لوقا 11:39 - ثريفيث 2020

³⁹ ينَّا-ٱس سِيذِيثْنغ: "كنِّيو يفَرِّيسِيْين ثْسِيرِيذم ڒْكَاس نْوم ذ طّبْسِي نْوم غَار بَارَّا مْلِيح، وَلَكِن غَار ذَاخڒ نْوم ثشُّوْرم س طّْمَع ذ شَّرّْ.

لوقا 11:39 Խաչաձեւ Հղումներ

ثبرات غار يعقوب 4:8

أَذْسث غَار أَربِّـي، نتَّا اَغَارْوم د يَاذس. آ يِنِّي يخْضَان، سِيرْذث يفَاسّن نْوم. آ يِنِّي كُڒ ڒَعْقڒ مِين ذَاوم يقَّار، سصْفَاث ؤُڒَاون نْوم.

ثبرات غار تيتوس 1:15

أَقَا يِنِّي إِݣ يدْجَان صْفَان اَتَاف قَاع ثِمسْڒَايِين اَذَايْسن يڒِينْت صْفَانْت. وَلَكِن يِنِّي يخنْزن وَار ؤُمِينن شَا اَتَاف وَار ذَايْسن تِيڒِي ؤُڒَا ذ يجّن ن ثْمسْڒَايْث ثصْفَا. أَتَاف ڒْعَقُوْرَاث نْسن ذ ضَّمِيرَاث نْسن س ثْنَاين تخْنِيزن.

ڒخذايم 5:3

ينَّا-ٱس بُطْرُس: "آي أَنَاس، مَايمِّي ثجِّيذ شِّيطَان اَش يغَرّ يُوْذف ذݣ وُوْڒ نّش ثسْخرّْقذ خ أَرُّوْح يقدّْسن ثسْنُوْفَّرذ شَان ن تْمنْيَاث إِ يِيخف نّش زِي تْمنْيَاث ن ثْمُوْرْث نِّي؟

أَسڒْمذ ن سِيذِيثْنغ عِيْسَى لْكِتَاب ن مَتَّى 15:19

ڒَاحقَّاش زݣ وُوْڒ إِي زِي د تكَّانْت لْأَفْكَار ثِعفَّانِين ذ ثْمنْغِيْوْث ذ زّْنَا ذ لْفَسَاد ذ ثُوْكَّارْذَا ذ ࢲُّوْر ذ ڒْبَاطڒ.

أَسڒْمذ ن سِيذِيثْنغ عِيْسَى لْكِتَاب ن مَتَّى 7:15

حْضَام يخف نْوم زݣ يِنِّي يتَارَّان يخف نْسن ذ لْأَنْبِيَا. تَاسن-د غَارْوم اَم شَان ن يحُوْڒِيْين وَلَكِن ذݣ وُوْڒَاون نْسن ذ وشَّانن يوْعَرن.

أيث-ݣلاطيا 1:14

تُوْغَا نش تْݣَعَّاذغ مْلِيح ذِي دِّين ن أَيث-إِسْرَائِيل عْڒَاين قَاع حْسن زݣ يقْرِينن ينُو. تُوْغَا نش رزُّوْغ اَطَّاس اَذ ݣّغ لْوَاجِب عْلَاحْسَاب لْعَادَاث ن ڒجْذُوْذ ينُو.

يوحنا 12:6

وَامِي ينَّا اَمُّو مَاشِي زِيدْجْزن-اَس يمسْعَان؛ لَّا، نتَّا ذ اَشفَّار مْكلّف خ وشمُّوْس ن تْمنْيَاث يتَاشَار زِي مِين ذِن سْرُوْسَان.

لوقا 16:15

ينَّا-ٱسن عِيْسَى: "كنِّيو ذ يِنِّي إِي يرزُّوْن اَذ ؤُشن ڒْحَقّ خ يِيخف نْسن زَّاث إِ يِوْذَان، وَلَكِن أَربِّـي يسّن مِين غَارْوم ذݣ وُوْڒَاون نْوم. مِين يتَارَّان بْنَاذم غَارس لْقِيمَا، أَتَاف مَانَاينِّي ذ اَعفَّان اَطَّاس غَار أَربِّـي.

لوقا 7:13

وَامِي ت يࢲْرَا سِيذِيثْنغ ثقّس-اَس ينَّا-ٱس: "وَار تْرُو شَا!"

2 تيموتاوس 3:5

أَذ ݣّن يخف نْسن عبّْذن أَربِّـي وَلَكِن نكَّرن جّْهذ نّس. ئِوْذَان-أَ، أَوْݣّْوج خَاسن.

يوحنا 13:2

قْبڒ اَمنْسِي تُوْغَا إِبْڒِيس يغَرّ يَهُوْذَا مِّيس ن سِمْعَان إِسْخَرْيُوْطِي حمَا اَذ يزّنْز عِيْسَى.

لوقا 7:19

يسّكّ-يثن غَار سِيذِيثْنغ حمَا اَذَاس ينِين مَا ذ شك إِي خف نتْسْڒَا اَذ د تَاسذ نِغ أَ نْرَاجَا شَان يِجّن نّغْنِي؟