لوقا 1:6 - ثريفيث 2020

⁶ زَكَرِيَا ذ إِلِيزَابت نِثْنِي ݣُّوْرن نِيشَان اَك أَربِّـي، ؤُڒ نْسن ذ اَشمْڒَاڒ. تݣّن مَارَّا مِين يُوْمَر ذ مَارَّا مِين يوصَّا سِيذِي أَربِّـي.

لوقا 1:6 Խաչաձեւ Հղումներ

لوقا 1:7

وَلَكِن وَار غَارْسن بُو يحنْجِيرن مِينْزِي إِلِيزَابت وَار تِيرو شَا. عَاوذ نِثْنِي س ثْنَاين إِذْسن مْغَارن اَطَّاس.

لوقا 16:15

ينَّا-ٱسن عِيْسَى: "كنِّيو ذ يِنِّي إِي يرزُّوْن اَذ ؤُشن ڒْحَقّ خ يِيخف نْسن زَّاث إِ يِوْذَان، وَلَكِن أَربِّـي يسّن مِين غَارْوم ذݣ وُوْڒَاون نْوم. مِين يتَارَّان بْنَاذم غَارس لْقِيمَا، أَتَاف مَانَاينِّي ذ اَعفَّان اَطَّاس غَار أَربِّـي.

لوقا 2:25

تُوْغَا ذِنِّي ذِي ثنْدِينْت ن لْقُدْس يجّن ن بْنَاذم قَّارن-اَس شِمْعُوْن. ئِݣُّوْر نِيشَان، يتݣّْوذ أَربِّـي، ئِتْرَاجَا أَيث-إِسْرَائِيل اَذ نجْمن، أَرُّوْح يقدّْسن اَقَاث خَاس.

ڒخذايم 2:25

لِأَنَّا يسِّيوڒ خَاس نَّبِي دَاود ذݣ يِجّن ن زْمَان وَامِي ينَّا: قَا تْوَاڒِيغ سِيذِي أَربِّـي زَّاثِي إِ ڒبْدَا، أَقَاث خ وفُوْسِي ينُو بَاش وَار ترْجِيجِيغ.

ڒخذايم 23:1

ئِخْزَر مْلِيح بُوْلُس غَار جْمَاعث ن لْحُكَّام ن أَيث-إِسْرَائِيل ينَّا-ٱسن: "آي اَيثْمَا، قَا نش ݣِّيغ لْوَاجِب نِيْشَان اَك أَربِّـي، زِي قْبڒ حتَّا نْهَارَا نش ضَّمِير ينُو مرْتَاح."

ڒخذايم 24:16

فَلِهَاذَا تݣّغ مَارَّا جّْهذ ينُو بَاش اَذ عِيْشغ س يِجّن ن ضَّمِير مرْتَاح زَّاث إِ أَربِّـي ذ يِوْذَان.

ڒخذايم 8:21

وَار غَارك يتِيڒِي بُو ومْشَان ؤُڒَا ذ ڒْحَقّ ذِي ڒْخذْمث-أَ ڒَاحقَّاش ؤُڒ نّش وَار يدْجِي شَا نِيشَان اَك أَربِّـي.

أيث-روما 8:4

بَاش اَذ يتْوَاكمّڒ مِين ثْخس زَّاينغ شَّرِيعَا ن مُوْسَى. نشِّين، يعْنِي ذ يِنِّي إِݣ يݣُّوْرن ذݣ وبْرِيذ ن اَرُّوْح، وَار نْتݣّ اَرَّاي إِ نّفْس نّغ.

1 أيث-كورينث 11:2

فَا تْشكَّرغ-كنِّيو وَامِي تعْقَاڒم خَافِي ذِي مَارَّا ثِمسْڒَايِين، ثْحفّْظم تَّعْلِيم نِّي مَامّش ذَاوم ث سڒْمَاذغ نش.

22 أيث-كورينث 1:12

أَقَا نشِّين نْتفْتَخَر زِي ضَّمِير نّغ يعْنِي يشهّذ بلِّي نُوْيُوْر مْلِيح ذِي دُّنشْت-أَ خَصَّاتَن اَكِذْوم س يِجّن ن نِّيّث ذ وُوْڒ يصْفَان زِي أَربِّـي. وَار يدْجِي بُو س يِجّن ن ڒفْهَامث ن دُّنشْت-أَ؛ لَّا، س يِجّن ن اَرْضَا ن أَربِّـي.

أيث-فيليـپـي 2:15

أَمُّو اَذ تِيڒِيم بَرِئِن بْڒَا ڒْعِيب ذِي ڒْوسْط ن يِوْذَان ن ڒْوقْث-أَ يعوّْجن يخَروْضن. ذَايْسن إِي ثْرقّم اَم يِيثْرَان ذِي دُّنشْت-أَ خْمِي ذَاسن تْقدَّامم اَوَاڒ ن ثُوْذَارْث. أَمنِّي اَذ فْتَخَرغ ذِي نْهَار نِّي ن لْمَسِيح نش وَار ؤُزِّيڒغ شَا وَار خْذِيمغ شَا ذِي ڒْخَاوِي وَاهَا.

أيث-كولوس 1:22

وَلَكِن ڒخُّو لَّا، أَربِّـي يسمْصْڒَاح-يكنِّيو اَكِذس س دَّات ن لْمَسِيح يعْنِي س ڒْموْث نّس بَاش اَكنِّيو يقدّم زَّاثس ثصْفَام بْڒَا ڒْعِيب وَار ذِنِّي بُو وِي كنِّيو إِي غَا يتَاهَامن.

1 أيث-سلونيك 3:13

أَذَاوم يسجْهذ ؤُڒَاون نْوم بَاش اَذ تِيڒِيم بْڒَا ڒْعِيب اَذ تِيڒِيم مُقدّْسِين زَّاث إِ أَربِّـي بَابَاثْنغ خْمِي د غَا يَاس سِيذِيثْنغ عِيْسَى اَك مَارَّا صَّالِحِين نّس.

2 بطرس 3:14

خ مَانَايَا آي يمْعِيزّن ينُو، خْمِي غَا ثْرَاجَام كنِّيو إِ ثْمسْڒَايِين-أَ ݣّث لْمجْهُوْد نْوم بَاش اَكنِّيو يَاف اَكِذس ذِي ڒهْنَا بْڒَا ڒوْسخ بْڒَا ڒْعِيب.

1 يوحنا 2:29

خْمِي غَا ثسّْنم بلِّي نتَّا نِيْشَان إِݣ يدْجَا، أَتَاف اَذَايْوم ثِيڒِي تِّقث بلِّي بْنَاذم إِݣ يسْخدَّامن مِين يدْجَان نِيْشَان نتَّا يخْڒق-د زَّايس.

1 يوحنا 2:3

مَامّش غَا نݣّ نشِّين أَ نفْهم بلِّي نسّن-يث؟ قَا ث نسّن مڒَا نتْطَاعَا-ٱسنْت إِ ڒُوْصِيَاث نّس.

1 يوحنا 3:7

آ يحنْجِيرن، وَار تجَّام حَدّ اَكنِّيو يخْذع. ونِّي إِݣ يقِّيمن يسْخدَّام مِين يدْجَان نِيْشَان قَا نتَّا اَقَاث نِيْشَان مَامّش إِݣ يدْجَا سِيذِيثْنغ.