لوقا 15:29 - ثريفيث 2020

²⁹ ينَّا-ٱس إِ بَابَاس: نش مشْحَاڒ ن يسݣّوُسَا اَقَايِي خدّْمغ اَكِذش ڒبْدَا تْطَاعَاغ-اَش، عمَّارْص وَار ذَايِي ثُوْشِيذ ؤُڒَا ذ يغِيْذ حمَا اَذ فَرْحغ زَّايس اَك يمدُّوْكَاڒ ينُو.

لوقا 15:29 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 20:12

نَّان-اَس: ئِخدَّامن-أَ إِي د يُوْسِين ذ ينݣُّوْرَا خذْمن يجّن ن ثْسَعَّات وَاهَا، شك ثُوْشِيذ-اَسن اَمشْنَاو نشِّين إِݣ يُوْوْثِين تَمَارَا ن نْهَار اَمن-يكْمَاڒ ذِي ثْفُوْشْت.

لوقا 15:28

ئِقّس-اَس ڒْحَاڒ إِ مِّيس اَمقّْرَان يُوْݣِي اَذ يَاذف غَار ثدَّارْث. ئِفّغ-د غَارس بَابَاس غَار بَارَّا يبْذَا يتْحشَّام-يث بَاش اَذ يَاذف.

لوقا 15:30

وَامِي د يُوْسَا مِّيش-أَ وَانِيتَا إِݣ يـسْپـرْضْرن اَݣْڒَا نّش ذِي لْفَسْدَاث وَاهَا، شك مِين ثݣِّيذ؟ ثْغَرْصذ-اَس إِ وينْدُوز يصحّن؟

لوقا 15:7

أَذَاوم ينِيغ: أَذ فَرْحن ذݣ وجنَّا اَطَّاس خ يِجّن مڒَا يذْوڒ-د غَار وبْرِيذ كْتَار زِي مِن غَا فَرْحن خ تسْعَا أُو تسْعِين نِّي وَار فِّيغن شَا اَبْرِيذ.

لوقا 17:10

أَمُّو ؤُڒَا ذ كنِّيو. مڒَا ثݣِّيم مَارَّا مِينْخف كنِّيو وصَّان، أَتَاف اَذ تِينِيم نشِّين ذ يخدَّامن وَاهَا، نْتݣّ غِير لْوَاجِب نّغ يتْخصَّا اَث نݣّ."

لوقا 18:9

يسِّيوڒ س ڒْمَعْنَا-يَا اَك شَان يِوْذَان تُوْغَا تَارَّان يخف نْسن نِيشَان، تْحݣَّارن ينّغْنِي:

لوقا 19:21

مِينْزِي ݣّْوْذغ زَّايك. شك ذ يجّن ن بْنَاذم ثقْسْحذ، ثْكسِّيذ مِين وَار ثسْرُوْسِيذ ثْمجَّارذ مِين وَار ثْزرّْعذ.

أيث-روما 10:3

وَامِي وَار سِّينن شَا مَامّش يݣَّا أَربِّـي يسمْصْڒَاح اَكِذس بْنَاذم، كَّرن نِثْنِي ذْفَارن اَبْرِيذ نْسن نِّيث وَار قْبِيڒن شَا اَبْرِيذ ن أَربِّـي.

أيث-روما 3:20

فَلِهَذَا، ؤُڒَا ذ يجّن ن بْنَاذم وَار يزمَّر اَذ يمصْڒَاح اَك أَربِّـي س ڒخْذَايم إِي ذَايس ذِي شَّرِيعَا؛ لَّا، شَّرِيعَا ثسْبيَّان-اَنغ-د مِين ثعْنَا ڒْمُعْصِيّث.

أيث-روما 3:27

إِيوَا مَا أَ نفْتَخر س شَان ڒْحَاجث؟ لَّا، ممْنُوْع! مَا ممْنُوْع س شَّرِيعَا، يعْنِي س لْحَسَانَاث؟ لَّا، س لإِيمَان!

أيث-روما 7:9

نش قْبڒ مَا ٱذ سّْنغ شَّرِيعَا، تُوْغَايِي دَّرغ. وَلَكِن وَامِي د ثُوْسَا ڒُوْصِيّث ن أَربِّـي، ڒْمُعْصِيّث اَخْمِي ثكَّر-د زِي ڒْموْث أُوْشَا نش اَخْمِي مُّوْثغ.

لواحي ن يوحنا 2:17

صنّط مْلِيح آ ونِّي يتْسْڒَان مِين يقَّار أَرُّوْح ن أَربِّـي إِ ثْجُمَاع ن ڒْمُوْمِنِين. ونِّي غَا يربْحن، أَذَاس ؤُشغ اَذ يشّ اَغْرُوْم ن لْمَنَّا ونِّي يتْوَاسْنُوْفّرن. أَذَاس ؤُشغ اَزْرُو ذ اَشمْڒَاڒ يُوْرَا ذَايس يجّن ن يِيسم ذ جْذِيذ وَار ث يسِّين حَدّ إِلَّا ونِّي إِي ث غَا يقبْڒن.

لواحي ن يوحنا 3:17

شك ثْقَّارذ زَعْمَا قَا نش ذ يجّن ن تَّاجَر ݣِّيغ اَطَّاس ن وَاݣْڒَا وَار حْذِيجغ وَالُو. إِيوَا وَار ثسِّينذ شَا قَا شك ذ اَمْقطَّاع ذ اَمغْبُوْن، ذ يمسْعِي، ذ اَذَرْغَاڒ، ذ اَعرْيَان.