش ن أَربِّـي.

لوقا 18:31

ئِرُوْح عِيْسَى يُوْوِي ثنْعَاش نِّي ن يمحْضَارن نّس وَاحذْسن ينَّا-ٱسن: "أَقَا نتْݣَعَّاذ غَار لْقُدْس مَانِي إِي غَا يكمّڒ مَارَّا مِين ؤُرِين لْأَنْبِيَا خ مِّيس ن بْنَاذم.

لوقا 12:50

ئِتْخصَّا-ٱيِي اَذ تْوَاعَدّْبغ، خيّْقغ اَطَّاس حتَّا اَڒ غَا عْذُوْغ مَانَاينِّي.

يوحنا 18:11

ينَّا-ٱس عِيْسَى إِ بُطْرُس: "أَرّ سِّيف نّش غَار ومْشَان نّس. ڒْكَاس-أَ ن ڒَعْذَاب إِي ذَايِي يُوْشَا بَابَا، مَا وَار سسّغ شَا زَّايس؟"

لوقا 10:30

يَارَّا خَاس عِيْسَى ينَّا-ٱس: "ئِجّن ن بْنَاذم يهوَّا زِي ثنْدِينْت ن لْقُدْس يݣُّوْر غَار ثنْدِينْت ن أَرِيحَا. فّْغن-د اَكِذس يخوَّانن ذݣ وبْرِيذ كّْسن-اَس اَرُّوْض نّس، ؤُوْثِين-ث جِّين-ث جَار ثُوْذَارْث ذ ڒْموْث.