لوقا 12:42 - ثريفيث 2020

⁴² يَارَّا خَاس سِيذِيثْنغ ينَّا-ٱس: "إِيوَا مِين يعْنَا ؤُوقَّاف نِّي يدْجَان ذ اَمِيغِيس ذَايس ڒَامَان؟ نتَّا ذ ونِّي إِݣ يتْكلَّاف سِيذس اَذَاسن يُوْش لْمَكْلَا إِ يخدَّامن نّس ذِي ڒْوقْث نِيشَان.

لوقا 12:42 Խաչաձեւ Հղումներ

يعيبرانيين 13:17

طَاعث إِ يِنِّي خَاوم يتْرَايَّان، ݣّم-اَسن اَرَّاي مِينْزِي ذ يِنِّي إِݣ يحطَّان ڒَعْمَار نْوم. أَذ ؤُشن نِثْنِي ڒحْسَاب خ مَانَايَا إِ أَربِّـي. طَاعث إِ يِيْنَا بَاش ڒْخذْمث نْسن اَزَّايس فَرْحن وَار خَاسن تْبسِّيڒ شَا. مڒَا ثݣِّيم ثَغنَّانْت اَتَاف وَار كنِّيو ينفّع وَالُو.

يعيبرانيين 13:7

عقْڒث خ يِنِّي إِي خَاوم يتْرَايَّان يعْنِي يِنِّي يسِّيوْڒن اَكِذْوم س وَاوَاڒ ن أَربِّـي. فكَّرث ذِي مِين ؤُرْون نِثْنِي س ثُوْذَارْث نْسن، ݣّث مَامّش إِي ݣِّين نِثْنِي س لْإِيمَان نْسن.

2 تيموتاوس 4:2

بشَّر اَوَاڒ ن أَربِّـي، سوْجذ يخف نّش اَذ تْبشَّرذ ذِي ڒْوقْث نِّي إِي تْرَاجِيذ نِغ ذِي ڒْوقْث نِّي إِي وَار تْرِيجِيذ شَا. ڒْمُوْمِنِين نْهَا-ثن، عْڒم-اَسن، شجّع-يثن س مَارَّا تَّاسِع ن ڒْخَاضَر ذ وسڒْمذ.

1 تيموتاوس 5:17

ئِمقّْرَانن ن جْمَاعث ن ڒْمُوْمِنِين يِنِّي يتحْكَامن مْلِيح أُو لَابُد اَثن تْوقَّرم ذ ضُوْبْلِي، خَاصَّتَان يِنِّي يخدّْمن اَطَّاس ذݣ وحدّث ذ وسڒْمذ.

1 بطرس 4:10

ئِتْخصَّا-يَاس إِ مْكُڒ يجّن اَذ يسخْذم لْقُدْرَا نِّي إِي ذَاس يمُّوْشن اَك يِوْذَان. أَذ يسخْذم نِيْشَان لْبَرَكَا ن أَربِّـي إِي زِي يتْكلَّاف كُڒ نُّوْع نّس.

ثبرات غار تيتوس 1:7

أَقَا اَرَّايس ن جْمَاعث يتْكلَّاف نتَّا س لْمسْؤُلِيَا زِي أَربِّـي أُو لَابُد اَذ يِيڒِي بْڒَا ڒْعِيب، وَار ذَايس يتِيڒِي بُو تَّكبُّر، وَار يتْعصِّيب شَا ذغْيَا، وَار يسكَّر شَا س شّْرب، وَار يشِّيث شَا، وَار يضمّع شَا ذِي تْمنْيَاث.

ڒخذايم 20:28

حْضَاث يخف نْوم. حْضَاث ثْحِيمرْث نْوم، ثنِّي إِي زِي كنِّيو يكلّف أَرُّوْح يقدّْسن. اَروْسث جْمَاعث ن ڒْمُوْمِنِين ن أَربِّـي قَا نتَّا يسغ-يت س يذَامّن نّس.

أَسڒْمذ ن سِيذِيثْنغ عِيْسَى لْكِتَاب ن مَتَّى 20:8

وَامِي ثغْڒِي ثْفُوْشْت، ينَّا-ٱس بَاب ن ومَرْجع إِ ؤُوقَّاف نّس: ڒَاغَا-د إِ يخدَّامن خدْجس-يثن. بْذَا زݣ يِنِّي إِي د يُوْسِين ذ ينݣُّوْرَا عَاذ إِ يمزْوُوْرَا.

يعيبرانيين 3:5

تُوْغَا نَّبِي مُوْسَى يخدّم نِيشَان ذ اَمْسخَّار، ئِتْعَاوَان اَيثْبَاب ن ثدَّارْث ثكْمَاڒ ن أَربِّـي، ئِشهّذ خ ثْمسْڒَايِين تُوْغَا عَاذ إِي غَا يتْوَابشَّرن ذِي لْمُسْتَقْبل.

1 تيموتاوس 3:15

مڒَا طوّْلغ اَطَّاس وَار ذِنِّي د ؤُسِيغ شَا، أَتَاف اَذ تسّْنذ شك مَامش إِي غَا سُوْݣُوْرن يِوْذَان يخف نْسن ذِي ثدَّارْث ن أَربِّـي يعْنِي جْمَاعث ن ڒْمُوْمِنِين ن أَربِّـي يدَّرن ذ نتَّاث إِي يدْجَان ذ اَپِـيلَار ذ دْسَاس ن لْحَقِيقَا.

لوقا 7:13

وَامِي ت يࢲْرَا سِيذِيثْنغ ثقّس-اَس ينَّا-ٱس: "وَار تْرُو شَا!"

أَسڒْمذ ن سِيذِيثْنغ عِيْسَى لْكِتَاب ن مَتَّى 13:52

ينَّا-ٱسن: "كُڒ اَمسڒْمَاذ ن شَّرِيعَا ن مُوْسَى إِݣ يفهْمن ڒْمُلْك وجنَّا نتَّا اَم يِجّن ن بَاب ن ثدَّارْث إِݣ يسُوْفُوْغن ثِمسْڒَايِين ثِقْذِيمِين نِغ ذ جْذِيذ زِي مَانِي يخْزن ڒْكنْز نّس."

لوقا 7:19

يسّكّ-يثن غَار سِيذِيثْنغ حمَا اَذَاس ينِين مَا ذ شك إِي خف نتْسْڒَا اَذ د تَاسذ نِغ أَ نْرَاجَا شَان يِجّن نّغْنِي؟

لوقا 12:43

سَّعْذ ن ؤُوقَّاف نِّي خْمِي د غَا يذْوڒ سِيذس اَث يَاف يخدّم.