لوقا 11:42 - ثريفيث 2020

⁴² يَا ڒفْضِيحث نْوم آ ڒْحِزب ن يفَرِّيسِيْين! تِيشّم ڒَعْشُوْر ؤُڒَا خ نَعْنَاع ذ ؤُوْرَام ذ مَارَّا ڒَاعْشُوْب، وَلَكِن وَار تهْتِيمِيم شَا زِي ڒْحَقّ ذ ڒمْحِبّث ن أَربِّـي. لَّا، ئِخصَّا-ٱوم اَذ تهْتَامم س مَانَايَا بْڒَا مَا تتُّوْم ڒَعْشُوْر.

لوقا 11:42 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 23:23

يَا ڒفْضِيحث نْوم، آي يمْسڒْمَاذن ن شَّرِيعَا ذ ڒْحِزب ن يفَرِّيسِيْين، آ لْمُنَافِقِين! تِيشّم ڒَعْشُوْر ؤُڒَا خ نَعْنَاع ذ ؤُوْرَام ذ ڒْشمُّوْن، وَلَكِن وَار تهْتِيمِيم شَا مِين يدْجَان مُهِم قَاع ذِي شَّرِيعَا يعْنِي ڒْحَقّ ذ اَرَّحْمث ذ لْإِيمَان. لَّا، ئِتْخصَّا-ٱوم اَذ تهْتَامم س مَانَايَا بڒَا مَا تتُّوْم ڒَعْشُوْر.

لوقا 18:12

تْࢲُوْمِّيغ يُوْمَاين ذِي سِّيمَانَا، تْعشَّارغ خ مَارَّا مِين ربْحغ ذ اَݣْڒَا.

1 يوحنا 4:20

ونِّي يقَّارن قَا نش تخْسغ أَربِّـي نتَّا يتْعِيفَّا ؤُمَاس، أَتَاف نتَّا ذ بُو-يخَرِّيقن وَاهَا إِݣ يدْجَا. مَايمِّي؟ ونِّي وَار يتخْسن شَا ؤُمَاس إِݣ يࢲرّ، أَتَاف وَار يزمَّر شَا اَذ يخس أَربِّـي إِي وَار يࢲرّ شَا.

أَسڒْمذ ن سِيذِيثْنغ عِيْسَى لْكِتَاب ن مَتَّى 23:27

يَا ڒفْضِيحث نْوم آي يمْسڒْمَاذن ن شَّرِيعَا ذ ڒْحِزب ن يفَرِّيسِيْين، آ لْمُنَافِقِين! كنِّيو اَمشْنَاو يمضْڒَان يبيّْضن س جِّير. تْمظْهَارن صبْحَان غَار بَارَّا، وَلَكِن نِثْنِي شُّوْرن غَار ذَاخڒ س يِخْسَان ذ مَارَّا مِين يَرشَّان.

يوحنا 5:42

سّْنغ-كنِّيو بلِّي وَار ذَايْوم بُو ڒمْحِبّث ن أَربِّـي.

أَسڒْمذ ن سِيذِيثْنغ عِيْسَى لْكِتَاب ن مَتَّى 23:13

يَا ڒفْضِيحث نْوم آي يمْسڒْمَاذن ن شَّرِيعَا ذ ڒْحِزب ن يفَرِّيسِيْين، آ لْمُنَافِقِين! تقّْنم ثَوَّارْث ن ڒْمُلْك وجنَّا خ يِوْذَان. كنِّيو وَار تِيذْفم، وَار تجِّيم وِي غَا يَاذْفن.