يوحنا 8:31 - ثريفيث 2020

³¹ ينَّا-ٱسن عِيْسَى إِ يسْرَائِيلِيْن يِنِّي زَّايس يُوْمْنن: "مڒَا ثقِّيمم ذݣ وَاوَاڒ ينُو، أَذ تِيڒِيم ذ صَّح ذ يمحْضَارن ينُو.

يوحنا 8:31 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 24:13

وَلَكِن ونِّي غَا يصْبَرن غَار ونݣَّارُو اَتَاف اَذ ينْجم.

يوحنا 1:47

عِيْسَى يࢲْرَا نَاثْنَاهِيل يݣُّوْر-د غَارس ينَّا: "وَانِيتَا نِيشَان زِي أَيث-إِسْرَائِيل، وَار ذَايِس بُو يخَارْوِيضن."

يوحنا 2:2

ؤُڒَا ذ عِيْسَى ذ يمحْضَارن نّس تْوَاعَرْضن غَار ڒْفَارْح نِّي.

يوحنا 6:55

مِينْزِي دَّات ينُو ذ ڒْمَكْلَا ن صَّح، ئِذَامّن ينُو ذ ثِيسسِّي ن صَّح.

يوحنا 8:36

مڒَا يضْڒق-اَوم مِّيس يُوْشَا-ٱوم لْحُرِّيَا، أَغَارْوم ثِيڒِي ذ صَّح لْحُرِّيَا.

ڒخذايم 13:43

وَامِي د تفّْغن زِي ثمْزِيذَا، ذْفَارن-ثن اَطَّاس ن يسْرَائِيلِيْين ذ يِنِّي يسڒْمن ذِي دِّين ن أَيث-إِسْرَائِيل إِي تݣّْوْذن أَربِّـي. بُوْلُس ذ بَرْنَابَا سِّيوْڒن اَكِذْسن شجّْعن-ثن حمَا اَذ ارْنِين ذي اَرْضَا ن أَربِّـي.

ڒخذايم 14:22

ݣِّين ؤُڒ ذݣ يمحْضَارن نِّي، شجّْعن-ثن بَاش اَذ اَرْنِين ذِي لْإِيمَان نْسن. قَّارن-اَسن: أُو لَابُد اَخَانغ ثكّ اَطَّاس ن تَمَارَا بَاش نشِّين ڒْمُوْمِنِين أَ نَاذف ذِي ڒْمُلْك ن أَربِّـي.

ڒخذايم 26:22

وَلَكِن أَربِّـي يعَاون-اَيِي-د زِي قْبڒ حتَّا نْهَارَا. أَمُّو اَقَايِي نش ذَانِيتَا بدّغ، تْبشَّارغ س ومزْيَان ذ ومقّْرَان. قَّارغ غِير ثِمسْڒَايِين نِّي إِي نَّان لْأَنْبِيَا ذ مُوْسَى لَابُد اَذ وقْعنْت.

أيث-روما 11:22

إِذن خْزَر مشْحَاڒ يصْبح أَربِّـي مشْحَاڒ إِي يقْسح. ئِقْسح خ يِنِّي يوْضَان؛ ئِصْبح اَكِذش شك يعْنِي مڒَا ثقِّيمذ ذِي ڒْخِير نّس. مڒَا لَّا اَتَاف اَذ تْوَاقسّذ ؤُڒَا ذ شك.

أيث-روما 2:7

أَذَاسن يُوْش ثُوْذَارْث وَار يفنِّين شَا إِ يِنِّي يصبَّارن تݣّن لْحَسَانَاث، لِأَنَّا رزُّوْن خ لْهِمَّا ذ ؤُوقَّار ذ ثُوْذَارْث نِّي يتْدُوْمَان.

أيث-كولوس 1:23

وَلَكِن لَابُد اَذ تقِّيمم ذِي لْإِيمَان نْوم نِيشَان اَذ تْبدّم خ دْسَاس، وَار ثْسمّْحم شَا ذِي لْأَمَال ن لْإِنْجِيل تُوْغَا إِي تسْڒِيم. لْإِنْجِيل-أَ تْوَابشَّرنْت زَّايس قَاع ثِمسْڒَايِين يتْوَاخڒْقن سْوَادَّاي وجنَّا، أُو نش بُوْلُس ذوْڒغ ذ اَخدَّام نّس.

