يوحنا 6:51 - ثريفيث 2020

⁵¹ أَقَا ذ نش ذ اَغْرُوْم يدَّرن إِي د يهْوَان زݣ وجنَّا. مَارَّا ونِّي غَا يشّن زݣ وغْرُوْم-أَ اَذ يدَّر إِ ڒبْدَا. أَغْرُوْم-أَ إِي تِيشّغ نش ذ دَّات ينُو حمَا اَذ تدَّر دُّنشْت-أَ."

يوحنا 6:51 Խաչաձեւ Հղումներ

أَسڒْمذ ن سِيذِيثْنغ عِيْسَى لْكِتَاب ن مَتَّى 20:28

مِّيس ن بْنَاذم ؤُڒَا ذ نتَّا وَار د يُوْسِي شَا حمَا اَخَاس خذْمن يِوْذَان. لَّا، نتَّا يُوْسَا-د حمَا اَخَاسن يخْذم، أَخَاسن يصدّق ثُوْذَارْث نّس حمَا اَذ يسنْجم اَطَّاس زَّايْسن."

لوقا 22:19

ئِيْسِي اَغْرُوْم يشكَّر أَربِّـي يرْزِي-ث يُوْشَا-ٱسن-ث ينَّا-ٱسن: "ذ وَا إِݣ يدْجَان ذ دَّات ينُو إِي غَا يمُّوْشن عْلَاحْسَاب كنِّيو. تݣّث مَانَايَا حمَا اَذَايِي ثْفكَّرم."

يوحنا 1:14

أَوَاڒ-أَ يذْوڒ ذ بْنَاذم، ئِزْذغ جَارَانغ. نشِّين نࢲْرَا لْعَظَمَا غَارس يدْجَان، لْعَظَمَا-يَا ثدْجَا غَار مِّيس وَاحْذس ن بَابَاس. نتَّا يشُّوْر س اَرْضَا ذ لْحَقِيقَا.

يوحنا 1:29

ثِيوشَّا نّس يَحْيَى يتْوَاڒَا عِيْسَى يݣُّوْر-د غَارس، ينَّا: "خْزَرث، ذ وِين ذ يزْمَار ن أَربِّـي إي غَا يكّْسن ڒْمُعْصِيّث خ يِوْذَان مَارَّا.

يوحنا 11:26

مَارَّا ونِّي يدَّرن أُو نتَّا يتَامن زَّايِي اَتَاف وَار يتْمتِّي إِ ڒبْدَا. مَا ثُوْمْنذ زِي مَانَايَا؟"

يوحنا 3:13

ؤُڒَا ذ يجّن مَا يُوڒِي غَار وجنَّا إِلَّا ونِّي د يهْوَان زݣ وجنَّا، نتَّا ذ مِّيس ن بْنَاذم.

يوحنا 3:14

أَمشنَاو مَامّش يسْبدّ مُوْسَى فِيغر ن نحَّاس خ ثحْنَاشْت ذِي ڒخْڒَا، أَمُّو يتْخصَّا اَذ يتْوَاسْبدّ مِّيس ن بْنَاذم ذݣ وجنَّا.

يوحنا 3:16

وَامِي يحِبّ أَربِّـي دُّنشْت-أَ، ئِهْذَا-يَاس مِّيس أَوحْذَانِي حمَا ونِّي زَّايس غَا يَامْنن وَار يفنِّي شَا اَغَارس ثِيڒِي ثُوْذَارْث ن ڒبْدَا.

يوحنا 3:36

ونِّي يتَامْنن زِي مِّيس اَتَاف غَارس ثُوْذَارْث ن ڒبْدَا. ونِّي وَار يتْطِيعِين شَا إِ مِّيس، أَتَاف وَار غَارس بُو ثُوْذَارْث اَخَاس يغْضب أَربِّـي."

يوحنا 5:24

أَقَا تسْڒَام ڒْحَقّ: ونِّي يتْسْڒَان إِ وَاوَاڒ ينُو يتَامن زݣ ونِّي ذَايِي د يسّكّن، أَغَارس ثِيڒِي ثُوْذَارْث ن ڒبْدَا وَار يتِيذف شَا ذِي لْعِقَاب، نتَّا اَذ يمُوْتِّي زِي ڒْمُوْث غَار ثُوْذَارْث.

يوحنا 6:33

مِينْزِي اَغْرُوْم ن أَربِّـي نتَّا ذ ونِّي إِي د يهوَّان زݣ وجنَّا يتِيشّ-اَس ثُوْذَارْث إِ دُّنشْت."

