لوقا 13:34 - ثريفيث 2020

³⁴ يَا لْقُدْس، يَا لْقُدْس! ذ شم إِݣ ينقّن لْأَنْبِيَا، ذ شم إِݣ يرجّْمن يِنِّي غَارم د يسّكّ أَربِّـي! نش مشْحَاڒ ن ثْوَاڒَاثِين خْسغ اَذ سْمُوْنغ ثَارْوَا نّمْ اَم شَان ثْيَازِيط يتحْبُوْبُوْضن خ يفِيدْجُوْسن نّس وَلَكِن كنِّيو ثُوْݣِيم.

لوقا 13:34 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 22:3

ئِسّكّ يخدَّامن نّس اَذ د ڒَاغَان إِ يِنِّي خف يعَرض غَار ومنْسِي، وَلَكِن ؤُݣِين اَذ د اَسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 22:6

ئِنّغْنِي طّْفن يخدَّامن ن وزدْجِيذ عدّن خَاسن نْغِين-ثن.

لوقا 15:28

ئِقّس-اَس ڒْحَاڒ إِ مِّيس اَمقّْرَان يُوْݣِي اَذ يَاذف غَار ثدَّارْث. ئِفّغ-د غَارس بَابَاس غَار بَارَّا يبْذَا يتْحشَّام-يث بَاش اَذ يَاذف.

لوقا 19:44

أَشم سْهذْمن شم ذ ثَارْوَا نّمْ إِي يدْجَان غَار ذَاخڒ نّم. وَار ذَايم تجِّين بُو وزْرُو خ ونّغْنِي مِينْزِي يفْقذ-يشم أَربِّـي، شم وَار خَاس ثعْقِيڒذ."

لوقا 23:28

ئِنقْڒب-د غَارْسنْت عِيْسَى ينَّا-ٱسنْت: "آي يسِّيس ن لْقُدْس وَار خَافِي تْرُونْت شَا، رُوْنْت خ يِيخف نْكنْت ذ ثَارْوَا نْكنْت.

ڒخذايم 7:52

مَا ينْجم شَان ن نَّبِي وَار ث عدّْبن شَا ڒجْذُوْذ نْوم؟ نِثْنِي نْغِين ؤُڒَا ذ لْأَنْبِيَا نِّي ن زْمَان إِي ينَّان قَا ٱذ د يَاس ونِّي يدْجَان صَّالِح، يعْنِي ونِّي ڒخُّو ثْخذْعم كنِّيو ثنْغِيم-ث.

ڒخذايم 7:59

قِّيمن رجّْمن سْتِيفَان س وزْرُو نتَّا ينَّا: "آ سِيذِيثْنغ عِيْسَى، قْبڒ بُوْحْبڒ ينُو!"

ڒخذايم 8:1

وَامِي نْغِين سْتِيفَان، ئِجّن قَّارن-اَس شَاوُل اَقَاث ذِنِّي يحْضَار يتَافق اَكِذْسن. نْهَار نِّي بْذَان تْعدَّابن جْمَاعث ن ڒْمُوْمِنِين ذِي ثنْدِينْت ن لْقُدْس. مسْفْرَاقن مَارَّا ڒْمُوْمِنِين رُوْحن غَار جْوَايه ن يَهُوْذِيَا ذ سَامَرْيَا كُڒ يجّن مَانِي يرُوْح، وَار يقِّيم حَدّ ذِي لْقُدْس إِلَّا اَرُّسُل.

لواحي ن يوحنا 11:8

أَذ تقِّيم دَّات نْسن ذِي شَّارِع ن ثنْدِينْت ثَمقّْرَانْت ؤُمِي قَّارن س ڒْمَعْنَا سَدُوْم نِغ مِصْرَا يعْنِي مَانِي يتْوَاصلّب سِيذِيثْسن.