1 تيموتاوس 2:15

ثَمْغَارْث اَذ تْوَاسنْجم عْلَاحْسَاب ثَارْوَا وَلَكِن يتْخصَّا وَا لَابُد اَذ قِّيمنْت نِثنْتِي ذِي لْإِيمَان ذ ڒمْحِبّث ذ ڒصْفِيّث عْلَاحْسَاب لْمَعْقُوْل.

1 تيموتاوس 4:16

خْزَر ذِي ثُوْذَارْث نّش ذ ثْمسْڒَايِين إِي ثْسڒْمَاذذ، ارْنِي ذَايْسنْت. لِأَنَّا مڒَا ثݣِّيذ مَانَايَا اَذ تسْنجْمذ يخف نّش ذ يِنِّي إِي ذَاش يتْسْڒَان.

2 تيموتاوس 3:14

شك لَّا، ارْنِي ذِي مِين ذَاش سْڒمْذن ذ مِين ش يسقْنَاعن مِينْزِي ثسّْنذ يِنِّي إِي ذَاش يسْڒمْذن مَانَاينِّي.

يعيبرانيين 3:14

أَقَا نشِّين أَ نِيڒِي ذ يمْعَشَارن ذِي لْمَسِيح يعْنِي مڒَا نقِّيم نطّف مْلِيح اَڒ ونݣَّارُو ذِي تِّقث نِّي إِي تُوْغَا غَارْنغ ذ اَمزْوَارُو.

يعيبرانيين 8:9

مَاشِي اَم ڒْعَهذ نِّي إِي ݣِّيغ اَك ڒجْذُوْذ نْسن، وَامِي ثن طّْفغ زݣ يفَاسّن نْسن، أَثن سُوْفْغغ زِي ثْمُوْرْث ن مِصْرَا. لِأَنَّا نِثْنِي وَار طِّيفن شَا ذِي ڒْعَهذ ينُو، أُوْشَا نش سمْحغ ذَايْسن، يقَّار-يث سِيذِي أَربِّـي.

ثبرات غار يعقوب 1:25

وَلَكِن ونِّي يخزَّرن ذِي شَّرِيعَا يكمْڒن ثنِّي إِي ذِي ثدْجَا لْحُرِّيَا، ئِتطّف ذَايس وَار يتتُّو شَا مِين يتْسْڒَا يخدّم زَّايس، أَتَاف اَزَّايس يَاوِي لْبَرَكَا ذِي مِين يتݣّ.

1 يوحنا 2:19

فّْغن زَّايْنغ وَلَكِن تُوْغَا وَار دْجِين شَا زَّايْنغ. مَعْلِيك زَّايْنغ، أَتَاف قِّيمن اَكِذْنغ. نِثْنِي فّْغن بَاش اَد د يبَان بلِّي وَار دْجِين شَا زَّايْنغ.

1 يوحنا 2:24

إِيوَا اَرّم-د ڒْبَاڒ نْوم بَاش اَذَايْوم يقِّيم مِين ثسْڒِيم زݣ ومزْوَارُو. مڒَا يقِّيم ذَايْوم اَوَاڒ نِّي إِي ثسْڒِيم زݣ ومزْوَارُو، أَتَاف ؤُڒَا ذ كنِّيو اَذ تقِّيمم ذِي مِّيس اَك أَربِّـي بَابَاس.

2 يوحنا 1:9

ونِّي يرُوْحن غَار ڒݣّْوَاج وَار يقِّيم شَا ذِي تَّعْلِيم ن لْمَسِيح اَتَاف وَار غَارس شَا أَربِّـي. ونِّي يقِّيمن ذِي تَّعْلِيم-أَ اَغَارس يِيڒِي بَابَاثْنغ اَك مِّيس.