يوحنا 6:35

ينَّا-ٱسن عِيْسَى: "نش ذ اَغْرُوْم ن ثُوْذَارْث. ونِّي إِي غَاري د غَا يَاسن وَار يتْڒِيزِي عمَّارْص. ونِّي زَّايِي غَا يَامْنن وَار يتْفِيذِي عمَّارْص.

يوحنا 6:41

بْذَان يسْرَائِيلِيْين نِّي تْشثْشَان زَّايس وَامِي ذَاسن ينَّا قَا نش ذ اَغْرُوْم إِي د يهْوَان زݣ وجنَّا.

يوحنا 6:47

أَقَا تسْڒَام ڒْحَقّ: ونِّي إِي غَا يَامْنن اَغَارس ثِيڒِي ثُوْذَارْث ن ڒبْدَا.

يوحنا 6:48

نش ذ اَغْرُوْم ن ثُوْذَارْث.

يوحنا 6:50

مِين يعْنَا وغْرُوْم إِي د يهْوَان زݣ وجنَّا بَاش ونِّي إِي ث غَا يشّن وَار يتْمتِّي شَا؟

يوحنا 7:38

مَامّش ينَّا لْكِتَاب خ ونِّي زَّايِي غَا يَامْنن: أَزَّايس اَزّْڒن يغزْرَان ن وَامَان يسدَّرن."

22 أيث-كورينث 5:19

يعْنِي أَربِّـي يݣَّا ذِي لْمَسِيح بَاش اَذ يسمْصْڒَاح يوْذَان اَكِذس، وَار خَاسن يحسّب شَا ڒْمُعْصِيَاث نْسن. عَاوذ أَربِّـي يكلّف خَانغ اَوَاڒ-أَ وَانِيتَا ن صُّلْح.

22 أيث-كورينث 5:21

تُوْغَا وَانِيتَا وَار غَارس بُو ڒْمُعْصِيّث يَارِّي-ث أَربِّـي ذ ڒْعِيذ نّغ حمَا اَذَانغ يَارّ نِيشَان اَك أَربِّـي.

أيث-ؤفسوس 5:2

عِيشم ذِي ڒمْحِبّث مَامش يݣَّا لْمَسِيح وَامِي ذَانغ يحِبّ يصدّق خَانغ يخف نّس اَم يِجّن ن صّذْقث ثُفُوْح ذ يجّن ن دْبِيحث إِ أَربِّـي.

أيث-ؤفسوس 5:25

آي يرْيَازن، حِبّم ثِمْغَارِين نْوم مَامّش يحِبّ لْمَسِيح جْمَاعث ن ڒْمُوْمِنِين يصدّق خَاس يخف نّس حمَا اَت يسِّيصْفَا. يَارِّي-ت ذ ثَمنْقَاوِيث وَامِي ت يسِيرذ س وَامَان ذ وَاوَاڒ نّس.

ثبرات غار تيتوس 2:14

نتَّا يصدّق خَانغ يخف نّس ذ يجّن ن لْفِدْيَا خ مَارَّا شَّرّْ نّغ أُو عَاوذ بَاش اَذ يسِّيصْفَا يجّن ن شَّعْب إِ يِيخف نّس اَتَاف اَذ يڒِين نّس مُجُوْدِين اَذ ݣّن لْحَسَانَاث.

1 بطرس 2:4

خْمِي غَارس د ثْقَارَّابم غَار نتَّا إِي يدْجَان ذ اَزْرُو نِّي يدَّرن عِيفّن-ث يرْيَازن وَلَكِن أَربِّـي يخْضَر-يث يعِيزّ خَاس،

1 يوحنا 2:2

ذ نتَّا إِݣ يرُوْحن ذ لْفِدْيَا خ ڒْمُعْصِيَاث نّغ أُو مَاشِي غِير خ ڒْمُعْصِيَاث نّغ وَاهَا، حتَّا ؤُڒَا ذ ڒْمُعْصِيَاث ن دُّنشْت-أَ اَمن-ثكْمَاڒ.

1 يوحنا 4:10

س مَانَاينِّي مِينْزِي ذَاس قَّارن ڒمْحِبّث. مَاشِي ذ نشِّين إِي يخْسن أَربِّـي، ذ نتَّا إِي ذَانغ يخْسن وَامِي د يسّكّ مِّيس اَذ يِيڒِي ذ لْفِدْيَا خ ڒْمُعْصِيَاث نّغ.

1 يوحنا 4:14

إِيوَا نشِّين نࢲْرَا نْشهّذ بلِّي بَابَاثْنغ يسّكّ-د مِّيس حمَا اَذ يسنْجم دُّنشْت-أَ.