لوقا 11:13 - ثريفيث 2020

¹³ مڒَا كنِّيو ذ يعفَّانن ثسّْنم اَذ تُوْشم إِ ثَارْوَا نْوم مِين يدْجَان ذ اَصبْحَان، أَتَاف بَابَاثْوم إِݣ يدْجَان ذݣ وجنَّا يتݣّ كْتَار، يعْنِي يتِيشّ أَرُّوْح يقدّْسن إِ يِنِّي ذَاس ث يتتَّارن."

لوقا 11:13 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 5:16

أَمُّو، جّث ڒْقنْدِيڒ نْوم يشعّڒ إِ يِوْذَان حمَا اَذ ࢲرن ڒخْذَايم نْوم ثِصبْحَانِين اَذ حمْذن بَابَاثْوم يدْجَان ذݣ وجنَّا.

أَسڒْمذ ن سِيذِيثْنغ عِيْسَى لْكِتَاب ن مَتَّى 5:45

حمَا اَذ تِيڒِيم ذ ثَارْوَا ن بَابَاثْوم إِي يدْجَان ذݣ وجنَّا. ڒَاحقَّاش يتْسُوْمُّوْر-د ثْفُوْشْت خ يِنِّي يصبْحَانن ذ يِنِّي يعفَّانن. ئِتِيشّ اَنْࢲَار إِ يِنِّي يتݣّن ڒْخِير ذ يِنِّي يتݣّن شَّرّْ.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:14

مڒَا ثْسمّْحم إِ يِوْذَان ذݣ ؤُخطِّي نِّي إِي كِذْوم يخطَّان، أَتَاف بَابَاثْوم يدْجَان ذݣ وجنَّا ؤُڒَا ذ نتَّا اَذَاوم يغْفَر.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:30

مڒَا أَربِّـي يتِيشّ اَرُّوْض زَعْمَا إِ اَرْبِيع ن ڒخْڒَا إِݣ يدْجَان نْهَارَا اَذ يحَرق ثِيوشَّا ذݣ وفَرَّان، مَا وَار يتݣّ اَكِذْوم كنِّيو كْتَار؟ ذَايْوم لْإِيمَان نْوم ذ ؤُقْلِيل.

أَسڒْمذ ن سِيذِيثْنغ عِيْسَى لْكِتَاب ن مَتَّى 6:32

مَارَّا مَانَايَا رزُّوْن-ث ڒݣْنُوْس. أَقَا بَابَاثْوم يدْجَان ذݣ وجنَّا يسّن بلِّي تحْذَاجِيم ثِمسْڒَايِين-أَ.

أَسڒْمذ ن سِيذِيثْنغ عِيْسَى لْكِتَاب ن مَتَّى 7:11

مڒَا كنِّيو ذ يعفَّانن ثسّْنم اَذ تُوْشم إِ ثَارْوَا نْوم مِين يدْجَان ذ اَصبْحَان، أَتَاف بَابَاثْوم إِݣ يدْجَان ذݣ وجنَّا يتݣّ كْتَار. ئِتِيشّ مِين يدْجَان ذ اَصبْحَان إِ يِنِّي ذَاس ث يتتَّارن.

لوقا 11:12

مَا اَذَاس يُوْش بَابَاس ثْغِيرْذنْت إِ ممِّيس مڒَا يتَّار-اَس ثَمدْجَاڒْث؟ لَّا!

لوقا 11:2

ينَّا-ٱسن عِيْسَى: "مڒْمِي غَا ثࢲَّادْجم إِنِيم اَمُّو: آ بَابَاثْنغ، ذ اَمقّْرَان إِݣ يدْجَا يِيسم نّش. أَذ د يَاس ڒْمُلْك نّش.

لوقا 18:7

أَربِّـي، مَا وَار ذَاسن يتِيشّ ڒْحَقّ إِ يِوْذَان نّس إِي ث يتتَّارن دْجِيڒث ذ نْهَار؟ مَا اَخَاسن يعطَّڒ وَار ذَاسن يسْتِيجِيب شَا؟

يوحنا 4:10

ينَّا-ٱس عِيْسَى: "مَعْلِيك شم ثسّْنذ لْهَدِيَا ن أَربِّـي ثسّْنذ مِين عْنِيغ نش إِي ذَام يقَّارن ؤُش-اَيِي اَذ سْوغ، أَتَاف ثتَّارذ-اَيِي شم اَمَان اَذَام ؤُشغ اَمَان ن ثُوْذَارْث."

ڒخذايم 2:38

ينَّا-ٱسن بُطْرُس: "تُوْبث، تْوَاطهَّارث س وَامَان كُڒ يجّن زَّايْوم عْلَاحْسَاب يسم ن عِيْسَى لْمَسِيح حمَا اَذ تْوَاغْفَرنْت ڒْمُعْصِيَاث نْوم، أَتَاف اَذَاوم يمُّوْش أَرُّوْح يقدّْسن ذ لْهَدِيَا.

أيث-روما 5:17

يعْنِي س سَّبَاب ن ڒْمُعْصِيّث نِّي ن يِجّن ن بْنَاذم ثبْذَا ڒْموْث ثْحكّم خ يِوْذَان س سَّبَاب ن بْنَاذم نِّي. ڒخُّو س سَّبَاب ن يِجّن ن بْنَاذم، يعْنِي س عِيْسَى لْمَسِيح، ذ ثُوْذَارْث نتَّاث ثْحكّم اَطَّاس خ يِنِّي يقبّْڒن اَرْضَا يمْغَارن ن أَربِّـي ذ لْهَدِيَا إِي ثن يسمْصْڒَاحن اَكِذس.

أيث-روما 7:18

نش طَّبِيعَا ثَعفَّانْت ينُو سّْنغ وَار ذَايس ثزْذِيغ ؤُڒَا ذ يجّن ن ثْمسْڒَايْث ذ ثَصبْحَانْت. لِأَنَّا رزُّوْغ اَذ ݣّغ ثِمسْڒَايِين ثِصبْحَانِين، وَلَكِن وَار زمَّرغ اَثنْت ݣّغ.

أيث-روما 8:32

سِيذِي أَربِّـي وَار يسْعِيزّ شَا مِّيس خَانغ، ئِقدّم-يث إِ ڒْموْث خَانغ مَارَّا. مَا اَذ تقِّيم شَان ڒْحَاجث وَار ذَانغ-ت يتِيشّ شَا اَكِذس؟

ثبرات غار تيتوس 3:3

شُوْف، نشِّين عَاوذ تُوْغَا ذَايْنغ يجّن ن ڒقْفَاڒث، وَار نتْطِيعِي شَا، نتْوَاشمّث، حكّْمنْت خَانغ اَطَّاس ن لْأَنْوَاع ن شّهَاوَاث ذ زّْهُو. تُوْغَا نتْعِيش ذݣ يِجّن ن ڒقْبَاحث ذ ڒحْسذ، عِيفّن-اَنغ يِوْذَان، نتْعِيفَّا اَيَاوْيَا.