لوقا 18:38 - ثريفيث 2020

³⁸ ئِبْذَا يسْنكَّر ثْغُوْيّث يقَّار-اَس: "آ عِيْسَى آ مِّيس ن أَيث-دَاود، رْحم-اَيِي!"

لوقا 18:38 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 12:23

قِّيمن ڒْغَاشِي نِّي تْعجّْبن مَارَّا نَّان: "مَاشِي ذ وَانِيتَا إِݣ يدْجَان ذ مِّيس ن دَاود نِغ؟"

أَسڒْمذ ن سِيذِيثْنغ عِيْسَى لْكِتَاب ن مَتَّى 15:22

ثُوْسَا-د غَارس يجّن ن ثمْغَارْث زِي أَيث-كَنْعَان ثْزدّغ ذِنِّي. تْرَاغَا ثقَّار-ٱس إِ عِيْسَى: "رْحم-اَيِي آ سِيذِي، آ مِّيس ن أَيث-دَاود! قَا يدْجِي ذَايس يجّن ن جّنّ ذ اَعفَّان يتْعدَّاب-يت اَطَّاس."

أَسڒْمذ ن سِيذِيثْنغ عِيْسَى لْكِتَاب ن مَتَّى 21:15

عصّْبن اَرُّوْيَاس ن ڒْفُقَهَا ذ يمْسڒْمَاذن ن شَّرِيعَا وَامِي ࢲْرِين عِيْسَى لْمُعْجِزَاث إِي يݣَّا، ذ يحنْجِيرن طَّارْف إِ ثمْزِيذَا ثَمقّْرَانْت تْڒَاغَان س جّْهذ قَّارن: "لْعَظَمَا إِ مِّيس ن أَيث-دَاود!"

أَسڒْمذ ن سِيذِيثْنغ عِيْسَى لْكِتَاب ن مَتَّى 21:9

يِنِّي يݣُّوْرن زَّاثس ذ يِنِّي إِي ث يذفَّارن قَّارن: "لْعَظَمَا إِ مِّيس ن أَيث-دَاود! سَّعْذ ن ونِّي إِي د يُوْسِين عْلَاحْسَاب يسم ن سِيذِي أَربِّـي. لْحَمْدُ إِ أَربِّـي يُوْعْڒَان."

أَسڒْمذ ن سِيذِيثْنغ عِيْسَى لْكِتَاب ن مَتَّى 9:27

يُوْيُوْر سّنِّي عِيْسَى، ذْفَارن-ث ثْنَاين ن يضَرْغَاڒن تْڒَاغَان قَّارن: "آ مِّيس ن أَيث-دَاود، رْحم-اَنغ!"

لوقا 18:37

نَّان-اَس قَا عِيْسَى نَاصِرِي نتَّا إِي سَّا يعدُّوْن.

لوقا 18:39

يِنِّي يزْوَارن إِ عِيْسَى نْهَان-ث نَّان-اَس سْقَار. نتَّا يُوْݣِي، ئِقِّيم يسْنكَّر ثْغُوْيّث عَاذ س جّْهذ يقَّار: "آ مِّيس ن أَيث-دَاود، رْحم-اَيِي!"

أيث-روما 1:3

أُو مَانَايَا خ مِّيس سِيذِيثْنغ عِيْسَى لْمَسِيح. عْلَاحْسَاب دَّات نّس ذ بْنَاذم نتَّا زِي دُّوْرِّيث ن سِيذْنَا دَاود. وَلَكِن عْلَاحْسَاب أَرُّوح نّس يصْفَان يمظْهَار-د ذ مِّيس ن أَربِّـي س يِجّن ن جّْهذ يمْغَر وَامِي إِي د يكَّر زِي ڒْموْث.

لواحي ن يوحنا 22:16

ذ نش عِيْسَى سّكّغ-د لْمَلَاك ينُو حمَا اَذَاوم يشْهذ خ ثْمسْڒَايِين-أَ ذِي ثْجُمَاع ن ڒْمُوْمِنِين. نش ذ لْأَصْل ن دَاود أُو زِي دُّوْرِّيث نّس. نش ذ يثْرِي ن ڒفْجَر يتْشعْشِيعن."