لوقا 10:7 - ثريفيث 2020

⁷ قِّيمم ذِي ثدَّارْث نِّي، شّم سْوم زِي مِين غَارْسن مِينْزِي ونِّي يتْبشَّارن غَارس ڒْحَقّ اَذ يتْخَاڒس. وَار تْرَاحم شَا زِي ثدَّارْث غَار ثدَّارْث.

لوقا 10:7 Խաչաձեւ Հղումներ

2 تيموتاوس 2:6

أَفدْجَاح إِݣ يتَمَارن ذِي ڒْخذْمث أُو لَابُد اَذ ييْسِي ڒْحَقّ نّس نتَّا ذ اَمزْوَارُو زِي ثْفدْجَاحْث نِّي.

أيث-ݣلاطيا 6:6

فَا ونِّي ؤُمِي سڒْمَاذن اَوَاڒ ن أَربِّـي، ئِتْخصَّا اَذ يشَرش نتَّا اَك ونِّي يسڒْمَاذن زِي مَارَّا مِين يدْجَان ذ اَصبْحَان.

لوقا 9:4

خْمِي غَا ثَاذْفم غَار شَان ثدَّارْث، قِّيمم ذِنِّي اَڒ غَا ثُوْيُوْرم سّنِّي.

مرقس 6:10

ينَّا-ٱسن: "مَانِي مَا ثُوْذْفم غَار شَان ثدَّارْث، قِّيمم ذِنِّي اَڒ غَا ثُوْيُوْرم سّنِّي.

1 تيموتاوس 5:13

عَاوذ اَذ ذوْڒنْت ذ ثِمعْݣَازِين ݣُّوْرنْت زِي ثَدَّارْث غَار ثدَّارْث تݣّنْت فَرْق-شّْغڒ. مَاشِي ذ ثِمعْݣَازِين وَاهَا، تْعَاوَاذنْت ڒخْبُوْرَاث تَاذْفنْت ذِي شّْغُوْرَاث ن مِيدّن قَّارنْت ثِمسْڒَايِين وَار يتْخصَّا شَا اَذ تْوَانَّانْت.

ڒخذايم 16:34

يُوْوِي-ثن غَار ثدَّارْث نّس يُوْشَا-اَسن اَذ شّن. ئِفَرح نتَّا ذ مَارَّا ڒحْبَاب نّس مِينْزِي ؤُمْنن زِي أَربِّـي.

ڒخذايم 16:15

وَامِي ثتْوَاطهَّار س وَامَان نتَّاث ذ ڒحْبَاب نّس، ثتَّار زَّايْنغ ثنَّا-ٱنغ: "أَرَاحم-د غَار ثدَّارْث ينُو قِّيمم اَكِذِي يعْنِي مڒَا ثْتيّْقم بلِّي نش ؤُمْنغ زِي سِيذِي أَربِّـي." ثْحشّم-اَنغ نتَّاث اَڒ وَامِي نقْبڒ.

ڒخذايم 16:40

وَامِي فّْغن زِي ڒحْبس رُوْحن غَار ثدَّارْث ن لِيْدْيَا. ࢲْرين ذِنِّي اَيثْمَاثْسن شجّْعن-ثن، سّنِّي ؤُيُوْرن.

لوقا 10:6

مڒَا يقْبڒ-كنِّيو بَاب ن ثدَّارْث نِّي، أَتَاف اَكِذس تِيڒِي لْبَرَكَا نْوم. مڒَا وَار كنِّيو يقْبِيڒ شَا، أَتَاف وَار كِذس تْغِيمِي شَا لْبَرَكَا نْوم.