يوحنا 8:55 - ثريفيث 2020

⁵⁵ كنِّيو وَار ث ثسِّينم شَا، نش سّْنغ-ث. مڒَا نِّيغ ؤُڒَا ذ نش وَار ث سِّينغ شَا، أَذ يڒِيغ اَم كنِّيو ذ بُو-يخرِّيقن. وَلَكِن نش سّْنغ-ث، تݣّغ اَرَّاي إِ وَاوَاڒ نّس.

يوحنا 8:55 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 11:27

ئِمُّوْش-ٱيِي كُڒْشِي زِي بَابَا. وَار يسِّين حَدّ مِين يعْنَا مِّيس منْغِير بَابَاس. وَار يسِّين حَدّ مِين يعْنَا بَابَاس منْغِير مِّيس. بَابَاس، أَث سّْنن غِير يِنِّي ؤُمِي يخس مِّيس اَذَاسن ثِيذ يسْمظْهَار.

لوقا 10:22

ئِمُّوْش-اَيِي كُڒْشِي زِي بَابَا. وَار يسِّين حَدّ مِين يعْنَا مِّيس منْغِير بَابَاس. وَار يسِّين حَدّ مِين يعْنَا بَابَاس منْغِير مِّيس. بَابَاس، أَث سّْنن غِير يِنِّي ؤُمِي يخس مِّيس اَذَاسن ثِيذ يسْمظْهَار."

يوحنا 1:18

ؤُڒَا ذ يجّن وَار يࢲْرِي أَربِّـي عَمَّارْص. مِّيس وَاحْذس إِݣ يدْجَان ذݣ وُوْڒ ن بَابَاس ذ نتَّا إِي ذَانغ د يسْمظْهَارن سِيذِي أَربِّـي.

يوحنا 15:10

مڒَا ثخدّْمم زِي ڒُوْصِيَاث ينُو، أَتَاف اَذ تِيڒِيم ذِي ڒمْحِبّث ينُو اَمشْنَاو مَامش ݣِّيغ نش زِي ڒُوْصِيَاث ن بَابَا اَقَايِي ذِي ڒمْحِبّث نّس.

يوحنا 15:21

نِثْنِي تݣّن-اَوم مَانَايَا مَارَّا خ سَّبَاب ن يِيسم ينُو مِينْزِي وَار سِّينن شَا ونِّي إِي ذَايِي د يسّكّن.

يوحنا 16:3

نِثْنِي تݣّن مَانَايَا مِينْزِي وَار سِّينن شَا بَابَا، وَار ذَايِي سِّينن ؤُڒَا ذ نش.

يوحنا 17:25

آ بَابَا يدْجَان نِيشَان، دُّنشْت وَار ش ثسِّين شَا وَلَكِن نش قَا سّْنغ-ش. يِيْنَا اَكِذِي سّْنن قَا ثسّكّذ-اَيِي-د شك.

يوحنا 6:46

وَار يدْجِي ؤُڒَا ذ يجّن يࢲْرَا بَابَا إِلَّا ونِّي إِي د يُوْسِين زِي أَربِّـي، ذ نتَّا إِݣ يࢲْرِين بَابَا.

يوحنا 8:19

نَّان-اَس: "مَانِي يدْجَا بَابَاش؟" ينَّا-ٱسن عِيْسَى: "كنِّيو وَار ذَايِي ثسِّينم شَا، وَار ثسِّينم ؤُڒَا ذ بَابَا. مَعْلِيك ذَايِي ثسّْنم اَذ تيڒِي ثسّْنم ؤُڒَا ذ بَابَا."

يوحنا 8:29

ونِّي ذَايِي د يسّكّن اَقَاث اَكِذِي وَار ذَايِي يجِّي بُو وَاحْذِي مِينْزِي نش خدّْمغ ڒبْدَا مِين ذَاس يتعْجِيبن."

يوحنا 8:44

بَابَاثْوم ذ إِبْڒِيس، ثْرزُّوْم اَذ تذْفَارم مِين يخس نتَّا. زݣ ومزْوَارُو نتَّا ينقّْ يوْذَان. وَار غَارس شَا لْعَلَاقَا اَك لْحَقِيقَا مِينْزِي نتَّا وَار ذَايس بُو لْحَقِيقَا. مڒْمِي مَا يسْخرَّق، أَتَاف يسَّاوَاڒ زِي مِين ذَايس مِينْزِي نتَّا ذ بُو-يخرِّيقن، ذ بَابَاثْسن ن يخرِّيقن.

