لوقا 12:48 - ثريفيث 2020

⁴⁸ ونِّي وَار يسِّينن شَا مِين يرزُّو سِيذس يتݣّ ثِمسْڒَايِين يسْذَاهْدْجن اَعْمُوْذ، أَتَاف اَذ يتْوَاعَقب ذْرُوْس وَاهَا. مَارَّا ونِّي ؤُمي يمُّوْش اَطَّاس، أَزَّايس رْزُوْن اَطَّاس. ونِّي إِݣ يتْوَاكلّْفن خ وَاطَّاس، أَزَّايس رْزُوْن اَطَّاس.

لوقا 12:48 Խաչաձեւ Հղումներ

ثبرات غار يعقوب 3:1

آي أَيثْمَا، ئِتْخصَّا وَار زَّايْوم يتِيڒِي بُو اَطَّاس ن يمْسڒْمَاذن، أَقَا ثسّْنم بلِّي نشِّين يمْسڒْمَاذن اَتَاف اَخَانغ يزيَّار أَربِّـي ذِي لْحِسَاب.

يوحنا 15:22

مَعْلِيك وَار د ؤُسِيغ سِّيوْڒغ اَكِذْسن، أَتَاف وَار غَارسن بُو ڒْمُعْصِيّث. وَلَكِن ڒخُّو وَار غَارْسن بُو لْعُذر خ ڒْمُعْصِيّث نْسن.

أَسڒْمذ ن سِيذِيثْنغ عِيْسَى لْكِتَاب ن مَتَّى 13:12

ڒَاحقَّاش ونِّي يدْجَان غَارس يتْمَارْنِي-يَاس، أَغَارس يِيڒِي اَطَّاس. وَلَكِن ونِّي وَار غَار يدْجِي شَا، ئِتْوَاكْسِي-يَاس ؤُڒَا ذ مِين غَارس.

1 تيموتاوس 1:13

نش قْبڒ تُوْغَا قَّارغ اَوَاڒن وَار يحْڒِين خ أَربِّـي تْعدَّابغ ڒْمُوْمِنِين، نش ذ يجّن بْنَاذم يضدْجْمن. وَاخَّا تُوْغَا خذْمغ مَانَاينِّي يسظْهَار-اَيِي-د أَربِّـي اَرَّاحْمث نّس لِأَنَّا خذْمغ مَانَاينِّي س ڒقْفَاڒث ينُو بْڒَا مَا ٱذ سّْنغ مِين يدْجَان نِيشَان، ؤُڒ ينُو وَار ذَايس بُو لْإِيمَان.

ڒخذايم 17:30

مَانَايَا أَربِّـي وَار ت يُوْوِي شَا ذِي زْمَان ن ڒقْفَاڒث، وَلَكِن ڒخُّو يُوْمَر مَارَّا يوْذَان ذِي مْكُڒ اَمْشَان بَاش اَذ تُوْبن.

1 تيموتاوس 1:11

تَّعْلِيم-أَ يدْجَان نِيشَان اَث نَاف ذِي لْإِنْجِيل ن أَربِّـي لْعَظِيم إِݣ يتْوَابَرْكن. لْإِنْجِيل-أَ يكلّف-اَيِي-د خَاس نش اَم يِجّن ن لْأَمَنَا.

لوقا 16:2

ئِكَّر سِّيّد نِّي يڒَاغَا-د خَاس ينَّا-ٱس: مِين خَاك تسْڒِيغ؟ ؤُش-اَيِي-د ڒحْسَاب يدْجَان جَارَانغ. زِي نْهَارَا اَڒ ثْسَاونْت وَار تْغِيمِيذ شَا اَذ تِيڒِيذ ذ اَوقَّاف ينُو.

1 تيموتاوس 6:20

آ تِيْمُوْتَاوُس، حْضَا مِينْخف تْكلَّافذ قْبڒ. أَوْݣّْوج زِي مِين تْپـرْپِـيرن يِنِّي وَار يُوْمِينن شَا ذ لْأَفْكَار نِّي إِي ذَانغ يتْعَارَّاضن قَّارن-اَس لْعَرْفَانِيَا وَلَكِن مَانَاينِّي ذ يخَرِّيقن وَاهَا.

ثبرات غار تيتوس 1:3

أُو ذِي لْوقْت نِّي إِݣ يخْضَر نتَّا يسْمظْهَار-د لْوَاعد-أَ س تّبْشِير نِّي إِي زِي ذَايِي يتْوَاكلّف س لْأَمَر ن أَربِّـي ونِّي إِي ذَانغ يسْنجْمن.

لوقا 12:41

ئِنْدق-د بُطْرُس ينَّا-ٱس: "آ سِيذِي، ڒْمَعْنَا-يَا مَا ثقَّارذ-ث غِير إِ نشِّين مَا إِ مَارَّا يوْذَان؟"

لوقا 12:49

ؤُسِيغ-د اَذ نْضَرغ يجّن ن ثْمسِّي يشمّْضن خ ثْمُوْرْث، أُو مشْحَاڒ تْمنِّيغ اَت اَفغ ڒخُّو ثْشعّڒ!

أَسڒْمذ ن سِيذِيثْنغ عِيْسَى لْكِتَاب ن مَتَّى 23:14

{يَا ڒفْضِيحث نْوم آي يمْسڒْمَاذن ن شَّرِيعَا ذ ڒْحِزب ن يفَرِّيسِيْين، آ لْمُنافِقين! تتّم إِ ثَاجَّاڒِين مَارَّا مِين غَارْسنْت. ثسْمظْهَارم-د يخف نْوم تْࢲَادْجَام اَطَّاس حمَا اَذ تْبيّْنم إِ يِوْذَان بلِّي ثْصبْحم اَطَّاس زَعْمَا. خ مَانَاينِّي اَذ تْوَاعَاقْبم كْتَار.}