لوقا 11:47 - ثريفيث 2020

⁴⁷ يَا ڒفْضِيحث نْوم مِينْزِي كنِّيو ثْبنَّام يمضْڒَان ن لْأَنْبِيَا تَارِّيم-ثن ذ يمْرَابْذن أُو كنِّيو ڒجْذُوْذ نْوم ذ نِثْنِي إِي ثن ينْغِين.

لوقا 11:47 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 23:27

يَا ڒفْضِيحث نْوم آي يمْسڒْمَاذن ن شَّرِيعَا ذ ڒْحِزب ن يفَرِّيسِيْين، آ لْمُنَافِقِين! كنِّيو اَمشْنَاو يمضْڒَان يبيّْضن س جِّير. تْمظْهَارن صبْحَان غَار بَارَّا، وَلَكِن نِثْنِي شُّوْرن غَار ذَاخڒ س يِخْسَان ذ مَارَّا مِين يَرشَّان.

لوقا 11:48

تَافَاقم اَك ڒجْذُوْذ نْوم، كنِّيو ذ ڒشْهُوْذ خ مِين خذْمن مِينْزِي ذ نِثْنِي إِݣ ينْغِين لْأَنْبِيَا أُو كنِّيو ثْبنَّام يمْرَابذن نْسن.

ڒخذايم 7:51

ينَّا-ٱسن سْتِيفَان: آ يِنِّي إِي ذِي ثدْجَا ثْغنَّانْت، قَا ؤُڒَاون نْوم ذ يمجَّان نْوم قّْنن! كنِّيو تݣّم مَامّش إِي ݣِّين ڒجْذُوْذ نْوم، كِيف-كِيف. ڒبْدَا تْعَارَّاضم-اَس إِ أَرُّوْح يقدّْسن.

1 أيث-سلونيك 2:15

نِثْنِي نْغِين سِيذِيثْنغ عِيْسَى ذ لْأَنْبِيَا، ؤُڒَا ذ نشِّين سُوْفْغن-اَنغ سّنِّي. وَار خَاسن يَارْضِي شَا أَربِّـي نِثْنِي تْعَارَّاضن إِ مَارَّا يوْذَان، ڒَاحقَّاش وَار ذَانغ تجِّين شَا أَ نسِّيوڒ اَك ڒݣْنُوْس بَاش أَذ نجْمن. أَمنِّي ڒْمُعْصِيَاث نْسن اَرنِّينْت تْعمَّرنْت، لْعِقَاب ن أَربِّـي يوْضَا خَاسن قَاع.