لوقا 12:11 - ثريفيث 2020

¹¹ أَخْمِي كنِّيو غَا اَوِين غَار ثمْزِيذَاوِين ن أَيث-إِسْرَائِيل نِغ ذ لْحُكَّام ذ يمْخَازْنِيْين، بْڒَا مَا ٱذ تيْسِيم اَمْنُوْس ذِي ڒَعْقُوْڒَاث نْوم مِينْزِي غَا ثْدَافْعم خ يِيخف نْوم نِغ ذ مِين غَا ثِينِيم.

لوقا 12:11 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 23:34

خ مَانَايَا خْزَرم! تْسكِّيغ-اَوم-د لْأَنْبِيَا ذ يمِيغِيسن ذ يمْسڒْمَاذن. ئِجّن زَّايْسن اَث ثنْغم، ئِجّن اَث ثْصلّْبم. ئِجّن زَّايْسن اَث ثُوْوْثم س وسْغُوْن ذِي ثمْزِيذَاوِين، ئِجّن اَخَاس ثَازّْڒم زِي ثنْدِينْت غَار ثنْدِينْت.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:25

خ مَانَايَا اَذَاوم ينِيغ: وَار كسِّيم شَا س ومْنُوْس إِ ثُوْذَارْث نْوم عْلَاحْسَاب مِين غَا ثشّم نِغ ذ مِين غَا ثسْوم نِغ ذ اَرُّوْض إِي غَا ثحْذَاجم إِ دَّات نْوم. مِينْزِي ثُوْذَارْث-أَ تْسݣّْوَا كْتَار زِي مَشَّا. دَّات-أَ تْسݣّْوَا كْتَار زݣ وَارُّوْض.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:27

أُوْݣ يزمَّرن زَّايْوم اَذ يَرْنِي س ومْنُوْس نّس غِير ثْسَعَّات وَاهَا ذِي ڒْعُمُوْر نّس؟

أَسڒْمذ ن سِيذِيثْنغ عِيْسَى لْكِتَاب ن مَتَّى 6:28

مَايمِّي ثْكسِّيم اَمْنُوْس إِ وَارُّوْض؟ خْزَرث ذِي نْوَار ن ڒخْڒَا مَامّش يݣَّا، وَار يَربّڒ وَار يتْخيِّيض.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:31

وَار كسِّيث بُو س ومْنُوْس اَذ تِينِيم، مِين غَا نشّ؟ نِغ ذ مِين غَا نْسو؟ نِغ ذ مِين غَا نَرض ذ اَرُّوْض؟

أَسڒْمذ ن سِيذِيثْنغ عِيْسَى لْكِتَاب ن مَتَّى 6:34

وَار كسِّيث بُو س ومْنُوْس إِ مِين غَا يوقْعن ثِيوشَّا، أَقَا ثِيوشَّا اَذ ييْسِي نِّيث س ومْنُوْس إِ يِيخف نّس. ڒْهمّْ إِي د يمظهَّارن نْهَار نِّي اَذ يكْفَا نْهَار نِّي.

لوقا 12:22

ينَّا-ٱسن عِيْسَى إِ يمحْضَارن نّس: "خ مَانَايَا اَذَاوم ينِيغ: وَار كسِّيم شَا س ومْنُوْس إِ ثُوْذَارْث نْوم عْلَاحْسَاب مِين غَا ثشّم نِغ ذ اَرُّوْض إِي غَا ثحْذَاجم إِ دَّات نْوم.