يوحنا 8:51

أَقَا تسْڒَام ڒْحَقّ: ونِّي يتݣّن اَرَّاي إِ وَاوَاڒ ينُو اَتَاف وَار يْتْوِيڒِي ڒْموْث عمَّارْص."

يوحنا 8:52

نَّان-اَس يسْرَائِيلِيْين: "رخُّو نسّن بلِّي شك ذَايك جْنُوْن. سِيذْنَا بْرَاهِيم ذ لْأَنْبِيَا مَارَّا مُّوْثن. شك ثقَّارذ مڒَا شَان يِجّن اَذ يݣّ اَرَّاي إِ وَاوَاڒ ينُو عمَّارْص اَذ يقَّاس ڒْموْث.

ڒخذايم 17:23

أَخْمِي تْسَارِيغ نش، خزَّرغ مْلِيح ذِي زَّاوْيَاث نْوم مَانِي ثْعبّْذم. ࢲْرِيغ ذِنِّي يجّن ن ڒْمذْبَح ؤُرِينْت ذَايس ثِيْرَا، ثِيْرَا نِّي قَّارنْت: أَربِّـي نِّي إي وَار يتْوَاسّْنن شَا. شُوْف، أَربِّـي نِّي إِي ثْعبّْذم كنِّيو وَار ث ثسِّينم شَا، أَذَاوم ينِيغ نش مِين يعْنَا.

22 أيث-كورينث 4:6

ذ أَربِّـي إِݣ ينَّان: "نُّوْر اَذ يشعْشع زِي ثَادْجسْت." ذ أَربِّـي-يَا إِݣ يشعْشْعن ذݣ وُوْڒَاون نّغ بَاش أَ نسّن لْعَظَمَا ن أَربِّـي إِݣ يتْشعْشِيعن ذݣ وُوْذم ن عِيْسَى لْمَسِيح.

1 يوحنا 1:6

مڒَا نقَّار قَا نشِّين نْتمْعَاشَر اَكِذس وَلَكِن نݣُّوْر ذݣ وبْرِيذ ن ثَادْجسْت اَتَاف نسْخَرِّيق وَاهَا وَار نسْخدِّيم شَا لْحَقِيقَا.

1 يوحنا 2:22

مِين يعْنَا ونِّي إِي يسْخَرِّيقن إِلَّا ونِّي ينكَّرن بلِّي عِيْسَى ذ لْمَسِيح؟ نتَّا ذ دّجَّال يعْنِي ونِّي إِي ينكَّرن بَابَاثْنغ ذ مِّيس.

1 يوحنا 2:4

ونِّي إِي غَا ينِين قَا نش سّْنغ-ث وَار يتْطِيعِي شَا إِ ڒُوْصِيَاث نّس اَتَاف نتَّا ذ بُو-يخَرِّيقن وَاهَا، أَتَاف لْحَقِيقَا وَار ذَايس ثْزدّغ شَا.

1 يوحنا 5:10

ونِّي غَا يَامْنن زِي مِّيس ن أَربِّـي اَتَاف اَغَارس ثِيڒِي شْهَاذث-أَ ذݣ وُوْڒ نّس. ونِّي وَار يُوْمِينن شَا زِي شْهَاذث-أَ ن أَربِّـي اَتَاف اَث يَارّ ذ بُو-يخَرِّيقن وَاهَا ڒَاحقَّاش نتَّا وَار يُوْمِين شَا زِي شْهَاذث-أَ إِݣ يشْهذ عْلَاحْسَاب مِّيس.

لواحي ن يوحنا 3:9

أَمَّا يِنِّي زِي جْمَاعث إِي يعبّْذن شِّيطَان حسّْبن يخف نْسن زِي أَيث-إِسْرَائِيل، وَلَكِن نِثْنِي وَار دْجِين شَا زِي أَيث-إِسْرَائِيل سْخرِّيقن وَاهَا. أَثن د اَرّغ س بزّز اَذ د اَسن اَذ سجّْذن غَار يضَارن نّش اَذ سّْنن نش تْحِبِّيغ-شك.